夫婦情感 今日: 0 | 主題: 42701

積分: 913

1^#

發表於 06-8-21 16:19 |只看該作者

點同男朋友的媽咪相處

我地都拍左好耐拖, 都有結婚的打算, 但係我覺得 aunt 唔係咁鐘意我, 成日有意無意講說話比我聽. 有一年過年, 因為男朋友唔想 aunt 覺得我地掛住自己玩唔理佢, 所以叫埋我去佢屋企, 咁我連續幾日紅日由朝到晚都同埋佢d 親戚一齊, 對我來講真係3唔識7同埋好悶,,,,,以為aunt會開心, 點知佢同我男朋友講話 "都唔知你陪緊邊個"

同埋上去男朋友屋企食飯, 我話左唔駛煮我飯 (因為我食少野, uncle 都唔食飯, 淨食餸 ), 唔知點解d 飯有剩, aunt 話我做咩唔食飯, 而家淨哂係度, 我咪話我講左唔要飯, 男朋友個e 媽自己話可以同我做證........佢就好唔高興咁黑臉

aunt 又同我男朋友講, 話我掛住養狗第日連 bb都唔會生架啦,,叫佢唸清楚....又有一次我同埋佢d 親戚食飯, 佢無啦啦又話有個舊同事, 因為養左狗, 所以而家話唔方便比朋友上去坐...

aunt 仲話我係命苦架,,, 因為我個生肖的原故咁話喎....叫我男朋友唸清楚呀......

唉好煩呀........我男朋友仲成日話結婚後, 叫我搬去佢屋企果區, 話佢父母退休後會搬去台灣住... 大家有咩意見? 點可以明哲保身?

私人傳訊

parker

積分: 551

2^#

發表於 06-8-21 22:17 |只看該作者

Re: 點同男朋友的媽咪相處

除左佢講既生肖呀, 命苦呀, 你仲知唔知佢點解唔鍾意你先?

其實單係上面一點, 已經夠佢先入為主, 可能以後有咩衰野都會入晒你數. 呢樣野, 係就算你千依百順, 百般討好都好難改變佢對你既睇法. 咁當然, 你要先做好自己, 試下行千依百順路線佢受唔受. 如果唔受, 你就知佢係邊種人囉.

咁你男友係咪群腳仔? 唔係既都好少少, 至多講明以後少見, 河水不犯井水. 但如果係群腳仔, 咁你就有排受. 婆媳關係好影響夫婦感情. 咁就祝你好運.

私人傳訊

君瑤媽

積分: 858

3^#

發表於 06-8-21 23:20 |只看該作者

Re: 點同男朋友的媽咪相處

講咁耐, 你男朋友都好似無出過聲幫你解圍喎! 話 "退休後會搬去台灣住....." 幾時呀? 會唔會有孌呢? 口講無憑, 如果快就不如等吓, 總好過見一步行一步, 因日子一長左就會孌成習慣唔到你唔忍耐到時唯有適應!你自己會好辛苦!

私人傳訊

onon1022

子爵府

積分: 12563

好媽媽勳章

4^#

發表於 06-8-21 23:33 |只看該作者

Re: 點同男朋友的媽咪相處

其實有陣時講者無意...聽者有意...如果你真係好愛你男朋友...而你男朋友又好鍚佢屋企人...咁你就要好好同你男朋友傾下...或者直接同你男朋友既阿媽傾下...問佢係咪唔鍾意你...做一d你男朋友阿媽鍾意既野...慢慢改善關係...

[url=http://lilypie.com][img]

私人傳訊

B桐豬之媽咪

大宅

積分: 1041

5^#

發表於 06-8-21 23:36 |只看該作者

Re: 點同男朋友的媽咪相處

咪係lor..你應該要了解清楚阿伯母仲有唔滿意你d乜...
同埋如果你真係決定同男朋友結婚的話...
就要將自己心入面唸ge野講出黎la...
你唔講佢又唔知...就會以為你乜都無所謂...到時辛苦係你自己...我同男朋結婚個陣都講明話唔會同佢媽咪一齊住...
正所謂..相見好同住難...費時第時有乜"呦矯"...要個老公夾係中間咪仲為難左個老公....
而家我同99都相處得唔錯呀...每個星期都同佢去飲下茶...
幾好~~~~ :-P

<豬仔桐的開心世界>

私人傳訊

pollybell

子爵府

積分: 14001

6^#

發表於 06-8-21 23:59 |只看該作者

Re: 點同男朋友的媽咪相處

睇完你講既野我覺得你係咪一個好靜唔多識同人多溝通既人呢?????你新年去Auntie屋企換來一句唔知你陪邊個,明顯Auntie唔滿意你唔懂得大體,同熱情幫手招呼親戚朋友.只顧男朋友.

至於食飯,有剩既幫手食左去,就唔洗Auntie覺得浪費,又可以俾Auntie落台,你真係有些唔識做人既.唔好怪我太直接.

你想Auntie中意你就應該識做少少,唔好撐到行,長背最忌頂到行.就算你唔食飯唔好有剩時,我講左乜乜乜,可能Auntie預多左,你唔洗大條道理架,無意思.

可能Auntie覺得你唔懂得做人所以話你命苦,只要你改變下自己既做人態度,就同任何人相處都無問題.

私人傳訊

積分: 5

7^#

發表於 06-8-22 00:33 |只看該作者

Re: 點同男朋友的媽咪相處

其實~我上到auntie屋企都會講下野...講多d野就知道
auntie既生活習慣呀..鐘意d咩呀?
思想開通定保守呀...其實同男友都講到差唔多話結婚咯
應該點都同auntie有兩句計架~

我初初同男友一齊..都有問定...你媽咪點架?
有無鐘意食咩呀?有冇鐘意d咩呀?
有時出去食飯有意無意都叫d佢鐘意食既送
咁auntie可能會覺得你好似同佢幾夾呀咁....

可能你會覺得我做人有d假...但係你都唔想第時條路難行架!

私人傳訊

cindybaby

大宅

積分: 1552

8^#

發表於 06-8-22 09:38 |只看該作者

Re: 點同男朋友的媽咪相處

pollybell 寫道:
睇完你講既野我覺得你係咪一個好靜唔多識同人多溝通既人呢?????你新年去Auntie屋企換來一句唔知你陪邊個,明顯Auntie唔滿意你唔懂得大體,同熱情幫手招呼親戚朋友.只顧男朋友.

至於食飯,有剩既幫手食左去,就唔洗Auntie覺得浪費,又可以俾Auntie落台,你真係有些唔識做人既.唔好怪我太直接.

你想Auntie中意你就應該識做少少,唔好撐到行,長背最忌頂到行.就算你唔食飯唔好有剩時,我講左乜乜乜,可能Auntie預多左,你唔洗大條道理架,無意思.

可能Auntie覺得你唔懂得做人所以話你命苦,只要你改變下自己既做人態度,就同任何人相處都無問題.

我好認同你的講法 !!!!琳琳貓:如果你可以改到的話,就最好啦~~~~而我就係板啦~~~我上親去都無咩講 (唔岩咀形),結左婚要改黎就99就更難,就算就都已經唔係咁簡單,身份唔同左,99要求又多左,例 :生bb,做人新抱呵~~~因為一開始就唔係好關係啦~~~~

私人傳訊

[[]]

大宅

積分: 2832

9^#

發表於 06-8-22 10:39 |只看該作者

Re: 點同男朋友的媽咪相處

kicoheidy
你咁重視同你未來奶奶相處之道,佢同個仔都好有褔,(起碼LEE一刻係)日後你又有個女好似你咁,介紹比我個仔,佢今年21個月

私人傳訊

積分: 5

10^#

發表於 06-8-22 12:32 |只看該作者

Re: 點同男朋友的媽咪相處

[[]] 寫道:
kicoheidy
你咁重視同你未來奶奶相處之道,佢同個仔都好有褔,(起碼LEE一刻係)日後你又有個女好似你咁,介紹比我個仔,佢今年21個月

我男朋友成日都話我好緊張架!佢又唔知人地想佢好喎!唔想第時你阿媽係你面前依依哦哦咋~ :tongue:
因為睇到咁多媽咪好似好難同奶奶相處..所以我要努力d至得..

我諗你仔仔要等等啦~~~到時我驚老夫少妻.....

等多三五七年先啦...意外唔計呀下!~~~

我男朋友係d有脾氣既人..生著個女似個就死囉~~到時我個女就真係搵你仔仔要~~~

私人傳訊

積分: 913

11^#

發表於 06-8-22 12:37 |只看該作者

Re: 點同男朋友的媽咪相處

我男朋友非常孝順, aunt 講野永遠係對的
其實我都有同男朋友傾過, 無論我點做aunt 都係唔鐘意我,,,做乖女又試過,, 成日陪佢屋企同埋親戚, 但唔知點解佢總係覺得我同佢爭仔,,, 可能因為我男朋友係獨仔
其實我好尊重佢地係長輩, 佢地鐘唔鐘意我, 我冇所謂, 但我唔想有日我同男朋友結婚,,, 比其他野影響到我地.......到時我男朋友夾係中間, 我都唔想, 但係我又怕我有日頂唔住,,, 又或者成日"哦" 我男朋友..........我應該點做?

私人傳訊

Ivy124

公爵府

積分: 28065

12^#

發表於 06-8-22 12:42 |只看該作者

Re: 點同男朋友的媽咪相處

只要做好本份...樣樣做到足....就已經足夠....關係發展成點就要睇人夾人緣喇

私人傳訊

parker

積分: 551

13^#

發表於 06-8-22 12:49 |只看該作者

Re: 點同男朋友的媽咪相處

我都覺得你唯一可以做既, 係自己括達, 只求問心無愧, 做左應做既野就算. 因為獨生子+裙腳仔呢種超級無敵組合, 你一個外人(就算加埋仔女) 係鬥唔過佢既. 因為你會投鼠忌器(你男友), 而你未來家姑係完全無顧忌, 就算佢點針對你, 都係兩仔乸, 係牌面黎講你已經輸晒. 咁就唯有括達啦.

私人傳訊

積分: 5

14^#

發表於 06-8-22 12:50 |只看該作者

Re: 點同男朋友的媽咪相處

琳琳貓寫道:
我男朋友非常孝順, aunt 講野永遠係對的
其實我都有同男朋友傾過, 無論我點做aunt 都係唔鐘意我,,,做乖女又試過,, 成日陪佢屋企同埋親戚, 但唔知點解佢總係覺得我同佢爭仔,,, 可能因為我男朋友係獨仔
其實我好尊重佢地係長輩, 佢地鐘唔鐘意我, 我冇所謂, 但我唔想有日我同男朋友結婚,,, 比其他野影響到我地.......到時我男朋友夾係中間, 我都唔想, 但係我又怕我有日頂唔住,,, 又或者成日"哦" 我男朋友..........我應該點做?

我男朋友都係獨子呀...其實佢媽咪係到...我都唔會同男朋友太過親密...就係驚佢媽媽覺得我同佢搶個仔咁..總之見到佢媽媽我就會主動同佢媽媽講野傾下計...到佢媽媽入左房呀..整自己野既時候..我先會理我男友...

我係家中大女..好多野會自己做返
但我男友係獨子..佢媽媽係好就佢好鍚佢架
有次我男友友叫佢媽媽幫佢拎乜乜乜...其實好近
我話你自已拎啦,又要auntie拎...auntie無出聲..但睇得出auntie唔鐘意咁...從此我就一係我幫我男友拎..佢媽咪鐘意拎就由得佢地lu~~~

我男朋友父母離左婚..所以佢媽咪就更鍚佢個仔..
又因為母子有少少相依唯命既感覺...我男朋友又係好鍚佢媽咪...好彩既係...佢媽咪暫時都無講我d乜

私人傳訊

Ivy124

公爵府

積分: 28065

15^#

發表於 06-8-22 12:53 |只看該作者

Re: 點同男朋友的媽咪相處

琳琳貓

頭先講o個d係我自己個人意見...而家睇完你個case...我就會咁諗...站在你伯友立場...佢覺得你男友只顧住你...而唔理佢係好正常...因為每一個亞媽都會咁諗...而佢叫個仔諗清楚亦係每一個亞媽都會講o既說話...佢都係想個仔好ja...講左亦唔會引至你地分手...咪當唔知lor...至於你話伯友比說話你聽...話你唔食飯...講真...你都唔會日日同佢食飯架啦...咪比d面食小小lor...佢開晒口叫你食..你都唔食...佢緊唔高興啦...因為99永遠都認為自己身份高你好多(咁事實亦都係)...你咪比d面佢lor,不過最重要係....你想關係有好轉或者唔好差落去...就千其咪一齊住喇...盞自尋煩腦

私人傳訊

積分: 913

16^#

發表於 06-8-22 14:04 |只看該作者

Re: 點同男朋友的媽咪相處

多謝咁多位回應我, 亦都比左唔少意見, 我都理解aunt好錫個仔, 我盡量順哂佢意, 就算點都好, 我都遷就佢, 睇下情況會唔會好轉

我地係 aunt 面前, 完全冇親密行為
我男朋友自已成約fd 出街, 根本就唔係約左我, 可能 aunt 見佢出街就以為佢約我

另外我想請教, 而家呢個情況, 我應該盡量出席或提出一d 活動同埋佢屋企人, 定係間唔中去一次呢? 同埋如果有關男朋友的親戚活動 (如佢舅父生日...親戚係外地返來), 我係咪次次都要去呢?

私人傳訊

ringoivy

翡翠宮

積分: 76971

17^#

發表於 06-8-22 15:50 |只看該作者

Re: 點同男朋友的媽咪相處

會唔會你係一個不久言笑既人黎呀

去到人地到又唔笑又唔出聲咁, AUNT就更係覺得你悶唔鍾意佢等等...

有時D野真係好人夾人緣架勉強唔到

你同男友拍左幾耐拖呀

你幾多歲呀

咁你係咪真係好想討好佢先

係的話有時都要拋開自尊投其所嗜

例如佢話有飯剩咁你咪食少少囉...等等呢D野黎討佢老人家歡心都要架啦, 唔係第二時仲有排你捱呀細妹

琳琳貓寫道:
我地都拍左好耐拖, 都有結婚的打算, 但係我覺得 aunt 唔係咁鐘意我, 成日有意無意講說話比我聽. 有一年過年, 因為男朋友唔想 aunt 覺得我地掛住自己玩唔理佢, 所以叫埋我去佢屋企, 咁我連續幾日紅日由朝到晚都同埋佢d 親戚一齊, 對我來講真係3唔識7同埋好悶,,,,,以為aunt會開心, 點知佢同我男朋友講話 "都唔知你陪緊邊個"

同埋上去男朋友屋企食飯, 我話左唔駛煮我飯 (因為我食少野, uncle 都唔食飯, 淨食餸 ), 唔知點解d 飯有剩, aunt 話我做咩唔食飯, 而家淨哂係度, 我咪話我講左唔要飯, 男朋友個e 媽自己話可以同我做證........佢就好唔高興咁黑臉

aunt 又同我男朋友講, 話我掛住養狗第日連 bb都唔會生架啦,,叫佢唸清楚....又有一次我同埋佢d 親戚食飯, 佢無啦啦又話有個舊同事, 因為養左狗, 所以而家話唔方便比朋友上去坐...

aunt 仲話我係命苦架,,, 因為我個生肖的原故咁話喎....叫我男朋友唸清楚呀......

唉好煩呀........我男朋友仲成日話結婚後, 叫我搬去佢屋企果區, 話佢父母退休後會搬去台灣住... 大家有咩意見? 點可以明哲保身?

私人傳訊

parker

積分: 551

18^#

發表於 06-8-22 16:34 |只看該作者

Re: 點同男朋友的媽咪相處

我覺得如果你諗住投其所好, 就盡量出席佢地男家活動, 主動d同人傾偈, 俾人大方得體既印象, 但又唔好過份出位搶你伯母風頭喎. 睇下有冇可能有機會單獨同佢去下街, 我覺得會有幫助.

私人傳訊

積分: 913

19^#

發表於 06-8-22 17:34 |只看該作者

Re: 點同男朋友的媽咪相處

咁多位姊姊~ 你地的意見好有用,因為我始終唔係人地阿媽的角式, 有時真係唔知咁多野, 我完全冇打算 "介入" 佢2母子的溫馨, 亦唔會呷佢阿媽醋, 但求有條路行下就算
aunt 真係幾鐘意出風頭架,,,, 佢最鐘意去果d 好多好多人的校友會的聚餐,,,,同親戚聚會佢就一定係講野最多同最大聲果個........但係我就有d 怕人多.....呢個係真的, 因為我唔鐘意人地的注意力放係我度, 我都係同坐我隔離的男朋友親戚傾2句計咋.......我去佢屋企笑下, 聽佢地講野, 我好少出聲好少搭咀, 我的性格係咁,,,, 可能aunt 覺得我內向掛.......但係要我改變呢d , 我覺得真係好難.........

私人傳訊