論盡家傭 今日: 0 | 主題: 134086

積分: 557

1^#

發表於 11-7-13 10:33 |只看該作者 |正序瀏覽 |打印

本帖最後由 mmcc102 於 11-7-13 10:34 編輯

我個bun黎左半年，煮野一般

優點：清潔乾淨，肯做，自動波，唔講電話，唔黑面，個仔肯跟佢

缺點：超冇記性，唔記得熄燈，閂水喉，畢完飯唔閂飯煲蓋，買餸唔記得帶錢，帶key，個湯煲過N次都仲要問我洗唔洗落南北杏，叫佢將D意粉醬唔好撈落意粉度（因我鐘意食前先撈），點知佢都係撈左落去，叫佢marinade D肉，佢唔記得，買餸買漏野，買錯野（以上發生既野唔只一次，係重覆又重覆咁發生）

佢煲完水自己唔記得，夜晚同一煲水再煲多一次，搞到我地果晚冇凍開水飲

落街買野唔見左個買餸銀包，同埋佰幾蚊，我屋企key

琴日叫佢買餸，我一早寫低晒要佢買乜响本簿度（我要佢買無骨雞脾肉，肥牛，仲有其他野），佢落左去一陣跟住佢打比我話百X冇無骨雞脾肉，佢宜家响惠X，問我點，我叫佢咁你買有骨雞脾啦，過左一陣佢返黎，我問佢買唔買到有骨雞脾，佢買左仲比我睇，跟住佢响另一個袋攞左兩塊雪床雞扒，佢好驚訝咁望住果兩塊雞扒，我問佢咩事，佢話佢搞錯左，其實百X冇肥牛賣先真，佢去惠X係想睇下有冇肥牛，我話咁你又打比我同我講冇無骨雞脾？佢話係呀，佢諗住買肥牛但唔知點解會買左雞脾，我問佢咁你果兩塊雪床雞响邊度買，佢話百X，結果我要佢拎返果兩塊雞返去百X換左6包飲品，再去X宝買肥牛，結果搞到10點幾先返，佢8點頭出去買餸

我問佢乜你冇寫低你要買咩落張紙度既咩？佢話佢帶左成本簿落街，咁我問你有冇攞出黎睇下你仲有乜未買？佢話冇，我話你又唔攞本簿出黎睇咁你帶落街做咩？我又問佢記唔記阿sir叫佢做完每一樣野check下有冇做錯，做漏，因為之前佢做錯野C6叫佢做完每件事check下就可以avoid出錯），佢喊住咁同我講，佢唔係有心架，佢自己越黎越瘦，因為唔開心（我心諗你果D唔開心係自己攞黎，你成日都冇記性，做錯野，我同C6都唔會好惡咁話佢，都係一般語氣）

我C6懷疑佢唔知係咪個腦有問題，如果唔係冇理由會冇記性成咁，我C6話好想炒佢，你地覺得抵唔抵炒？

點評

kck_88 笑死發表於 11-7-13 18:04

0 0 0

私人傳訊

LongRyan

珍珠宮

積分: 42115

醒目開學勳章畀面勳章 BK Milk勳章

25^#

發表於 11-7-14 12:33 |只看該作者

本帖最後由 LongRyan 於 11-7-14 12:35 編輯

mmcc102 發表於 11-7-13 10:33
我個bun黎左半年，煮野一般

優點：清潔乾淨，肯做，自動波，唔講電話，唔黑面，個仔肯跟佢

發生係自已身上真係會好激氣, 我覺得你工人唔關記性事, 智商好有問題, 就算點寫落紙都無用, 差在唔知遲d有無大獲野....好似火燭/水浸發生, 我係你會揀下人, 有合心水唔用佢. 根本佢幫唔到手, 只會比麻煩你.

明天會更好~~

私人傳訊

phoebe309

複式洋房

積分: 494

24^#

發表於 11-7-14 12:12 |只看該作者

回覆:如果係我你地會唔會炒佢？

比我唔會抄！冇人十全十美~乾淨肯做，又湊得掂你個仔己經好好！我工人都超冇記性，可以連奶粉罐都冇cup蓋，買餸漏喺街n甘多次，又污漕,唯一優點係湊得掂我個仔兼冇偷嘢~我都忍佢！可以話爲咗個仔包容佢囉~我都係盡量唸佢優點唔唸缺點

不如鬧佢獲甘但佢驚，睇吓會唔會好d~我嗰個之前都係衰，我忍唔住大大力插完，再同佢講道理囉

好似教女甘

私人傳訊

lily-of-valley

寶石宮

積分: 261804

馬年勳章 2026勳章 2025中秋節勳章父親節2025勳章母親節2025勳章 2025勳章蛇年勳章 2024年龍年勳章 2023年兔年勳章 15週年勳章親子王國15週年勳章 2021可愛聖誕B勳章虎到金來勳章 2018復活節勳章牛年勳章 2018母親節勳章玩具勳章 BK猜猜猜慶中秋 BK Milk勳章 hashtag影視迷勳章醒目開學勳章環保接龍勳章畀面勳章最關心BB問題熱投勳章 Poo得好勳章

23^#

發表於 11-7-14 11:49 |只看該作者

唔好以為叫佢寫低就得, 可能D印水皮到唔識字嘅. 因我炒個件, agent比D rules佢睇, 佢望都無望一眼. 炒佢時, 係agent度簽收, 佢都老鼠拉龜, 要agent指住來簽.

私人傳訊

idy926

積分: 7125

22^#

發表於 11-7-14 11:25 |只看該作者

無換，因為私人屋苑保安都OK卦，都無閒雜人經過嘅，因為佢跌左id card係門口幾個鐘都無比人執添啦！

私人傳訊

積分: 557

21^#

發表於 11-7-14 11:01 |只看該作者

回覆 idy926 的帖子

咁你有冇換鎖呀？
我個工人今朝問我會唔會report比agent知，我同C6對個工人有不滿會自己同個工人講，唔會同agent講，唔知佢咁問係驚D咩呢？

佢今朝又promise話以後會小心D，希望真係咁

點評

idy926 1. 佢怕agent
2. 佢經agent搵緊工發表於 11-7-14 11:38

私人傳訊

idy926

積分: 7125

20^#

發表於 11-7-14 10:46 |只看該作者

回覆 mmcc102 的帖子

嘩，佢似乎連要用筆寫低黎樣野都吾記得喎！無蚊key，我工人初黎未夠2個月巳發生左3次，頭頭我都好言相向，到第4次我忍吾住咆哮，同佢講無下次，終於都無再發生，正一出爐鐵！希望你果個會怕啦！不過無記性，用晒野先出聲真係佢地國粹，我個抵死到叫亞女提佢買奶粉買mug買物，死未？

私人傳訊

積分: 557

19^#

發表於 11-7-14 10:06 |只看該作者

琴晚又有新野，話説C6七點幾放工返黎，我聽見佢把聲响門口出面講野，跟住佢㩒鐘，我開門見到C6個樣直情嬲到想殺人，佢問邊個出過街，我話工人晏晝出去買面包，跟住佢叫工人出去鐵閘度睇下，原來工人去完街返黎開門後唔記得mung返抽key出黎，成抽key掛左响鐵閘四個幾鐘

都唔知有冇搞錯，上個星期佢先唔見左買餸銀包同key，已經換左鎖，今個星期又黎多獲，因為唔知果4個幾鐘會唔會有人攞左抽key去make copy，為左穩陣起見，而家又要再換過鎖

救命呀！！！！！！點解會有D咁大意既人架？？？？

C6柄完佢一倫後話呢次係最機會，再發生呢D咁不知所謂既野會炒佢

私人傳訊

加魚

大宅

積分: 1690

18^#

發表於 11-7-14 10:05 |只看該作者

樓主, 妳有無係煮或 yip 野之前同佢講清楚 d 野點煮先?? 如果無, 佢真係會用自己方法架喎! 同埋, 無記性真係佢地通病, 我果件都無咩記性, 不過比我話多幾次就好好多! 佢其他野肯自動波同阿仔跟佢都巳經好好呀!!!

私人傳訊

monreve888

積分: 9034

17^#

發表於 11-7-13 20:44 |只看該作者

其實你個工人吾差, 吾好炒, 佢只是無記性, 起碼態度好, 又可以同小朋友相處.

我話比你知, 我以前個姐姐在我家3年喇, 我有個broad在雪櫃, 叫佢d野用到1/3就要買, 佢有時會寫, 有時又會吾記得. 唉, 夜晚試個得返一條片, 早上都無得換, 食完飯, 即刻走落百x買都試得多. 不過, 佢又好錫我個仔, 又吾駁嘴, 又成日笑, 後來我每個星期三, 我就叫佢check多一次, 咁就無咁勞氣.

到佢走左, 半年已經請左3個, 個個都一樣, 煮飯前才話比你知無米都算, 放工可以買, 但態度差, 真係無得救, 其中一個話仲同我講我今日才發現無米, 我問佢, 昨天, 前天, 大前天是誰煮飯, 佢先吾出聲.

你再試下用其他方法幫下佢! 我都明白會激氣, 不過當你想下其它媽咪請到d又偷野, 又黑面, 又駁嘴, etc, 你就會覺得佢其實都ok的.

私人傳訊

pipip929

子爵府

積分: 10778

好媽媽勳章

16^#

發表於 11-7-13 17:14 |只看該作者

你既故事.. 好似寫出我既心聲呀慘公..

我件印又係咁架.........

豬到暈呀..

點評

mmcc102 對住佢地真係命都短幾年發表於 11-7-14 11:02

私人傳訊

積分: 557

15^#

發表於 11-7-13 16:22 |只看該作者

好多謝各位mami既意見，我自己都覺得佢又未至於要炒

不過因為佢既冇記性令到我地生活上有好多唔方便，例如叫佢成塊雞扒唔洗切醃左佢，我諗住煎左佢，點知佢會幫我將塊扒切碎晒，搞到我要諗過點煮D雞扒碎，又例如冇凍開水飲，見佢連閂水喉都唔記得時真係好嬲，浪費食水同浪費我地金錢

黑面態度差既我都領教過，不過C6覺得佢比錢請人返黎重要成日幫佢執手尾，會好忟

我都有叫佢帶支筆，每買完一樣野就tick左佢，不過佢都冇跟住做

私人傳訊

tiksze0328

積分: 917

14^#

發表於 11-7-13 14:20 |只看該作者

我覺得佢既優點已經cover晒佢既缺點
好工人難求呀冇記性好過lazy 偷野黑面態度差 dirty好多

私人傳訊

tiggertigger

大宅

積分: 4608

13^#

發表於 11-7-13 14:15 |只看該作者

態度好，已經不錯，蠢咪慢慢教，不炒。

初時的確需要時間調較一下。

私人傳訊

joanie731