少年成長今日: 0|主題: 16054

收藏本版

發帖

返回列表

跳至頁

查看: 3179 | 回覆: 0

唔洗靠手機 [複製鏈接]

csir3290

子爵府

積分: 12270

1^#

發表於 20-1-5 11:20 |只看該作者 |正序瀏覽 |打印

成日都覺得點解啲小朋友咁鍾意玩手機，最主要嘅原因就係佢哋冇其他興趣，所以先至沉迷落去手機度，一旦沉迷咗落去要佢出返嚟其實真係好困難。所以要趁佢哋未曾開始沉迷或者未曾開始要經常用手機嘅時候，我就要我對仔女發展其他興趣，盡量令佢哋少啲接觸手機。盡量等佢哋唔使百無聊賴，當冇嘢做嘅時候可以有唔同嘅興趣做唔同嘅嘢。

剛剛過去嘅聖誕假除咗公眾假期嗰幾日之外。自己亦都例牌會放多兩日假陪對仔女。除咗同佢哋去旅行之外，其實仲有好多嘢可以一齊做，好似同佢哋去咗兩次遠足行山，又會同佢哋一齊睇戲，今個假期仲同佢哋一齊砌咗兩副lego，所以除咗佢哋每一日都要做練習，練琴同埋睇書之外，根本佢哋每一日都好充實好多嘢好做。所以雖然佢哋各自有一部手機，但係根本佢哋部手機就係擺埋一邊好少攞出嚟，除咗去旅行嗰幾日攞咗嚟影相，去完旅行返到嚟擺低咗之後就冇掂過部手機。不過當然培養小朋友嘅興趣唔係佢哋自己就可以做到，越細個開始幫佢哋一齊培養興趣就越容易。幸好我啲細路仔鍾意玩嘅嘢有陣時我都鍾意，因為好多都係我細個自己鍾意嘅興趣，例如好似砌lego咁，同佢哋一齊砌有傾有講好容易又一晚。一齊去行山，一路行一路有傾有講好容易又一日。甚至乎夜晚同佢哋玩下大富翁或者uno嘻嘻哈哈又一晚。

要戰勝手機其實話易唔易，話難亦都唔難，好睇家長幾時開始同埋肯唔肯花時間同仔女一齊去玩一齊去培養興趣。其實最怕就係連家長自己都冇乜嘢特別提得起勁去做，或者自己都搵唔到啲乜嘢興趣，自己都係成日對住部手機咁又點樣令到啲細路肯放低部手機呢？所以我奉勸家長就算自己冇乜嘢特別專長或者特別興趣，但係為咗仔女就算扮都要扮到對有啲嘢好有興趣，然之後同佢哋一齊試一齊玩，其實話唔定到最後連家長自己都會搵到自己嘅興趣。講到尾都係要襯佢哋細時盡量去發展佢哋唔同嘅興趣，盡量推遲佢哋開始依賴手機嘅時間。