想生BB 今日: 0 | 主題: 109553

積分: 427

1^#

發表於 18-3-12 16:02 |只看該作者 |正序瀏覽 |打印

我2017年9月宮外孕做了一邊切除微創手術，而另一邊都有輸卵管嚴重積水，已經排緊期去威院做試管，但唔知要等幾多年，我就快37歲了，仲未有小朋友，都好緊張同擔心！香港醫生話我已經唔可以再自然懷孕，因為積左水的輸卵管功能已經係壞左，入面絨毛已經壞左就唔可以成功撥到個胎出子宮，會好容易再有宮外孕

，同埋醫生都有講過做試等管之前好大機會要切除埋積左水的輸卵管先可以開始做，所以我只好等！但最近我上百度揾到一啲關於輸卵管積水的資訊，係網上面同深圳嘅不孕不育專科醫生提問資詢，得知原來大陸有呢類專科可以治療，我係香港問幾個醫生話輸卵管積水都無得修復，仲話唔生仔的話可以唔需要理會，但我同深圳臨床醫生傾過，佢話係有得修復，仲話做微創手術後2個月後就可以試自然壞孕，真係諗唔明，香港話無得攪，但大陸就話好普遍係有得修復的，不過首先就要我做左個輸卵管造影先，臨床醫生話係大陸做呢類型檢查和治療，都可以申請基金援助，國家都可以有資助你做呢啲檢查和手術，各位sis有無人係深圳做過呢類型嘅野？可以分享下嗎？我而家叫做有一絲克署光，十五十六去唔去試下，但始終係大陸又驚信唔過，而家好擔憂，始終年紀都唔細了！

Ps我諗住去個間係叫做深圳怡康婦產醫院

0 0 0

私人傳訊

積分: 427

26^#

發表於 18-10-21 14:18 |只看該作者

koalange 發表於 18-10-19 10:25
我看陳億X，我两邊都勁塞，6月做左手术，一邊切左，一邊無切因無積水，埋單約7萬, 但我有得claim保險. 跟 ...

有得claim保險咁好，請問E生會寫你咩事而要切？因為我知道因為要做ivf而要做嘅手術係無claim，除非係因為發炎緊急要切先得，我都有積水要切先可以放胎，不過我就過2日係公家切，ivf就私家

私人傳訊

koalange

積分: 877

25^#

發表於 18-10-19 10:25 |只看該作者

Lift-affine1511 發表於 18-8-24 11:24
請問你哋輸卵管積水切除手術，係切(除)積水嘅輸卵管，定還是切(斷)輸卵管去子宮?我兩年前已經做咗一次腹腔 ...

我看陳億X，我两邊都勁塞，6月做左手术，一邊切左，一邊無切因無積水，埋單約7萬, 但我有得claim保險. 跟住找他做IVF。或者你可以先見下陳醫生，看看他有何建議。

私人傳訊

HWppB

積分: 279

24^#

發表於 18-10-18 16:44 |只看該作者

mango727 發表於 18-3-15 13:28
回覆 Pollili 的帖子

你係米要割哂2邊輸卵管？我而家都備受積水影響心情好差，因為自從積水後個個位置就有 ...

樓主我想問下你最後做左手術再ivf嗎？定其它方法，因為我係開針後先發現積水，已經抽完雪住，依嫁都唔知做手術定中醫繼續雪住先好！

私人傳訊

Floral925

積分: 184

23^#

發表於 18-8-25 02:13 |只看該作者

mango727 發表於 18-3-12 16:02
我2017年9月宮外孕做了一邊切除微創手術，而另一邊都有輸卵管嚴重積水，已經排緊期去威院做試管，但唔知要 ...

我覺得樓主唔好諗試自然，都唔好排政府IVF, 排得嚟都可能 38、39 ，時間真係唔等人，快D去私家IVF啦

私人傳訊

Lift-affine1511

積分: 162

22^#

發表於 18-8-24 11:25 |只看該作者

mango727 發表於 18-3-12 16:02
我2017年9月宮外孕做了一邊切除微創手術，而另一邊都有輸卵管嚴重積水，已經排緊期去威院做試管，但唔知要 ...

請問你哋輸卵管積水切除手術，係切(除)積水嘅輸卵管，定還是切(斷)輸卵管去子宮?我兩年前已經做咗一次腹腔鏡手術切除右邊輸卵管，可惜左邊又開始積水都可以加考慮再做多次手術

有冇香港嘅醫生介紹？你哋ivf bingo左未啊？

私人傳訊

Lift-affine1511

積分: 162

21^#

發表於 18-8-24 11:24 |只看該作者

mango727 發表於 18-3-16 16:14
回覆 Pollili 的帖子

發炎爛左😢，原來你照嘅時候都照唔到，要真係做手術先見到，真係好險呀，我地 ...

私人傳訊

Lift-affine1511

積分: 162

20^#

發表於 18-8-24 11:23 |只看該作者

Pollili 發表於 18-3-16 16:44
唔連機票酒店既話就應該差唔多7萬，你最少飛兩次咁樣，割完之後要下個cycle 先可以ivf,
你搵多啲資料先， ...

本帖最後由 Lift-affine1511 於 18-8-24 11:23 編輯

請問你哋輸卵管積水切除手術，係切(除)積水嘅輸卵管，定還是切(斷)輸卵管去子宮?我兩年前已經做咗一次腹腔鏡手術切除右邊輸卵管，可惜左邊又開始積水都可以加考慮再做多次手術

有冇香港嘅醫生介紹？你哋ivf bingo左未啊？

私人傳訊

Pollili

積分: 498

19^#

發表於 18-3-16 16:44 |只看該作者

mango727 發表於 18-3-16 16:14
回覆 Pollili 的帖子

發炎爛左😢，原來你照嘅時候都照唔到，要真係做手術先見到，真係好險呀，我地 ...

唔連機票酒店既話就應該差唔多7萬，你最少飛兩次咁樣，割完之後要下個cycle 先可以ivf,
你搵多啲資料先，每個地方收費應該都唔同，我戈次太急咩資料都無搵
其實我細你一年咋，唔想浪費時間，
而且又唔一定一次成功，我過幾日做第二次啦，緊張到訓唔到
你可以邊做邊排政府

私人傳訊

積分: 427

18^#

發表於 18-3-16 16:14 |只看該作者

回覆 Pollili 的帖子

發炎爛左😢，原來你照嘅時候都照唔到，要真係做手術先見到，真係好險呀，我地淨返IVF先有機會生B，所以我都預左要做多次手術切埋積水個邊先開始得，不過我都會睇中醫試下清唔清到啲積水，如果香港威院真係要排3年，我都等唔到了，到時都39歲幾，到我都未必幫我做😑，如果去台灣做+切埋輸卵管，唔知7萬元得唔得呢？

私人傳訊

Pollili

積分: 498

17^#

發表於 18-3-16 01:19 |只看該作者

RACHELCIRCLE 發表於 18-3-15 18:04
回覆 Pollili 的帖子

我都係16年割左左邊輸卵管我係仁安做, 個時傻傻地一直M到20幾日, 不停有好多血水, 以 ...

你好勁啊，我比人推入手術室戈刻差啲喊左出黎，點知佢地播緊psy 既gangnam style，我就緊住哼唔記得左驚

唉。一月做第一次ivf化學左，黎緊下星期第二次放胎，我覺得哩條好長有排行
希望大家最後都會成功啦！

私人傳訊

Pollili

積分: 498

16^#

發表於 18-3-16 01:07 |只看該作者

mango727 發表於 18-3-15 13:28
回覆 Pollili 的帖子

你係米要割哂2邊輸卵管？我而家都備受積水影響心情好差，因為自從積水後個個位置就有 ...

我結婚一年都未有bb 咪去檢查，照輸卵管痛到差啲暈先知塞晒，其實平時排卵期我肚係痛得好勁，但我又無理先咁嚴重
去到台灣醫生無話唔做得ivf,係成功率得一成幾，藥照開比我，跟住佢介紹醫院比我，割唔割由我自己決定，我考慮左一晚就即刻搵戈間醫院做，佢本來話幾個字做完小手術黎，做腹腔鏡肚臍加兩邊輸卵管三個傷口，點知一做就兩三個鐘，原來已經開始發炎爛左，痴住啲腸，好彩有做手術唔係仲大獲。
實際幾錢就唔就記得，大約近兩萬港幣。聽台灣人講戈間醫院偏貴
Ivf我淨係記得抽卵到放胎，再拎藥做第二次ivf用左兩萬港幣，之前啲藥錢唔記得啦
我覺得你問清楚醫生你輸卵管實際情況先，不過割唔割都好，得ivf先有機會生

私人傳訊

小littlewings

積分: 501

15^#

發表於 18-3-16 00:51 |只看該作者

我都係照左輸卵管一邊積水, 見左兩個醫生, 一個就話要做腹腔鏡手再睇先知係米積水, 因為佢話可能會因照時痛而肌肉崩緊, 令到佢唔通形成好似積水咁, 但如做完腹腔鏡確認係積水就要同時切左佢, 原因都係話做ivf會影响著床;
另一個e生就話唔洗理, 即去做ivf, 因考慮香港太貴, 佢話而家大陸同台灣呢方面技術都ok, 可以考慮咁.

私人傳訊

積分: 427

14^#

發表於 18-3-15 19:47 |只看該作者

回覆 RACHELCIRCLE 的帖子

多謝你嘅分享呀！原來輸卵管帳到5cn就會差唔多爆😢，我知自己係2cm大，仲時𣎴時酸痛，腰骨都痛，有啲後悔點解宮外孕個次唔切埋佢，環掂留係到都無用，又要避孕，又時不時酸痛下咁。我上年年尾排期左威院做IVF,上年年尾聽完講座，就即時俾左封信我，封信寫住今年6月再返去，個護士話我係優先個條隊，我唔知6月係返去做咩呢？會唔會咁快就有得見醫生？請問有無sis知道呀

私人傳訊

Angelaeasy

大宅

積分: 1920

13^#

發表於 18-3-15 19:41 |只看該作者

mango727 發表於 18-3-15 19:36
回覆 Angelaeasy 的帖子

我個中醫都係話積水可以食中藥解決，而我都會準備開始食，你而家唔洗避孕？香港嘅 ...

無避啊！因為都成9個月啦，都想生第二胎，搞甘耐都未有，D人又話好快又有返，點解我甘耐都無

私人傳訊

Angelaeasy

大宅

積分: 1920

12^#

發表於 18-3-15 19:38 |只看該作者

mango727 發表於 18-3-15 19:36
回覆 Angelaeasy 的帖子

我個中醫都係話積水可以食中藥解決，而我都會準備開始食，你而家唔洗避孕？香港嘅 ...

係，好驚第二次宮外

私人傳訊

積分: 427

11^#

發表於 18-3-15 19:36 |只看該作者

回覆 Angelaeasy 的帖子

我個中醫都係話積水可以食中藥解決，而我都會準備開始食，你而家唔洗避孕？香港嘅醫生話叫我最好避孕，因為話積過水，功能性就會壞左，如果再有都會好大機會宮外孕，攪到我好驚

私人傳訊

RACHELCIRCLE

積分: 575

10^#

發表於 18-3-15 18:04 |只看該作者

回覆 Pollili 的帖子

我都係16年割左左邊輸卵管我係仁安做, 個時傻傻地一直M到20幾日, 不停有好多血水, 以為月經失調有睇中醫,有睇婦科都唔得, 之後有一日沖上去仁安醫院見有咩婦科醫生就睇, 先知道輸卵管脹到5cm甘大, DR都話已經出血留黎都無用, 只會防外日後懷孕, 我好快就做手術 , 微創好快復完, 第二日基本上可以走人,之後個DR仲安排我做抽血右邊輸卵管造影, 當時CHECK 右邊係通個時婦科DR仲叫我地努力一下, 我當時都知道自己應該都難, 就排政府, 有打去BOOK 私家藍DR, 不過第一次IVF都係失敗左, 我已經無時間諗咩傷心定唔傷心,我一滴眼淚都無溜過, 因為IVF 係同時間競賽, 你要盡是收拾心情, 下星期一都做多個宮腔鏡手術 ,睇下子宮環境同順便刮下子宮,希望我地所有IVF 路上女人好似梅花一樣越冷越盛放加油

私人傳訊

RACHELCIRCLE