論盡家傭 今日: 0 | 主題: 134064

積分: 6406

醒目開學勳章

1^#

發表於 08-6-19 23:29 |只看該作者 |正序瀏覽 |打印

今次事件係發生喺我6299屋企嘅yanyan(之前喺香港完過一個約後返咗印尼)，佢嚟咗5個月左右(應該仲還緊$)，工人只需照顧我6299(即3人同住)，佢工作表現令我99不太滿意(99話佢脾氣唔好又成日嗌頭痛)，之前都有同agent講過並曾打算換人，後來都俾機會。事緣由昨晚開始，我6299家習慣是晚上睡前(大約9pm)開機洗衫第二朝晾，昨晚半夜2am，我99發現洗衣機仍開動便拍工人房門問點解，但工人發脾氣話辭職。今早我62致電告知我老公，老公叫佢帶工人搵agent攪掂。
基本上工人要俾一個月通知我地，但為免工人呢一個月玩嘢都唔想留佢，俾佢即走，佢辭職信上說是因為我99經常罵她及說佢整壞洗衣機(並沒有叫她賠償)，所以要辭職，我62不同意她指我99經常罵她，於是她刪去，並即時在agent處計清工資連機票6000幾(這個月已做嘅廿幾日人工加年假及機票3000幾)，因我62現金不足便到銀行取$，之後返回agent處工人已離開。
下午工人致電我62表示要多做一個月才走，我62不允許，約了她晚上回家取回物品(62並叫了我老公叔仔回家)。
她晚上回家給了一封用英文打的辭職信(應是工會協助)，內容說了3點
1.我99經常罵她；
2.我99指示常更改，如她再問便不滿；
3.我99屈她整壞洗衣機。
我老公問她我99如何罵她叫她舉例，她根本答不出。
我老公撕掉辭職信並表明不會留她一個月，給她2個選擇：1.叫她取回6000幾即走；2.一個仙也不俾法庭見。
她回房打了一個電話後就回答說法庭見。
想問工人會想告我們什麼﹖佢自己辭職是否一定要給她多留一個月(養多佢一個月俾佢搵工)﹖
我62有晒出糧支票記錄(張票佢要入戶口)及放假記錄，佢應該屈唔到啲乜。

[ 本文章最後由 BABY520 於 08-7-17 19:16 編輯 ]

0 0 0

私人傳訊

AndyRain

積分: 8001

醒目開學勳章

60^#

發表於 08-7-19 20:05 |只看該作者

又係一個好心無好報既真人case!!

but 今日聽到有mummy嬴case都開心好多, 因為叫做邪不能勝正呀!!!

原文章由 rubytang 於 08-7-19 15:30 發表

睇見你可以圓滿咁解決左件事, 就真係要恭喜你啦~
我見你地既case真係同我媽依家炒果隻印印差唔多,
依家隻衰野去左勞工處度告我媽,
佢又係同我媽講話佢唔做, 咁我媽咪帶佢去agent果度計好數,
樣樣都計足俾佢, 連應該 ...

私人傳訊

rubytang

積分: 12706

59^#

發表於 08-7-19 15:30 |只看該作者

原文章由 BABY520 於 08-7-17 19:17 發表
噚日同62上咗勞工處做調解，個衰工人最終屈唔到我地多一個月糧，收返之前嗰大半月薪金同機票$(即係同agent計嗰條數嘅相約金額)就和解。呢件事有2點想同大家分享留意。
個工人話佢一直要求給予一個月通知期(包括在agent公 ...

睇見你可以圓滿咁解決左件事, 就真係要恭喜你啦~
我見你地既case真係同我媽依家炒果隻印印差唔多,
依家隻衰野去左勞工處度告我媽,
佢又係同我媽講話佢唔做, 咁我媽咪帶佢去agent果度計好數,
樣樣都計足俾佢, 連應該係佢俾番一個月通知金我地,
我媽都聽agent 講, 唔好同佢計, 費事佢玩野, 咁一D都無俾少架,
佢錢就攞埋, 臨上機前就玩野, agent既職員帶佢去機場,
佢就唔肯上機, 玩走佬~
之後, 依家佢就搵左人, 應該係工會D人陪佢去勞工處度,
寫封信話我媽刻薄佢喎, 又話無得俾佢食,
又話無房俾佢訓要佢訓廳喎~又話我地成日鬧佢喎~

我地就黎俾呢個咁既衰人激死,
佢初黎hk時就話佢老公俾車撞斷腳, 講到有幾慘,
我地都好同情佢, 所以, 好多時佢做錯野, 我媽都無咩點鬧佢,
之但係呢個咁既衰人, 以為我地"淋" 就好蝦d,
初黎唔夠兩個星期就偷出街去買衫, 寄俾佢d仔女喎,
咁唔係唔俾佢去街, 要出去咪同我地講囉,
無端端唔見左人, 又搵唔到, 成3個幾鐘之後先出現,
話簜失左路唔識返屋企喎, 咁又識買到一袋二袋野返黎既,
簜失路, 乜唔係應該好驚周圍去搵路返屋企至o岩架咩?
我地都係同佢傾下, 有訓示佢唔可以私自出街, 除左放假之外~
佢黎左17個月, 但08年我地成家人都唔係hk,都無野俾佢做,
日日都係坐係屋企, 糧我地就照出俾佢,
連買餸就係我姑9幫我買埋俾佢食,

所以, 基本上佢真正做野都係07年做左10個月左右,
期間整爛我屋企野, 我地都無同佢計較,
我媽話佢好可憐, 已經無咩錢, 仲要扣佢錢, 佢會好慘,
咁叫佢以後小心d做野就算啦~
點知佢都係無改善, 黎左咁耐,
整爛左部吸塵機, 冷氣機風格同外殼,
風扇3把, 燙爛我地d衫唔知幾多件,
後尾仲偷我銀包用, 俾我發現, 仲死撐話係我唔要, 佢執既喎~
後來有次俾我見到佢用我地d牙刷同杯去洗廁所既馬桶,
我真係俾佢激到即刻帶佢去AGENT果度鬧,
個死野完全都唔驚人, 有d印印去到agent度都會扮下野喊下,
佢就喊都唔喊, 完全都當無事咁,
最後個agent叫佢寫左封信, 寫明佢做錯過D咩野事,
話再犯既話, 太太炒佢就唔洗補錢俾佢走喎~
咁事後agent都有留copy, 我都有,
跟住依家個衰野走左, 補足錢都仲要咁,
真係做好人都無好報架~

至於佢話佢無房訓, 佢講大話,
初黎時, 我地屋企裝修, 我地就真係叫佢係廳度訓左兩個星期,
但佢都見到我地係整緊野, 唔係唔俾佢訓,
我地仲特登留左間最大既房俾佢,
後來屋企整完之後, 我叫佢入房訓,
佢訓左幾晚之後, 就話唔想訓房, 佢話好怕黑,
要開燈訓, 但我房燈有成3個燈泡, 佢又話光得濟,
佢訓唔著, 佢話鐘意訓係廳度, 因為我廳有個金魚缸,
我地一向都會開住魚仁缸D燈, 佢話咁樣好d喎,
咁我叫左佢好多日, 佢都唔肯入房訓, 咁我咪由得佢囉~
至於話佢無得食, 呢D大話真係離譜都無人有,
就算我地一家唔係HK既時間, 我地都驚餓親佢,
我都特登叫我姑9幫我手買餸俾佢,
次次我姑9都話返俾我聽, 買左D咩野俾佢,
打電話問返佢, 佢都話有D咩野餸食,
咁既大話都講得出黎, 有無人性架~
我連佢做錯咁多野, 都係忍得就忍, 我地真係好少鬧佢,
不過, 上次佢攞我地D牙刷去洗廁所,
真係忍無可忍, 先至拎佢上去agent度鬧,
都唔係我鬧佢, 係個agent鬧佢咋~
其實之前我一直都知佢唔想做,
佢成日都同我媽講話, 佢唔做既話, 唔洗送佢返印尼架,
俾佢去下深圳, 打個轉返黎, 就可以去搵新太太喎~
所以, 跟本佢就有心唔係度做,
依家唔知係咪搵唔到太太, 所以, 就黎玩野~

私人傳訊

過客

大宅

積分: 1820

58^#

發表於 08-7-18 12:17 |只看該作者

原文章由 BABY520 於 08-7-18 09:55 發表
個工人叫DxRMIxTI (x=A)/33歲

我唔開心係因為覺得件事唔可以BLACK LIST佢而俾佢留喺HK害人啫。咁件事圓滿解決都算可喜可賀嘅。

入境處話, 只有一個僱主投訴, 未可 black list 住. 但你可寫信比佢地, 講 lee 個工人的工作態度/事件, 佢地會留 record. 如果有幾單後, 佢地就會 black list or 當有人請佢時, 佢地會同新僱主講佢既前科...所以希望各位唔好怕煩或懶, 工人走左後,佢好定唔好, 都可以寫信比入境處做 record.

我之前請左個極品, 入境處話, 重來冇人投訴過佢 bor, 而家唔知你地邊方出現問題, 如果下幾手都好似我咁寫信去投訴, 佢地就信係工人問題, 就會 black list 佢咁話 bor.

私人傳訊

Sania

積分: 10123

57^#

發表於 08-7-18 12:02 |只看該作者

你之前有冇信俾入境處 ? 如果有, 佢應該都未簽到証. 因為有官司在身. 咁佢應該係偷雞同新僱主做. 你即刻寫封信俾入境處, 指佢無故失蹤善離職守. 對老人家不敬. 希望入境處從新考慮佢能否在香港繼續工作. 有冇用都好, 最少你 alert到入境處.

我之前炒個印印都有寫信俾入境處. 我之前那個借財務公司, 好彩我發覺得早, 隨咗寫信俾入境處, 又寫埋俾財務公司, 仲兩間添. 俾埋佢印尼地址. 叫佢地有事直接搵佢, 唔好再搵我.

私人傳訊

Sumyeema1

象牙宮

積分: 224286

2024年龍年勳章

56^#

發表於 08-7-18 10:37 |只看該作者

回覆 #55 BABY520 的文章

BABY520,

thank you for sharing your case and it is great to hear that you win the case.

just wondering how come this bad maid still in HK?

私人傳訊

積分: 6406

醒目開學勳章

55^#

發表於 08-7-18 09:55 |只看該作者

個工人叫DxRMIxTI (x=A)/33歲

我唔開心係因為覺得件事唔可以BLACK LIST佢而俾佢留喺HK害人啫。咁件事圓滿解決都算可喜可賀嘅

。

私人傳訊

winnie_sh

積分: 10622

醒目開學勳章

54^#

發表於 08-7-18 01:53 |只看該作者

恭喜送走瘟神，最重要係你全家都好團結，無比賤人屈多一個月，保重身體呀你，大住個肚，唔好諗咁多啦！

祝生個肥肥白白BB，一家人開開心心！

私人傳訊

ilmom

別墅

積分: 632

53^#

發表於 08-7-17 22:11 |只看該作者

你分享了她的名字嗎?

私人傳訊

GiCa

積分: 9738

52^#

發表於 08-7-17 21:34 |只看該作者

Yes, good luck for her new employer

原文章由 BABY520 於 08-7-17 19:17 發表
噚日同62上咗勞工處做調解，個衰工人最終屈唔到我地多一個月糧，收返之前嗰大半月薪金同機票$(即係同agent計嗰條數嘅相約金額)就和解。呢件事有2點想同大家分享留意。
個工人話佢一直要求給予一個月通知期(包括在agent公 ...

愛一個人的優點而誠心接納他全部的缺點，就是婚姻最偉大的地方。

私人傳訊

積分: 6406

醒目開學勳章

51^#

發表於 08-7-17 19:17 |只看該作者

噚日同62上咗勞工處做調解，個衰工人最終屈唔到我地多一個月糧，收返之前嗰大半月薪金同機票$(即係同agent計嗰條數嘅相約金額)就和解。呢件事有2點想同大家分享留意。
個工人話佢一直要求給予一個月通知期(包括在agent公司時已說明)，但我地有agent代出嘅草擬信(大家同意即時解約，僱主亦不收她一個月代通知金)，而佢無任何證明，至失蹤一天後晚上才交一封一個月通知辭職信。<- 呢點係想俾大家留意：勞工處代表話因為2封信是同一天發出，有關先後問題是可以有爭議的，如果佢遲一天才交回辭職信，反而我地一定勝，但佢當日中途失蹤亦有機會當佢即時離職，視乎個官嘅看法，但由於當天是在agent公司進行解約，因關乎工作問題，個官亦有機會信工人要時間冷靜和向他人求助尋求意見。
另一點係計年假方面：佢5月份多放了一天假期，有簽名為證架，所以agent同我地計佢有2日年假補$，但佢要claim 3日年假$。<- 呢點係想俾大家留意：勞工處代表話工人未做滿一年係無年假架，僱主亦不能預支年假，即係呢日我地要硬食，跟住個工人又話嗰日係病假(無醫生紙之前亦從無講)，勞工處代表亦即時告知她要連續4日病假才可享有人工，不過勞工處代表都算幫我地照計俾佢($3480/31 x 4/5)，依家反而俾少1/5。
到傾條件時，我代62表示除咗一個月代通知金外，其餘都會肯照計足俾佢(之前嗰大半月薪金同機票$...)，跟住佢同咗個陪同人(似係工會啲人)去商議，喺佢地商議前個勞工處代表都同佢地講過如果佢上庭輸咗，我地係可以追討返佢一個月代通知金，即係會仲少$過依家，佢地商議後(我見佢地一路商議時一路按計數機傾，真係以$為上)要求我地俾一半，即係14日代通知金，合共$7000幾。我即時一口拒絕話要上庭，因為我地有agent公司職員作證人，如果win咗仲可以追討返佢一個月代通金，佢地傾多2傾就答應唔claim一個月代通金和解。
其實事件都算完滿解決，不過我都有啲唔開心，因為理據在我地手，原則上上庭反而有機會要返佢一個月代通知金同black list佢，可惜係我老公同叔仔喺嚟緊嘅日子要出trip不在港，而我又大住肚陀得十分辛苦(已經成日攞假)，如果唔係真係想同佢玩落去，起碼可以black list佢，臨走仲聽到佢講電話搵到新工，僱主下午會去agent處接佢，真係好唔忿氣呀。

整件事個工人真係著數晒架，佢來港5個幾月，要還agent 7個月$但只還了2個半月，之前上agent傾時agent都有提過佢一定會去勞工處申請索償，因為佢在agent處收$會被沒收(因為仲欠agent $)，反而去勞工處收$就入自己袋，而佢依家經另一agent搵到新工，之前啲欠款又搵佢唔到還，呢個工人真係奸過乜，真係祝佢下個僱主好運喇。

[ 本文章最後由 BABY520 於 08-7-17 19:41 編輯 ]

私人傳訊

Allie

積分: 6007

50^#

發表於 08-6-26 09:59 |只看該作者

原文章由 BABY520 於 08-6-25 16:05 發表
多謝晒大家支持﹗
其實我地都係唔想俾啲衰工人成日借工會撑腰玩嘢啫，我62唔算有學識，只不過後生時做過生意，明白事理同唔怕事，所以我同老公都全力支持佢。62話佢做人從來都唔會搵人笨，亦最憎被人搵老襯，依家工人想屈佢一個月~ ...

支持你呀! 亦都比d 掌聲你老爺!

好多老人家都好怕事, 一聽到比人告就好驚架啦, 所以你老爺真係好好野! 你地一定要幫佢呀!

既然擺明比人屈, 一於企硬! 如果咁都要賠錢, 佢地只會愈來愈過份! 我唔敢請印傭都係驚無端靖比人告!

私人傳訊

pollyw

侯爵府

積分: 24035

好媽媽勳章大廚勳章

49^#

發表於 08-6-26 09:50 |只看該作者

Totally support you and your 62. Such kind of maids are too ridiculous and I find that when they are supported by the Christian Action their acts are usually very similar. My ex-Yan who just run away 2 months ago also did similar things to me and claimed me witht he help of Christian action. I myself am a CHristian too but I really feel ashamed of what thsi association is doing with the maids. I believe your 62 can win the case. Hold on tight to your belief!!!

私人傳訊

bbfish1992

積分: 14777

48^#

發表於 08-6-26 03:24 |只看該作者

support support

私人傳訊

DoReMi媽媽

象牙宮

積分: 232623

母親節2025勳章 2025勳章蛇年勳章 2018復活節勳章醒目開學勳章 15週年勳章親子王國15週年勳章

47^#

發表於 08-6-25 17:09 |只看該作者

原文章由 BABY520 於 08-6-25 16:05 發表
多謝晒大家支持﹗
其實我地都係唔想俾啲衰工人成日借工會撑腰玩嘢啫，我62唔算有學識，只不過後生時做過生意，明白事理同唔怕事，所以我同老公都全力支持佢。62話佢做人從來都唔會搵人笨，亦最憎被人搵老襯，依家工人想屈佢一個月~ ...

你62講得啱吖! 大家講道理之o麻! 我都係揸住哩個宗旨, 我唔揾人笨, 亦都唔鈡意人哋揾我笨! 支持 ~ 支持!

私人傳訊

katiecheung

別墅

積分: 536

46^#

發表於 08-6-25 17:05 |只看該作者

支持你!支持你!

私人傳訊