上文提到99叫我返去幫手無賴哥上頭的湯圓同結婚的午餐. 甘我抱住大家自己人, 點都要做下野既心態去幫手. 之前99叫我地買禮物, 我地冇應承, 不過99都買左隻介指叫我送俾佢. 送就送啦又唔駛我錢既. 99講左幾次叫我唔好同個女返去無賴哥結婚個日. 唔想佢搞搞震. 我心諗我個女都要返學, 我都唔會為左無賴哥結婚唔俾個女返學囉. 再者. 講一次就好啦, 唔駛成日講呀. 甘即係點呀. 咩叫搞搞震. 我個心真係有d唔高興.
到左上頭個晚. 99叫C6, 我同個女過去食飯. 甘梗係啦, 佢要我整湯圓麻.
食完飯甘D親戚又未到, 個時都9點幾. 個女第2日都要返學. 甘我就話不如我整定d湯圓啦. 我地唔等到上頭個細要返學. 初時99都EE哦哦. C6出聲大人冇問題, 小朋友返學要精神. 99都屈服啦. 我入去KITCHEN整個陣, 99又入埋黎, 我一邊搓一邊叫我搓圓D, 等無賴哥生個仔. 又同我講點解叫我幫手整湯圓同煮飯, 因為我結婚時睇過我8字, 話我8字好又有福. 而自找大嫂就8字差D, 所以想我幫下手等無賴哥呢段婚姻會好D. 我聽到之後都唔知係開心定係唔開心, 咩事成日都要搵我地去墊無賴哥屍底.
不過就算我點唔開心都好, 都要搓好晒D湯圓先可以走. 最後搞到成10點幾先走得. 返到屋企搞好個細既, 自己又要搞一輪, 都唔知有冇訓個4/5個鐘又起身, 因為送個女返學之後就要去99屋企幫手煮飯 C6就去做無賴哥既兄弟.
個下我真係好感激62. 因為我唔明為何前一晚唔講要斟茶, 咩事要等到C6唔係度先講, 仲要我一個人斟. 而家我係無賴哥個2奶呀, 要我斟俾大婆.
傻嫁99佢. 好彩62幫口講公道說話, 如果唔係我就好難過. 99聽到梗係黑晒面啦, 因為62都出聲佢既奸計唔得逞. 99同62講第時2個新抱有d咩唔開心呢D就係62既責任.
好不容易甘捱到晚上. 甘99嬲我麻. 佢換衫叫表姊幫佢換又話唔駛我做., 又係D賓客面前俾條金頸鏈我帶, 我都講左我唔帶金,佢話我會失禮佢. 死都要我帶, C6話唔好係度推黎推去, 俾人睇到仲樣衰叫我快D帶左去就算. 好啦, 都係帶一晚. 點知就係甘衰左. 由開始飲宴到走氣氛都OK的.
因為有車送男女家返屋企, 我地都留到最後. 等大家埋單我地一起走. 唔好唔記得無賴哥住係我地屋企隔離. 到左上車, 我地一家3口坐係車尾, 甘99/62就坐係車頭. 行到半途, 99係車頭好大聲甘哎係車尾既我除左俾幫我帶個條金鏈. 其實我真係唔記得左. 不過要唔要當住甘多人面前叫我除落黎, 而家我偷你咩. 係你死都要我帶, 我唔會貪呢D野, 無賴哥欠我既都唔止呢D啦. 我叫我老公即除, 我行上前俾返佢. 我一路都冇出聲, 第一站去左我地屋企先.
99叫我地幫無賴哥拎野上樓. 本來我唔想拎. 不過見到甘多野, C6一個真係拎唔到甘多. 唯有我都幫C6手, 而無賴哥就跟係識拖住自找大嫂隻手行. 我真係頂你個肺, D野你嫁, 你幫下手都好應該, 當我地係工人呀. 我地去佢屋企都冇入去, 就甘放低D野就走. 我個心真係慶過俾火燒.
如果想知道故事發展, 請留個言支持下丫. THANKS! 
發表於 
返回列表
