吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 唔肯結婚

夫婦情感今日: 1|主題: 42745

收藏本版

發帖

返回列表

跳至頁

查看: 12878 | 回覆: 100

唔肯結婚 [複製鏈接]

12 3 4 5...6

mimi26

子爵府

積分: 11716

1^#

發表於 09-3-4 16:38 |只看該作者 |正序瀏覽 |打印

同佢一齊2,3年,當中經過好多開心唔開心,都有幾次差d分手,e家好好采可以一齊住.其實我一早已經想結婚,我係對婚姻有好大期望既人,亦覺得拍拖走到尾必定要結婚.最初佢一直避開呢個問題,話我唔比時間佢草錢,後來我地協議今年5月結婚,點知佢又推,又話我迫佢,話我唔比時間佢,佢一日淨係掛住炒股,又話賺到錢快d買樓先結婚,我地e家租梗樓,個個月有錢草,經濟上不是太大問題,買樓是遲早的事,佢卻日推夜推揾好多借口.佢講到尾都係話唔夠錢,我根本唔要求擺酒或禮金,旅行結婚仲好,又唔要求大魚大肉,唔使有樓”手查”手,我只要求佢比個成諾我.我琴晚講到出面,我草夠錢,結婚旅行影婚紗相我出晒,你d錢我一個仙都唔用,你中意就草起買樓,佢都唔肯.再講落去,佢話佢唔中意結婚呢樣野,即係之前都敷衍我的,一直都係拖住我,晒我青春同時間,我好嬲好心痛…拍拖冇耐,我已經好清楚表明,如果唔係以結婚為目標,唔好一齊,我講過不止一次,點知換來的係咁樣.

0 0 0

私人傳訊

alice44

男爵府

積分: 7623

101^#

發表於 09-3-21 23:08 |只看該作者

樓主, 你同佢都只不過是2-3年, 我大伯同佢個女朋友足足20年, 原本話上年9月結婚, 但最後都無結到, 如果一個想結一個唔想結, 真係有d頭痛, 捨得嘅就分手, 唔捨得嘅就好似大伯同佢女友咁! (一直同居)
樓主你都唔算太大, 仲可以識過第二個o家, 唔好浪費青春, 咪遲d年幾大了仲難搵呀!

私人傳訊

ibmabc

男爵府

積分: 5921

100^#

發表於 09-3-21 19:47 |只看該作者

原帖由 mimi26 於 09-3-18 14:08 發表
我知我自己好婆媽,又狠不下心,我都知好多mama為我好都睇唔過眼,好多謝你地肺腑之言我同自己mama都有講過,我呀媽個反應係:分啦!我唔中意佢好耐架啦,你中意我冇符咋!仲咩要嫁比佢呀?嫁得唔開心你走都黎唔設啦! ...

係呀, 我都識過呢d 賤男, 你走左佢又藝你翻去, 又話咩都得點點點, 千奇唔好因為佢地講到"咩野都肯"就回頭, 佢地把口最叻就係呃呃tum tum, 需要你時咩都話得, 唔要你時死都唔肯應承, 呵~~~~~~~~~~~~~~

做女人要醒目一點呀, 真心既人唔會咁對你架, 只有自己利益大過天既男人先會咁對你架咋, 既然你起佢身上都得唔倒什麼, 倒不如一個人仲好過現在拖拖拉拉, 我唔想你到三十幾歲時佢發左達先黎撇你, 佢一句: 你自己傻, 我話左唔結婚架啦, 唔好家陣先黎怨我

你已經無野好講, 不過人就已經三十幾四十歲了.....唉......為時已晚

私人傳訊

ibmabc

男爵府

積分: 5921

99^#

發表於 09-3-21 19:40 |只看該作者

原帖由 mimi26 於 09-3-18 14:08 發表
我知我自己好婆媽,又狠不下心,我都知好多mama為我好都睇唔過眼,好多謝你地肺腑之言我同自己mama都有講過,我呀媽個反應係:分啦!我唔中意佢好耐架啦,你中意我冇符咋!仲咩要嫁比佢呀?嫁得唔開心你走都黎唔設啦! ...

唉, 佢既行為已經話左比你知:

1)佢無心同你結就一直拖住你(其實都係無心結)

2)我聽你講佢無真心呢回事(多多借口話下年結, 內心真心果句從來無講過係點解, 可能真正原因係: 你唔係我結婚對象, 但我又未搵倒第二個好過你既女仔, 到我炒股發達後就大把女人可以比我選, 你暫時係我呢段時間既女友, 發左達就唔要你架啦)真正原因係咁既話佢緊係有無數借口話遲d先結啦, 唔通講真果句你知咩?!

3)我睇唔倒佢係會同你共渡時間果種終生伴侶, 而你話自己係破碎家庭, 呢種咁無安全感既男人, 只會令你更加無安全感, 你想要既野似乎呢個男人無條件比倒你-就係安全感同信心及承諾

4)似乎你話同事中有位係翻開教會既男同事, 男人好少會長期翻教會, 追女追到翻教會就有, 但如佢係長期獨個兒翻開有呢個習慣既話, 咁應該係真心相信, 假設佢係"有愛心"果隻人既話, 呢種人比較有安全感同承諾, 不如你多d跟佢翻教會睇下岩唔岩啦, 觀察下佢係咪認真投入教會生活既人, 比個機會自己, 因為我自己都有翻過知道係咩野一回事, 教會既人佢地既婚姻比教堅固架(真心信果d夫婦), 正正係你想要既果種安全感/承諾/完整家庭

私人傳訊

廿廿

大宅

積分: 3714

98^#

發表於 09-3-18 15:21 |只看該作者

我諗樓主其中一個唔捨得走o既原因係因為怕搵唔到第二個, 我以過來人的身份話你知, 千祈唔好因為咁而留低, 否則只有浪費更多青春, 我同個ex拍咗四年拖, 終於係29歲嗰年提出分手, 我當時好傷心, 亦好擔心, 擔心自己會 "孤獨終老", 因為自己拍拖次數好少, 工作關係亦唔容易識男仔, 所以我好明白樓主的擔憂, 要分手, 講就易, 有苦真係當時人先知

講番自己的經驗, 我同男友分手後, 都真係好耐無拖拍, 但嗰段時間, 我一啲唔開心都無, 反而享受自由自在, 亦唔洗再為另一個人傷心, 所以根本無後悔過分手, 好快就習慣, 亦唔介意嫁唔出, 當然, 我而家都結咗婚, 搵到個好老公, 所以我的總結係:

1. 緣份係天注定, 你擔心都無用, 更加唔好因為擔心而死纏住一個無將來的人

2. 26歲真係好後生

3. 舊o既唔去, 新o既唔嚟, 信我, 係真o既

4. 唔好討論你錯定佢錯, 兩個人目標唔同, 已經唔適合一齊, 放過佢, 都係放過自己, 比條生路大家行啦

無論你決定係點, 要記住, 做令自己快樂同幸福的決定, 唔好因為短暫的痛苦, 而錯過將來的幸福, 同埋, 決定咗就唔好諗番轉頭, 人生最痛苦的莫過於後悔, 要加油呀!

私人傳訊

rose-mag

王國長老

積分: 174139

母親節2025勳章 2025勳章蛇年勳章 2024年龍年勳章虎到金來勳章牛年勳章 15週年勳章親子王國15週年勳章 2018復活節勳章畀面勳章有「營」勳章好媽媽勳章醒目開學勳章環保接龍勳章大廚勳章親子達人勳章王國長老 BK Milk勳章 hashtag影視迷勳章最關心BB問題熱投勳章開心吸收勳章

97^#

發表於 09-3-18 15:18 |只看該作者

人生苦短,你問吓你自已想追求d咩,你男友又俾到d咩你,既然佢咁自私,你都唔駛咁偉大,點解唔去搵自已嘅快樂?你唔對自已好,反轉頭求人對你好,唔係有d太難咩?

唔好成日驚嫁唔去,你先得26歲,大把人去到30,40都未有拖拍,咁佢地點算?咪自求多福囉,你有手有腳,又唔係要人養先有飯開,只要有正面嘅態度同積極嘅人生觀就可以吸引異性,當然年輕女性會比年長多d機會,但緣份天注定,係你嘅打風都打唔甩. 我以前個生活圈子都好細,但我會去讀書進修,朋友活動多d出席,我都識到唔少男仔,但始終都係去到30之後先遇到我honey,佢已經40幾,我地由拍拖到結婚生bb都係好快,咩都好似濃縮晒咁. 你而家仲有大把時間,唔好要自己咁委屈,人生在世係要尋開心,如果你同佢一起唔開心,以後點捱?

仲有結婚真係兩個家庭嘅事,你係無可避免要接觸佢家人,佢都要面對你父母,而家已經勢成水火啦,以後點過?

我記得以前睇過一篇文章教人點揀Mr. Right...
1)如果你而家已經對佢有不滿,唔好旨望佢婚後會改,如果你介意,咁你就要考慮清楚呢個人係咪合適
2)你地有冇共識婚後生活錢銀分配,生活目標,生兒養女計劃方向等等,係咪大家意見一致?
3)如果話你知將來有仔女會同佢一模一樣,你會唔會後悔生個bb出嚟?

[ 本帖最後由 rose-mag 於 09-3-18 15:22 編輯 ]

花旗太太生活在花旗國，留意時差，你問我未必即時答到。

私人傳訊

mother904

翡翠宮

積分: 80970

畀面勳章

96^#

發表於 09-3-18 15:12 |只看該作者

如果有一日，真係有個條件唔錯既男仔追你，我估到時你男友會主動催你結婚。

你成日驚自己識唔到男仔，明顯係對自己好冇自信既人，你男友緊係食住你啦。

一個有自信既人，係唔會因為年齡而好想結婚，唔會為左驚搵唔番而死守一個各方面都對自己唔好既人。

我都有一個朋友好似你，佢等左十幾年，男友終於肯同佢結婚，但婚後成日都同佢講：「當日盲左先會揀你。」難得我朋友又好認同：佢老公唔娶佢大把選擇，但係佢唔揀佢老公，就會嫁唔出！

你而家先得26歲，要識男仔有幾難？唔好為左結婚而結婚，否則婚後既日子仲無尊嚴過而家。

私人傳訊

pauline6

大宅

積分: 1904

好媽媽勳章

95^#

發表於 09-3-18 15:03 |只看該作者

您亞媽講得好o岩呀~

您今日唔走, 將來更加唔想走 (人又老;感情又深左)
雖然您唔願走,但您可以保證佢唔會飛您嗎?

就算唔分手, 都唔好再同居, 改番分開住, 有同居男友較難識到男仔...

原帖由 mimi26 於 09-3-18 14:08 發表
我知我自己好婆媽,又狠不下心,我都知好多mama為我好都睇唔過眼,好多謝你地肺腑之言我同自己mama都有講過,我呀媽個反應係:分啦!我唔中意佢好耐架啦,你中意我冇符咋!仲咩要嫁比佢呀?嫁得唔開心你走都黎唔設啦! ...

私人傳訊

mimi26

子爵府

積分: 11716

94^#

發表於 09-3-18 14:08 |只看該作者

我知我自己好婆媽,又狠不下心,我都知好多mama為我好都睇唔過眼,好多謝你地肺腑之言

我同自己mama都有講過,我呀媽個反應係:分啦!我唔中意佢好耐架啦,你中意我冇符咋!仲咩要嫁比佢呀?嫁得唔開心你走都黎唔設啦!走啦走啦.佢求你都唔好返去!
佢仲要好激動咁講

私人傳訊

mimi26

子爵府

積分: 11716

93^#

發表於 09-3-18 14:03 |只看該作者

我都好想離開,但我實在會好辛苦.好多謝你地點醒我,佢明顯只係玩梗我.其實我公司都有D ok既男同事,但我一直好安於本份,有另一半就唔會識男仔,亦唔會對異性有咩幻想,但依家聽完你地講,我再認真諗,其實我身邊都有條件不差的異性,雖然為拍拖而拍拖好衰.但我至少會試下同人傾多d計,老實講我未遇到另一個我有感覺的男人,但識多個朋友冇壞…上個星期,有個男同事約我去佢教會(佢係教徒)而我一路都有心想信教的,所以我同佢去左一次,感覺都ok.
另一件事係,佢知道我公司有男仔同我最近熟絡左,我見到佢手機用133打比人,我見到佢通話紀錄.但我冇問返佢.即係佢偷看我手機,check我同咩人出過去.我唔知佢點解要咁做…

私人傳訊

happyday5hk

禁止訪問

積分: 7605

92^#

發表於 09-3-18 12:13 |只看該作者

提示: 作者被禁止或刪除內容自動屏蔽

私人傳訊

pauline6

大宅

積分: 1904

好媽媽勳章

91^#

發表於 09-3-18 11:42 |只看該作者

講得冇錯 !!
要講的, 所以bk mami 都已經講晒~

一個俾藉口自己唔結婚、一個俾藉口自己留低

樓主今年只是26, 如果仍同佢同居, 到時30, 36 歲更加怕搵唔到新男友, 而唔想走~

女人青春真係有限，要識止蝕，您既真命天子可能已經等緊您呢～

原帖由 bigbighei 於 09-3-18 11:00 發表
其實樓主都唔想分手, 佢不停咁比藉口自己留低, 既然係咁都無謂講咁多啦,青春係佢自已佢喜歡都係佢自己簡既,
只係覺得浪費時間囉.

[ 本帖最後由 pauline6 於 09-3-18 11:44 編輯 ]

私人傳訊

chloewong1211

大宅

積分: 3713

90^#

發表於 09-3-18 11:03 |只看該作者

原帖由 bigbighei 於 09-3-18 11:00 發表
其實樓主都唔想分手, 佢不停咁比藉口自己留低, 既然係咁都無謂講咁多啦,青春係佢自已佢喜歡都係佢自己簡既,
只係覺得浪費時間囉.

講得冇錯 !!

私人傳訊

bigbighei

珍珠宮

積分: 39152

89^#

發表於 09-3-18 11:00 |只看該作者

其實樓主都唔想分手, 佢不停咁比藉口自己留低, 既然係咁都無謂講咁多啦,青春係佢自已佢喜歡都係佢自己簡既,
只係覺得浪費時間囉.

私人傳訊

chloewong1211

大宅

積分: 3713

88^#

發表於 09-3-18 10:58 |只看該作者

我睇唒你既topic，結論係同其他bk媽咪所講既一樣，妳男友唔肯結婚，原因其實都係不外乎佢自私、本身係一個唔鍾意結婚既人之類, 又或者係 ....佢只係唔想同"你"結婚，男人會分清楚邊d女人喺可以做老婆，而邊d女人喺只可以做女朋友。

睇黎你喺佢心目中，應該係屬於"女朋友"o個種，如果你真係好想結婚，但係又唔捨得馬上離開佢既話，咁你就要學識點樣分散投資，即係你要識多幾個男仔喇，你話你生活圈子細，所以你更加要積極d去擴闊自己既生活圈子。