香港18區媽媽會 今日: 0 | 主題: 156984

積分: 2927

32^#

發表於 10-12-20 01:09 |只看該作者

回復 1# smallsam 的帖子

你第一個問題我就沒聽過,我仔仔個時都係n1直上,優先可以選上午班.可能你個係細仔,所以係要等足1歲8個月先可以上n1,所以有d小朋友要等到11-12月先返學.如果係選下午班機會就大d,到k1時再轉上午班.你多報幾間,如果n1可以收左,到k1時你就煩少d,因為你細仔,好多幼稚園係收大仔多.有無去過慧中幼稚園(海賓),有幼兒班.個校長好好.
推薦信係公布結果前就要叫學校寫定了.綠楊係由英文老師副校長寫.不過係好行貨.到公布個日,除非你小朋友係學校成績好,又選思源/伍季明第一志願,否則校長係幫唔到你寫,呢個係我仔仔個同學媽咪告訴我,佢當時就係搵校長,想寫去其他小學,不過校長就係咁講,佢跟其他小學校長唔熟,只有思源/伍季明有交情.
耐心等下,遲d可能有幾間收都未定.

私人傳訊

smallsam

禁止訪問

積分: 2944

好媽媽勳章

31^#

發表於 10-12-19 17:41 |只看該作者

提示: 作者被禁止或刪除內容自動屏蔽

私人傳訊

katie0208

積分: 441

30^#

發表於 10-12-3 10:06 |只看該作者

謝謝你的分享

每間學校都有其賣點, 只是不一定適合每個小朋友, 有時真的要讀過先知, 幸好這裡可以問讀過的人, thanks again!

私人傳訊

積分: 2927

29^#

發表於 10-12-1 23:41 |只看該作者

原帖由 katie0208 於 10-12-1 17:41 發表
熊媽, 你真係好詳盡呀, 我仲有個問題想問下

綠楊最大賣點是語言環境, 好多時間栽培小朋友英文+普通話

但是否有很多同學都在外面補習英文呢? 有需要嗎? ...

都唔係個個都出去補.其實如果你本身屋企有個環境講英文/普通話,再加上學校環境,都可以了.如果屋企無個環境,單靠學校係唔得啊.
通常幼稚園出去學都係d興趣班,加強個語言能力.我見好多小朋友都會學拼音,因為綠楊普通話課堂無拼音學,不過課後興趣班就有教,要收錢,而且教得慢.英文就有phonics學,不過我小朋友個時係k2先開始教,上年開始k1都已經教了,阿仔都學唔到幾多.
有無需要係好個人,有的人係為左證書,幫助去見學校.有的覺得個學校未全面,想小朋友語言能力再強d.我兩樣都想,因為我自己英文差,唯有比小朋友出去學多d,接觸多d,不過我無去考私校/直資,只想扣門時,都有d野比人睇下,而且我多數係k2下學期開始有d常規課外興趣班,因為有多d時間可以比佢接觸下,訓練下,到左小學,都無咩時間,好多野都唔可以再學.另一方面又可以睇下小朋友個興趣.好似我仔仔,喜歡計數,所以就學珠心算(學校都有),又喜歡畫畫,又出去學(學校都有).英文唔好又出去學.學校都有英文興趣班,不過一班太多人,學唔到野.
就咁睇,你會問我仔仔交左$2xxx學費,呢4年學左d咩?其實每個小朋友吸收都唔同,有的係呢間學校教出來好出色,有的普普通通.
所以出唔出去補?睇你自己需要.
所以我第二個小朋友都唔去呢間,試下其他間幼稚園教法,唔想再增加自己壓力.

私人傳訊

katie0208

積分: 441

28^#

發表於 10-12-1 17:41 |只看該作者

熊媽, 你真係好詳盡呀, 我仲有個問題想問下

綠楊最大賣點是語言環境, 好多時間栽培小朋友英文+普通話

但是否有很多同學都在外面補習英文呢? 有需要嗎?

私人傳訊

HAPPYJOCELYN

積分: 393

27^#

發表於 10-12-1 15:28 |只看該作者

知道小一排位其實同那一間KG無關, 但請問Luk Yeung 小朋友出外interview 直資or 私校成績如何? 有資料嗎?

私人傳訊

Teresa22

別墅

積分: 631

26^#

發表於 10-11-30 12:26 |只看該作者

回覆 14# hohoho36 的文章

係呀! 我呀女係apply N1 ar ! Thank you !

私人傳訊

積分: 2927

25^#

發表於 10-11-30 01:15 |只看該作者

回復 3# hohoho36 的帖子

扣門,好睇係扣邊間.如果你自行和統一派位時第一志願填係思源or伍季明,扣門佢地90%都收,因為有誠意分,而且呢兩間學校都講明只會in選佢地為第一志願的學生,其他都唔見,除非有咩特殊.就算叫校長寫信,有個家長問過,佢小朋友成績好好,但就派左去潮小,佢求校長都話你唔選個兩間學校第一,都唔寫了.我諗校長同呢兩間感情係好d,而且呢兩間都喜歡收綠楊的學生.
官小/浸聯就係人都見,官小上年約有10個綠楊學生去扣門,以我所知收左兩個,但另一個無去,去左天佑.石鍾山都話in第一志願學生,不過都有例外.
有d家長就選d第二線小學扣門,機會就大d,好過去石圍角/潮小啦.所以有的學生就去左柴天/基慧.
整體去扣門,綠楊的學生都好多學校收.有位學生扣門有何x耀收左,之後石鍾山,天佑都收佢.所以開頭派的唔好d學生家長都好擔心,四處扣門,之後就煩唔知要選邊間好.有d學校差不多開學才通知收你.所以事前都要做好準備,處處有生機.
當然綠楊有佢的名氣,不過綠楊的家長都好有心機去培育佢的子女,為左子女將來的升學,課外活動安排都唔少,去扣門個份portfolio的份量都要見下人,雖然話小朋友的臨場表現好重要,好過無啦.
而且好多學生都會去考私校,直資.所以如果你擔心派位,最好去考私校,直資小學.私校收左,還可以再去參加自行/統一派位,而且有私校在手,你都可以進取的,填的熱門學校.直資收左就唔可以再去參加統一派位,不過自行派位時總有一個機會.有的人入左直資,等到統一派位公佈時可以再去扣門,試下都無防.
綠楊唔係差學校,係商業化d,行政上有時會有d問題,如果你家庭經濟好,交通又方便,都係一個選擇,但派位唔擔保,要睇家人自己策略.加油!

私人傳訊

kathycyn

積分: 286

24^#

發表於 10-11-30 00:34 |只看該作者

我都係12月18月先in n1, 但我打過電話問老師, 現在所有k3都一定要轉下午班,所以睇下到時interview點先~

私人傳訊

marcusQ

洋房

積分: 84

23^#

發表於 10-11-29 15:33 |只看該作者

我仔仔讀緊k2,番學都幾開心......
雖然學費都幾貴,但近排開始覺得有價值!近排我仔可以看著圖畫用英文說出整本故事書(8-10頁),真係令我有點驚訝!我諗大概係因為綠楊有很多機會給小朋友說英語!(有7-8個net teacher)

私人傳訊

kc_united

積分: 2223

22^#

發表於 10-11-29 14:21 |只看該作者

我問過學校, 如果派位派得唔好, 可以叫校長寫叩門信嗎? 主任答, 唔會幫學生寫叩門信! 除非真係好 special case 啦! ==> 我自己覺得唔係幾好lor....

不過佢同我說好多學生入到伍小同思源!

私人傳訊

hohoho36

伯爵府

積分: 19187

21^#

發表於 10-11-29 12:32 |只看該作者

原帖由熊媽於 10-11-27 17:07 發表

我小朋友入左荃灣官小,第二輪才抽到,算係好好彩.佢d同學好多抽得唔好去石圍角小學,潮州等.不過升小學唔係關讀邊間幼稚園,而係你小朋友個彩數.間學校就多人去思源,伍季明.天佑都有幾個.海霸街官小好似有2個.荃灣官小 ...

好多謝你答得好清楚, 但真係好驚派位會唔會派到去石圍角小學或潮州, 每月3千幾蚊, 最後仲要入呢幾間學校感覺唔太好喎, 另請問如果真係派位派得唔到, 叩門多唔多學校鐘意收綠楊學生呢, 唔好意思, 因為我得一個小朋友所以比較緊張, 多野問佐添!

私人傳訊

積分: 2927

20^#

發表於 10-11-27 17:07 |只看該作者

原帖由 hohoho36 於 10-11-27 11:11 發表

請問你小朋友小學升上邊間呢? 升小跟唔跟得上呢?

我小朋友入左荃灣官小,第二輪才抽到,算係好好彩.佢d同學好多抽得唔好去石圍角小學,潮州等.不過升小學唔係關讀邊間幼稚園,而係你小朋友個彩數.間學校就多人去思源,伍季明.天佑都有幾個.海霸街官小好似有2個.荃灣官小有4個,其中一個係扣門.浸聯好似無人抽到,扣門就唔知有無人入左.整體來講都唔係好好.

阿仔上左小學,暫時都可以,不過不失,佢比較內向.成績都係一般.
中文比較差.因為上左小學d中文真係深,閱讀理解好差.

數學好d,佢有學開珠心算,而且簡單d加減數幼稚園k3下學期都已經有教.

英文係grammar比較差.我仔仔k2開始有學公文英文.

寫字方面上左小學都無問題,因為k3日日都有中文詞句抄寫的功課,又有日記要寫.

普通話聽方面都無問題,講就個個小朋友都有差別,跟英文情況一樣.
其實小學上學期好多係幼稚園k3下學期都已經有接觸到,不過係我仔仔比較無記性,又粗心大意.佢d其他綠楊同學
都ok啊,係其他小學d同學仔都適應的唔錯,都有好成績.

如果你想小朋友上小學時,開頭個適應力強d,綠楊幼稚園出來d小朋友都唔差.不過你同小朋友係呢3年都會辛苦d,有壓力,因為幼稚園已經要年年4次考試.想小朋友輕輕鬆鬆無壓力,就選其他了.
我細仔都選左第二間幼稚園,一來想佢返全日班,二來想佢輕鬆d,我又想試下其他學校教法,因為我個人覺得其他幼稚園出來的小朋友唔通就比綠楊差d,唔通就難適應小學了嗎?而且一間$3xxx學費(半日),一間$2xxx學費(全日)教出來的小朋友有咩分別,我真係想睇下.
其實間學校係幼稚園又好小學又好,真係要自己小朋友讀過,經歷過,你才真正了解內部的情況.而我所講只係代表我小朋友的情況,未必個個都係一樣,所以每間學校都有好有唔好.

私人傳訊

hohoho36

伯爵府

積分: 19187

19^#

發表於 10-11-27 11:11 |只看該作者

原帖由熊媽於 10-11-27 01:33 發表
我小朋友讀左4年,總體來講都無咩,係最後一年,家長同校長搞到唔係太開心.d中文老師有幾個都好有愛心.n1有位葉老師好有經驗,又有愛心,都教左好多年.阿仔讀k1時個老師都好好,不過可惜走左.轉左d新老師就唔知點.k3班主任 ...

請問你小朋友小學升上邊間呢? 升小跟唔跟得上呢?

私人傳訊