韓國某公司發明左一隻聲稱可以治療脫髮嘅頭盔，據說每天只要戴上18分鐘就可以透過低能量激光或振動功能刺激頭皮達致療效云云…
雖然只售二千餘元，不過有歷史以來，不知有幾多十萬種產品或藥物都話有效，但事實上都係假嘅，因為脫髮原因非常之多，單一方法大多數不能奏效！
其實真正有效治療脫髮嘅藥物只有一隻(雖經臨床測試及FDA批准售賣)，就係Minoxidil(90%人有所改善，50%人頭髮可重生…)，不過佢嘅副作用又會令所有男人卻步：會出現性慾降低、不舉或精液排出量減少的情況！(邊有男人敢搏？)
櫺某活到一把年紀個頭仲見得下人，因為同齡嘅早在十年前已經開始白(唔白已經開始禿...)，十年後今日唔係白左就是禿左四份一或以上…我嘅白髮十幾年嚟都係得十條八條，前額不高所以唔擔心前禿，所以最擔心都係中央不保，的確中間曾經甩得好厲害(心諗：呢次地中海仲唔嚟搵你？)，但經過悉心調理後又再生機勃勃(全盛時七八成...哈哈！)，真係好神奇，不過一啲都唔容易：
1)
不夜訓，所以12點後在BK一定見唔到我！
2)
健康飲食，多菜少肉，只可吃八九分飽！
3)
一定要減壓，壓力可毀滅一個人之健康，何況頭髮？
4)
做運動，就算唔可以出外做帶氧運動，在家中也要做上過百下Sit Up及掌上壓！
5) 正確洗頭方法：先淋濕個頭，洗頭水在手中擦出泡搽上個頭，用手指頭輕輕按摩...徹底沖洗乾淨！
6)
用自家MIX洗頭水！(考慮小量生產拎出嚟供諸同好~正確啲=賺啲外塊！不過仍在考慮中…考量中…)
發表於 
返回列表
