Baby Kingdom - 親子王國 香港 討論區 › 首頁 › 夫婦情感› 係咪我既問題?

夫婦情感

收藏本版
發帖
返回列表
跳至頁
係咪我既問題? [複製鏈接]

首頁
12

尾頁
   0
Sindymanman


大宅

積分: 2214

好媽媽勳章


1#
發表於 07-7-20 10:01 |只看該作者
我承認我從來都係一個唔太大方得體的人. 但我想知係唔係我特別小家...?

係咁既, 我同c6,62,99共四個人住. 我地從亦打算9月等bb出世後會搬. 已經買左樓.
但我62已經唔止一次. 係好多次請佢d親朋戚友黎屋企住, 果d人我完全未見過. 係佢d鄉下朋友or邊個邊個既仔咁.... 久唔久就會黎. 次次唔同.
有時1個黎, 有時2個黎. 有時5,6個黎....
有時1,2日, 有時4,5日...

我真係好唔慣屋企成日有陌生人. 而且仲要過夜...
有時weekend想留係屋企都唔方便.

琴日我c6同我講, 聽日又有人黎住幾日..
搞到我訓都訓唔著.
有冇搞錯, 我大住個肚, 已經好唔方便.
屋企仲黎一班人住... 我好想走. 但可以走去邊..?

我知我要忍, 仲有唔夠2個月就可以搬.
但呢幾日, 天氣咁熱. 連係屋企自自由由既權利都比人剥削... :tongue:
好似誇張左d.
不過我真係好唔開心.
同c6講, 但佢話佢都冇辦法. 唔係佢想既. 而且間屋又唔係我地既... 可以點呀?

激死. 而家只可以忍.
你地覺得係咪我小氣呀?
講道理, 我係冇權反對62請人黎住.
但係, 我一萬個不願意屋企半夜三更有陌生人出現囉....
:tongue: :tongue: :tongue:
私人傳訊

PCCW2319


水晶宮

積分: 67993


24#
發表於 07-7-28 23:19 |只看該作者
原文章由 Sindymanman 於 07-7-20 10:01 發表
我承認我從來都係一個唔太大方得體的人. 但我想知係唔係我特別小家...?

係咁既, 我同c6,62,99共四個人住. 我地從亦打算9月等bb出世後會搬. 已經買左樓.
但我62已經唔止一次. 係好多次請佢d親朋戚友黎屋企住 ...


唔好意思，睇睇下忽然間有個想法...............其實果d可能唔係62親戚，可能係同鄉 ，佢地黎自由行，住你老爺屋企平過住hotel, 你老爺可能有收$$$，搵外快。
天空之城, 快樂之地
私人傳訊

renren


子爵府

積分: 12024

好媽媽勳章


23#
發表於 07-7-22 02:43 |只看該作者
雖則話間屋係人地,但唔洗講有無權...只要尊重兩個字就夠,尊重下d后生,新抱大住個肚都想著得舒服d,係屋企實會求其d,但有外人又要著番似樣d,自己都唔鐘意著住套睡衣招呼親戚朋友,何況係人地d親戚.老野唔拘禮都要顧及下后生嘛.大肚婆多夜尿,起身見到個麻甩佬都唔知點,尷尬到c...係識做就唔好叫人黎住啦,搞到間屋污糟辣遢.
我係樓主一早就去新屋住,話之佢..遲早都係有人唔開心咯,早d搬去結果一樣,迷信的話,搬屋果日只要你唔在場就得就得
春有百花秋有月 夏有涼風冬有雪 若無閒事掛心頭 便是人間好時節
私人傳訊

onon1022


子爵府

積分: 12596

好媽媽勳章


22#
發表於 07-7-22 01:13 |只看該作者
其實你老公講得o岩...間屋唔係你地...你地無權阻止你老爺...人人生活方式唔同...做法唔同...唯有忍耐...或者返外家暫住...如果唔可以返外家...唯有係房...




[url=http://lilypie.com][img]
私人傳訊

celery


男爵府

積分: 7257

醒目開學勳章


21#
發表於 07-7-21 06:47 |只看該作者
hahahaa....~
我都係....
大家平時生活習慣唔同,係會咁架喇....
一心燉比你飲,你唔飲又唔得(始終一番好意).
但講完,下一次d湯又係咁wor~
不過飲完,嬲完,再諗返會覺得好好笑.
而家見你提起,幻想你個肚大大,好"忟 jung"地飲湯個樣,
好搞笑又cute~

忟完嬲完算到喇~
忍多兩三個月,呢個期間盡量去第二度逗留下,
不過要小心安全.
到bb出世,又搬埋新屋,
就一樂也!

不過到你坐月時,
d湯就..............hahahahahaaa...





原文章由 Sindymanman 於 07-7-20 15:54 發表
題外話呀, 佢地成日都覺得我意見多多. 唔聽佢地話.
好似佢地一番好意. 燉雞湯我飲.
但我怕會燥, (因為一煮, 份量多. 一飲要飲幾日..)
而且我好怕多油. 唔想飲.
佢地就覺得我奄尖. :cry:
我承認我少少奄尖. 但我唔想飲, 講左好多次, 亦屈服, 飲左好多次.
佢地冇理, 照樣叫你飲. 照樣煮.
私人傳訊

littlefafa


大宅

積分: 2619


20#
發表於 07-7-20 22:47 |只看該作者
仲有2個月, 忍下啦
你無唔0岩喎, 正常到暈, 我都係最怕陌生人係我屋企
大佬,我最要安全感, 咁樣我瞓都瞓唔到架

不過好似你話, 間屋人地架嘛, 算吧啦
你已經好好, 諗下, 生完bb就逃出生天, 幾多bk媽咪恨都恨唔到
咁到時你一家, 佢一家, 噢, 太happy啦

時間好快會過, 加油~!



私人傳訊

aSa豬媽媽


大宅

積分: 1314


19#
發表於 07-7-20 22:11 |只看該作者
:-P 新屋雖然未住得，但weekend可唔可以上去打發下時間，休息下？
私人傳訊

Sindymanman


大宅

積分: 2214

好媽媽勳章


18#
發表於 07-7-20 16:14 |只看該作者
係呀, 我地都好似你講咁plan. 生完就去新屋

我都知而家只可以忍.. 仲有就係搵你地呢班 bk mami開解下我囉:-|

[ 本文章最後由 Sindymanman 於 07-7-20 16:16 編輯 ]
私人傳訊

MELUKO


洋房

積分: 110


17#
發表於 07-7-20 16:08 |只看該作者
如果係我, 我都會唔開心架, 但你都話就快搬咯, 米忍埋呢兩三個月囉.
一係叫你C6搬定啲嘢過去新屋到先, 當你生咗之後出院, 就即刻同BB搬去新屋到坐月, 咁得唔得呀.
私人傳訊

Sindymanman


大宅

積分: 2214

好媽媽勳章


16#
發表於 07-7-20 15:54 |只看該作者
我娘家冇位比c6訓.我又唔想幾日見唔到佢...

仲有, 我地遲d會搬.
同佢地傾, 好似冇咁既需要...
而且更有可能比佢地話我煩, 奄尖tim.

題外話呀, 佢地成日都覺得我意見多多. 唔聽佢地話.
好似佢地一番好意. 燉雞湯我飲.
但我怕會燥, (因為一煮, 份量多. 一飲要飲幾日..)
而且我好怕多油. 唔想飲.
佢地就覺得我奄尖. :cry:
我承認我少少奄尖. 但我唔想飲, 講左好多次, 亦屈服, 飲左好多次.
佢地冇理, 照樣叫你飲. 照樣煮.

唉. 我而家明咩叫相見好, 同住難.
我好佩服我媽咪. 忍左咁多年. 而家都仲要忍...
我真係唔得啦...
私人傳訊

牛精仔


琥珀宮

積分: 157928

玩具勳章 好媽媽勳章 醒目開學勳章 畀面勳章 叻叻勳章 2011精緻種植勳章 環保接龍勳章 BK猜猜猜慶中秋 BK Milk勳章


15#
發表於 07-7-20 15:15 |只看該作者
與其唔開心屈住屈住，何不搬返娘家抖下氣?

間屋6299的，佢地有權比邊個黎住都得，但你老公可以同6299傾傾，話多途人甲乙丙丁在家唔方便，大家一家人，冇話冇得傾嘅。
私人傳訊

Sindymanman


大宅

積分: 2214

好媽媽勳章


14#
發表於 07-7-20 13:26 |只看該作者
好多謝你地呀. :-(

我都覺得屋企係比較私人既地方. 佢地請人返黎住...我真係好唔慣.
一諗到跟著幾日就好煩... 又唔可以出聲. 仲要笑著口對著佢地... :-( :-( :-(

同c6講. 佢都會明既. 不過佢都冇辦法. 再講, 佢會話我煩..
而家有你地認同, 我都覺得好d, 起碼知道我咁諗.都唔係好過份...

佢地真係可能冇諗到我感受.
我始終係一個女仔. 得廿幾歲.
雖然話結左婚, 仲有左.. 但成日咁多陌生人, 真係好唔自在. 又唔方便. 真係... 咁簡單既野. 佢地到底係 唔知? 唔明? 定唔理?

我都知有左bb, 要開心d... 我都叫自己唔好發脾氣.
但琴日一聽到呢個消息, 又諗到間屋係佢地既, 我同亞b就好似寄人離下咁. 好可憐. 就想喊. (我知, 我幻想力太豐富)

決定左2個月後搬, 而家出去租or生之前搬都唔會考慮. 希望bb唔駛40周先出世. 早少少, 我地就可以早少少搬啦...
私人傳訊

celery


男爵府

積分: 7257

醒目開學勳章


13#
發表於 07-7-20 12:42 |只看該作者

同意雲妮彭.
我都唔覺得咁係小器!

"雖然係無權出聲,但阻止唔到心裡面既不快"

佢地忽略左你0既感受,你就更要對自己好d.



原文章由 雲妮彭 於 07-7-20 11:12 發表
唔,我覺得你都唔算小器.
比著我,都會唔鐘意,唔開心.
雖然係無權出聲,但阻止唔到心裡面既不快,
無辦法啦,唯有忍多兩個月.
有人來住既日子,自己諗辦法消遣囉.
或者入自己房,少d出來廳...
私人傳訊

hsl1166


複式洋房

積分: 317


12#
發表於 07-7-20 12:38 |只看該作者
絕對不是小氣問題,屋企是一個很私人地方,怎可以隨便招待外人回來住,我都唔鍾意D人用我的浴室間.
私人傳訊

wxxyxn


大宅

積分: 2339


11#
發表於 07-7-20 12:31 |只看該作者
我覺得妳冇問題，妳6299都冇問題，大家生活習慣唔同啫
佢地只係冇諗到咁妳會覺得唔舒服啫，我外公外婆都好好客，成日請朋友返屋企住幾日，我媽又會去湊熱鬧，對佢地黎講係好開心嘅一件事
兩個月好快過架啦，開開心心啦
私人傳訊

ringoivy


翡翠宮

積分: 76971


10#
發表於 07-7-20 12:14 |只看該作者
咁你經濟許可咪搵d短租住住先囉 5許可既返外家住又可5可以呀
原文章由 Sindymanman 於 07-7-20 10:01 發表
我承認我從來都係一個唔太大方得體的人. 但我想知係唔係我特別小家...?

係咁既, 我同c6,62,99共四個人住. 我地從亦打算9月等bb出世後會搬. 已經買左樓.
但我62已經唔止一次. 係好多次請佢d親朋戚友黎屋企住 ...
私人傳訊

RAA


珍珠宮

積分: 35562

2025勳章 2025勳章蛇年勳章 2018復活節勳章 好媽媽勳章 醒目開學勳章


9#
發表於 07-7-20 12:11 |只看該作者
原文章由 Sindymanman 於 07-7-20 10:01 發表
我承認我從來都係一個唔太大方得體的人. 但我想知係唔係我特別小家...?

係咁既, 我同c6,62,99共四個人住. 我地從亦打算9月等bb出世後會搬. 已經買左樓.
但我62已經唔止一次. 係好多次請佢d親朋戚友黎屋企住 ...



唔小氣 :) . 你62怪怪地(扮大方好客:lol ), 不過間屋如果唔係你地嘅都無乜辦法 .

有咗bb要開心d, 9月好快到啦....., 祝你一切順順利利
私人傳訊

雲妮彭


伯爵府

積分: 19439

好媽媽勳章


8#
發表於 07-7-20 11:12 |只看該作者
唔,我覺得你都唔算小器.
比著我,都會唔鐘意,唔開心.
雖然係無權出聲,但阻止唔到心裡面既不快,
無辦法啦,唯有忍多兩個月.
有人來住既日子,自己諗辦法消遣囉.
或者入自己房,少d出來廳...
私人傳訊

Tatalo


複式洋房

積分: 172


7#
發表於 07-7-20 11:06 |只看該作者
其實大住個肚都可以搬架, 我下個月就生啦, 我岩岩先搬左兩個星期, 我地問過風水師, 佢話只要搬個時我唔係到, 到搬好先入去住, 當然啦, 我都冇幫手執野, 只係把自己唔要啲野放埋一邊, 等我老公執. 不過你重有兩個月啫, 但亞 b 出左世, 你都要坐月, 又唔可以點執野, 如果係咁你要等多三個月啦.
私人傳訊

Sindymanman


大宅

積分: 2214

好媽媽勳章


6#
發表於 07-7-20 10:28 |只看該作者
係. 我都知而家同佢地住. 我係冇權出聲..
我老公都叫我忍下.

因為我老公想我生左先搬. 唔想大住肚搬. 佢有d迷信.
所以我一生完先會去新屋度.
62,99都因為咁. 好不滿ga.. 覺得我要帶走佢地個孫.

anyway, 我冇打算佢會因為我唔願意, 而唔再請人黎住.
我只係唔開心, 好唔鍾意者~ 發洩下咋ma.
我真係想知, 我作為人地媳婦, 老婆. 有冇太過份..

我都打算今晚去睇9點半. 叫c6陪我行街. 到夜晚先返去.
聽日, 後日都打算無論如何, 唔留係屋企...

我而家希望佢唔好係呢2個月再請人黎住就好啦~
私人傳訊


首頁
12

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2025 Baby-Kingdom.com Limited. | Privacy Policy