懷孕前後今日: 0|主題: 330492

收藏本版

發帖

返回列表

跳至頁

查看: 2653 | 回覆: 19

剛在浸會生仔 [複製鏈接]

為食熊

大宅

積分: 2289

1^#

發表於 11-9-24 16:21 |只看該作者 |倒序瀏覽 |打印

本帖最後由為食熊於 11-9-25 13:21 編輯

我上星期在浸會開刀生仔，我想講....呢世唔會再去浸會生！

我住左五日四夜，二樓，登記入院時我同左姑娘講我想住三樓(聽講少Ｄ大陸人), 佢又話二樓新裝修，同埋近產前房(我果時諗住順產），方便護士可以第一時間照顧我，三樓就多數係預約左開刀既媽咪住既，甘我就話盡量安排同返香港人一齊啦，佢就話盡量，但都好難保證無大陸人(我都知)...

去到自己間病房，一房八人，有兩張吉床，但間房好細，計埋我有三個香港媽咪，其餘係大陸人，第一日已經好嘈，對面床有個兩歲左右既細路不停喊，又跑黎跑去，俾個阿姐鬧，話自己推住Ｄ機會撞到個細路，又話甘細個其實唔俾入病房的，但end up個大陸媽都係無理會，個阿姐亦無再堅持。Ｄ大陸人有好多親朋戚友去醫院由早坐到晚，後來我隔離黎左個大陸人，佢個八歲左右既女係甘跑黎跑去，我終於頂唔順，向對講機投訴，好快有個阿姐去佢床位話: 太太呀，隔離床果位太太話你個細路成日跑黎跑去呀，叫你睇住佢呀! 個大陸老公就話: 佢想搵佢媽媽，我都控制唔到。個阿姐話: 唉，我唔知你地呀，我做中間人架姐，唔駛同我解釋。我聽完好滾，個阿姐好似事不關己甘，明明病房唔可以走黎走去，講到好似唔關佢事甘！Ｄ阿姐拉開我個廉時又唔先出聲，有一次我濟緊D人奶出黎，真係俾佢嚇死，點知係咪男人黎架? 有好幾個阿姐次次都唔幫我拉返D廉，我開完刀又落唔到床，真係勁無奈囉，我諗過用對講機投訴，但我又唔想做到好似D大陸人甘，想體諒下D做到好燥既員工，真係無諗過私家係甘...

仲有，我唔知係咪多人得滯，我每次用親對講機都要等成分鐘先有人應，應人果Ｄ姑娘都好無禮貌！如果有急事就慘喇，我試過響好耐都無人聽，我要收線等多陣先再打！

我間房在探嬰房出面，每日都好嘈，好多大陸人在排隊睇BB, 順便將我房個洗手間當公廁，尿跡斑斑，我叫阿姐黎清潔，佢仲要質問我邊忽污糟，好似我要證明俾佢睇係污糟佢先動手，後來我指俾佢睇，佢先話:哦，頭先睇唔到喎...（點解佢唔可以即刻清潔左先呢？要問我邊忽污糟？）

我同姑娘講話要轉房，佢話大房以上一級就係三人房，但一轉就要全部費用加30%!!法國都唔駛啦，三人房又唔係私家房！加我30%咪成萬幾蚊？我就話我想轉去三樓，佢話加$250, 我話ok, 但又話無位，姑娘話呢度超過八成都係大陸人，好難避架喎，同埋二樓我間房算好，因為係八人房，大部分大陸人都係住十二人房喎！

呢間醫院超多大陸人，Ｄ男人見到大肚婆都唔讓，又唔會避開，我開完刀幾驚佢地撞到我呀！聽D阿姐講，D大陸男人仲要訓埋張病床，個產婦就坐椅，俾阿姐鬧完都唔怕醜！

雖然如此，大部份姑娘(派藥，清洗傷口）都好好人，當我出院前交Ｄ野去護士站，有個大陸男人懶係型，帶住黑超大喝Ｄ姑娘話:我要房間的鎖匙，剛剛已經說了兩三遍了！D姑娘黑晒口面，無理佢，果刻我都同情Ｄ姑娘既，要對住呢Ｄ大款！

到姑娘同我講解BB出院野時，姑娘話可以講廣東話呀呵？我話係呀，佢話太好喇，好耐無講廣東話喇！甘我都知D姑娘受好多氣所以個個都甘唔好老脾！

最後，我埋單連訂金$51000, 浸會收萬六左右，其餘係醫生費＋BB費用(萬一)，浸會完全無私家醫院質素，我當呢五萬係完全俾我個醫生同埋買條靚Ｄ既疤痕好了！我住果度環境惡劣到我都唔敢叫朋友黎，好失禮！房細人多似收容站！