台灣男星宥勝雖然已婚育有一對仔女，但依家「未定性」四圍去旅行，上年11月去完南極40多日後，返到台灣就買豪宅靚車「定居」，豈料佢尋晚喺facebook上載一家人喺露營車前合照，自爆：「我們現在沒有房子住了。」
去完南極返到台灣，買晒豪宅靚車諗住「定居」！
點知竟然決定咁生活？
原來佢返台後真係打算「安居樂業」，但又突然接到郵輪合作，行程約半年，會一家大細去環遊世界，但遇上新冠肺炎大爆發，令行程取消，但佢已經賣咗樓「我們也因此再也回不了頭…」，所以靈機一觸索性開始「遊牧生活」！
原本間屋大到咁…
賣咗！
住露營車，阿女都嫌細！
佢留言：「在這疫情肆，虐全球的時刻，我們一家四口決定採取居家隔離，但我們的家，再也不是鋼筋水泥，而是大自然中的天與地...我們現在沒有房子住了。未來的生活方向充滿不定，台灣是，世界更是，或許我們力量很小，但是勤洗手，戴口罩，以及避免前往人群集中的地方，大概是採取『野外居家隔離』的我們唯一能做的...」網民都話：「你很幸運有這麼理解完全配合你的老婆和孩子，你很幸福！」
發表於 
就算遲1-2年翻學 其實都ok 
唔識佢，但結佐婚有小朋友仲可以居無定所，小朋友都要返學
返回列表
