luitaitai 寫道:
I hope some mommy would share their experience
i want to share my experience with you all, i'm Jan 06 mom and i did the無痛分娩at Kwong Wah Hospital:
首先,如果想喺kwong wah做無痛分娩,每日係有quota,所以你要事先問定有冇呢樣嘢同埋幾多個名額; 我一早於pregnant就已經諗定要做無痛分娩,因為我好怕痛,但又唔想開刀生.....
到生嗰朝(我係要催生嘅),我一早見到個姑娘就舉手話要做,咁當然唔係即刻話okay.....因為要check if佢地嘅麻醉師得唔得閒and個產婦各樣嘅condition,咁即係有可能自己都要experience嗰種陣痛for一段時間.....我就係咁嘅case喇: 我9am出聲,到2pm先至可以入產房做無痛分娩! 中間嗰5個鐘我由唔係好痛(可以用呼吸嚟攪掂),到要坐下fit ball,到12點幾我開始頂唔順,就request for聞氣.....心諗會唔會冇得做無痛分娩?? 因為如果下面開得太快,就算book咗都唔做得(我有個同產前房嘅媽咪就係咁,佢事後話番俾我知...) 好彩我又唔係"把把聲"咁開,所以捱到下晏2點幾我就被推入產房.
原來做無痛分娩都唔容易,以為吉支針入脊骨都唔難. 嘩, 事實係另外一個痛嘅經驗. 不過為咗之後嘅舒服,所以我都要頂硬上. 當時我一直都攬住條氣,咁個麻醉師第一句同我講係: 無痛分娩唔係完全唔痛,係"無咁痛分娩", 到生嘅時候你都會有痛嘅感覺,不過當然比自然生好好多啦", 我唔理咁多,就叫個麻醉師拿拿臨開始,佢要我打側瞓同埋屈到好似蝦米咁,等佢可以見到條脊骨吉支針入去. 不過因為我個肚都幾大,其實要屈到佢要求都有難度,攪咗好耐都唔得,但我又唔想give-up......個麻醉師見我咁堅持做,佢就叫我試多一個position (再唔成功就要放棄),就係攬住個枕頭坐喺床上面,都係要屈住 & hold住俾佢吉針,咁我盡晒力去維持個姿勢,同一時間繼續聞氣,終於吉到,但因為要觀察d藥係咪可以順利入同埋我有冇特別反應,所以要keep sitting for half an hour....不過真係冇揀錯做無痛分娩,打咗d藥入去之後無耐就冇痛(又或者有痛不過我都唔覺),跟住嗰幾個鐘頭我好舒服咁過,同我老公,姑娘係咁傾計.....唔覺唔覺就開夠10度可以生得.
不過我個bb最後要被吸出嚟,因為我隻左腳冇晒知覺,根本唔夠氣去push個bb出嚟,攪咗1.5 hours都唔成功,咁惟有用吸出呢個方法攪掂. bb個頭只係紅咗一撻同埋吸嗰位尖咗少少,但冇腫,亦都冇hurt到裡面.....
發表於 
返回列表
