吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› JM Happygirlyuki 的啟發 - 我係唔係應該要退出??? ...

夫婦情感今日: 0|主題: 42791

收藏本版

發帖

返回列表

跳至頁

查看: 2738 | 回覆: 28

JM Happygirlyuki 的啟發 - 我係唔係應該要退出??? [複製鏈接]

Kambee

大宅

積分: 2114

1^#

發表於 13-1-30 13:16 |只看該作者 |正序瀏覽 |打印

本帖最後由 Kambee 於 13-1-30 13:21 編輯

可能小三真係比我更愛和更適合我C6.

小三可以為他分享自己愛的男人, 我唔得.
小三可以為他自殺, 我唔得.
小三可以為他等一生一世, 我唔得.
小三可以為他失去所有尊嚴, 我唔得.
小三跟我說, 愛係什麼都唔應該計較, 要計的話, 就不是愛了, 我唔得...

因為我要好好愛自己, 更愛我們的囝囝.

我係唔係應該要退出???

因為我真係好攰好攰, 我唔知可唔可以守得雲開.

愛一個人是否真的不需要擁有他嗎?

0 0 0

私人傳訊

milky_red

水晶宮

積分: 51674

畀面勳章 BK Milk勳章

29^#

發表於 13-2-4 00:12 |只看該作者

回覆：JM Happygirlyuki 的啟發 - 我係唔係應該要退出???

加油樓主！一世都未完，佢講話等啫，咪由佢一個人孤零零咁等囉，睇佢等得幾耐！

佢話你拆散佢哋，呢啲說話直頭係調轉嚟講，唔駛理佢啲歪理。

大家都係女人，好明白嗰種錐心之痛，有唔開心，記得上嚟搵我哋傾，呢度大把人撐你

私人傳訊

nicoleeeee9

複式洋房

積分: 173

28^#

發表於 13-2-3 14:41 |只看該作者

引用：+本帖最後由+Kambee+於+13-1-30+13:21+編輯

原帖由 Kambee 於 13-01-30 發表
本帖最後由 Kambee 於 13-1-30 13:21 編輯

可能小三真係比我更愛和更適合我C6.

你試下比佢得手，你估佢仲會唔會為個男人死，會唔會肯同第四五者分！？未得手就梗係用苦肉計啦...
既然大家相愛，c6又有悔意就比個機會重新開始，唔好將個男人推岀門口，益左賤人，你贏在真心相愛亦較早一齊，正印嘅緣份！

祝你早日走岀過去唔好嘅日子，再次幸福甜蜜

私人傳訊

I9528

琥珀宮

積分: 155656

畀面勳章

27^#

發表於 13-2-3 12:55 |只看該作者

你愛他, 但他愛你嗎 ? 愛你就不會有小三, 兩個人不能只有單方向的, 只有痛苦而已

私人傳訊

PCCW2319

水晶宮

積分: 67993

26^#

發表於 13-2-3 12:14 |只看該作者

Kambee 發表於 13-1-31 13:27
PCCW2319, 我反覆看了你這篇回帖好幾次, 我好感動, 你我素未謀面, 你可以用你既寶貴時間和精神逐一解答我既 ...

唔好客氣. 雖然大家素未謀面, 但我明白人係低潮中, 真係需要別人開解/扶一把. 亦希望他朝有一日, 如果我遇到人生低潮, 都能夠得到別人支持/提醒, 免得自己沉淪.

曾經睇過一本小書, 書裡面寫:

"伤害这种东西，有时候它很微小，如果你选择忽略，它仍然是那么微小，在你的心口划下浅浅的不算明显的痕迹，或许有天自己就会淡去，消失无踪。
但如果你非要特别在意，特别较真，那微小的伤害会不断扩大，在你的心口烙下深深的伤痕，最后会形成一个永难磨灭的大大的疤痕。
造成这种结果，最难受的不是别人，而是你自己。不想让自己难受，最起码，可以选择将伤害降到最低，让自己稍稍好过一点。"

當然, 你既傷口唔會係淺淺的. 但唔好比佢放任地不斷擴大, 傷你地.

其實我覺得你係知道老公不論身同心都已經返黎. 但你現在既低落, 可能係因為你心中有種"怨忿難平", 多於不信任. 你會覺得點解一個你一直信任既愛人, 會背叛你. 但你要明白,事件發生, 你倆當中都有錯失. 就當上天安排呢件事發生, 令你地明白到自己既錯誤, 明白對方既重要性, 可以令你地一直互相扶持, 行到永遠.

發生左既事係冇辦法改變, 係歷史. 唔好再咁蠢去圍住它打轉, 更加唔好再幻想(自製)歷史片段, 曾加自己痛苦.

事件發生至今只有半年 , 比多d時間自己. 唔好迫自己傷口復回, 但唔好比機會佢擴大.

希望, 好快見到你換"頭像".

天空之城, 快樂之地

私人傳訊

caca11

大宅

積分: 2765

25^#

發表於 13-1-31 17:32 |只看該作者

好明白對c6信心破產的感覺；
這也是我對前夫當年的感覺。
好明白當你們親熱時想起c6和小三也做過同樣的動作的感受；
我當年根本不能再和前夫親親了 ... 我點知佢, 小三親過幾多個, 感我未indirectly同好多人親熱!!!!!!

睇下樓主你對忠貞和一段有信用的關系的重視情度，我當年也同樣的問自己，而對我而言, 一段關系冇了信任跟本就不再是關系 - 而是再冇關系! 一段婚姻冇了忠貞那和貓和狗也沒分別。而我，很高興我是一個有人質素的人。

我知道和他上床對我來說比死更難受 - 當年有個教會友人話你未當自己系雞 lor. 但雞都有$收, 而我冇 .....

長話短說, 我要的是一段人的婚姻, 所以我離開了 ... 到現在我冇後悔過

私人傳訊

kin818kin

珍珠宮

積分: 47875

2024年龍年勳章開心吸收勳章

24^#

發表於 13-1-31 15:30 |只看該作者

我同意 Kambee 話無了信任的婚姻，個人就會好不踏實，個心浮浮下，很不安心。亦都就好像個人只得個殼，沒有了靈魂。

你可以把你的感受同你老公分享，話佢知你知道佢仍對個家有愛，但不知怎的你就是很不踏實，還要以退為進的講你不是不信任他，亦知道佢有努力改過的心，你都會好努力一起誇過這關，問佢有什麼解決方法？你仲要話你當然不會理小三的行動和說話，不過小三一直煩你，你實在好難忘不記起這事........你就等下你老公點處理，睇下佢會不會主動提出什麼搬屋、改電話號碼.......等等的方法去增加你的信心。

一切就在你老公有無心去處理......有心處理就一定有辦法。

私人傳訊

yamaneko

侯爵府

積分: 20278

23^#

發表於 13-1-31 13:41 |只看該作者

引用：Quote:yamaneko+發表於+13-1-30+19:37+現在

原帖由 Kambee 於 13-01-31 發表
多謝你呀, 無信任既婚姻就係唔係我想要的, 信任我知道要慢慢再儲蓄, 唔知我可以等到幾時! ...

就係因為唔知要等到幾時，所以現在更加唔好諗住。把握現在，養好自己先。更靜心睇下c6點證明自己。你的方向岩，c6又肯配合，咁就唔好諗咁多了。好好照顧自己嘅心情，堅持走下去吧！

私人傳訊

Kambee

大宅

積分: 2114

22^#

發表於 13-1-31 13:27 |只看該作者

PCCW2319 發表於 13-1-30 23:59
回覆 Kambee 的帖子

可能小三真係比我更愛和更適合我C6.

PCCW2319, 我反覆看了你這篇回帖好幾次, 我好感動, 你我素未謀面, 你可以用你既寶貴時間和精神逐一解答我既不知所謂既憂慮. 我真係好多謝你!
道理我係明既, 我明白現階段我要做什麼, 但傷害咗始終是傷害咗, 傷痛唔係一時三刻可以醫好.

我依家面對唔係那隻小三, 而係我同C6之間既信任問題, 係, C6俾咗好多信心我, 我應該好番好多, 但係就係無咗以前那份信任和親切既關係, 你明白嗎? 希望時間真係可以治療我既傷口.

Anyway, 多謝你!

私人傳訊

Kambee

大宅

積分: 2114

21^#

發表於 13-1-31 13:11 |只看該作者

queenie_930 發表於 13-1-31 00:10
樓主，個小三同你講咩，你認真便輸了丫，哩一刻佢梗講到咩都得喇，講之麻，而家最重要係你老公浪子回頭丫， ...

佢係唔係真心真意浪子回頭? 我真係唔知!

私人傳訊

Kambee

大宅

積分: 2114

20^#

發表於 13-1-31 13:09 |只看該作者

yamaneko 發表於 13-1-30 19:37
現在唔好諗信唔信c6哩個問題，信任係儲存番黎旣，對一個剛破產嘅人，何來會有信心？遲多幾年先再諗哩個問題 ...

多謝你呀, 無信任既婚姻就係唔係我想要的, 信任我知道要慢慢再儲蓄, 唔知我可以等到幾時!

私人傳訊

NobleLo

大宅

積分: 1500

19^#

發表於 13-1-31 03:16 |只看該作者

你要加油呀！對自己要有信心，唔好理d賤人！

點評

Kambee 多謝! 發表於 13-1-31 13:10

私人傳訊

soso1227

珍珠宮

積分: 37380

醒目開學勳章畀面勳章

18^#

發表於 13-1-31 00:34 |只看該作者

小三垂死掙扎，咪理佢，等佢發癲，你老公自然更後悔莫及

你之前D POST 見到你老公有誠意改過，原諒C6啦

點評

Kambee 原諒容易, 再次信任好難! 發表於 13-1-31 13:11

私人傳訊

queenie_930

別墅

積分: 821

畀面勳章

17^#

發表於 13-1-31 00:10 |只看該作者

回覆：JM Happygirlyuki 的啟發 - 我係唔係應該要退出

樓主，個小三同你講咩，你認真便輸了丫，哩一刻佢梗講到咩都得喇，講之麻，而家最重要係你老公浪子回頭丫，忍一忍俾次機會佢改過喇

私人傳訊

PCCW2319

水晶宮

積分: 67993

16^#

發表於 13-1-30 23:59 |只看該作者

本帖最後由 PCCW2319 於 13-1-31 10:18 編輯

回覆 Kambee 的帖子

可能小三真係比我更愛和更適合我C6.
其實, 邊個適合你C6, 唔係由你或小三講/決定. 或者你c6曾經一時迷失, 但某d野發生左後, 佢會知道邊一個至係佢終生伴侶, 同佢共度人生餘下時光.

小三可以為他分享自己愛的男人, 我唔得.
呢d唔係叫愛, 唔係叫做偉大. 你試想一下, 如果佢係你(即正印老婆), 佢又會唔會甘心情願同別人分享一個原本只屬於佢自己既老公/愛人呀? 佢現在只不過搶左唔屬於佢既野, 而同物主講, 同物主一齊分享, 真係天大既笑話. 千祈唔好比佢誤導.

小三可以為他自殺, 我唔得.
"自殺" ?? 呢d係赤裸裸既示威脅. 根本就唔係愛既表現. 如果佢係愛個男人, 係唔會用死, 令個男人內疚. 如果真係痛苦得想死既話, 亦都唔會事先同對方講. 呢d只不過係想留住個男人既技倆. 講, 每個人都會, 但係咪真係做到?? 如果係, 佢之前都同好多男人一齊過, 咁咪要死好多次?

小三可以為他等一生一世, 我唔得.
佢之前都同好多男人一齊過, 呢d對白可能都講左唔少啦. 到佢搵到另一目標, 咪又會放棄. 咪傻啦. 佢講你咪聽左就算囉.

小三可以為他失去所有尊嚴, 我唔得.
小三跟我說, 愛係什麼都唔應該計較, 要計的話, 就不是愛了, 我唔得...
係一段婚姻中, 雙方某程式上應該放抵尊嚴, 互相包容. 而唔係好似小三咁不知羞恥, 以歪理"唔應該計較, 要計的話, 就不是愛了" 去將自己搶人老公合理化. 樓主, 你唔好再睇小三既SMS, whatsapp啦. 你只會比機會你傷害你同你老公感情. 更加唔好比佢影響你心情.
而且, 要講唔計較既, 樓主唔好再計較(寬恕)/唔好記住老公之前既錯誤/迷失, 應該同老公重新開始. 呢d至叫做真正既愛.

因為我要好好愛自己, 更愛我們的囝囝.
絕對正確. 我絕對相信, 要別人愛自己, 首先要自愛.

我係唔係應該要退出???
如果係我, 絕對唔會對出. 因為老公已經表態, 認錯回頭. 正所謂"浪子回頭, 金不換". 而且, 我記得, 樓主答應老公同佢共同進退, 互相扶持, 共度呢個難關. 為自己, 為老公, 為囝囝, 為個家, 唔好輕言放棄呀.

因為我真係好攰好攰, 我唔知可唔可以守得雲開.
情緒起起落落一定有, 多D搵朋友/老公傾下, 唔好屈係心, 唔好比自己沉迷係負面情緒中. 之前你同老公咪plan 再度蜜月旅行. 快D出去玩下, 放輕下自己啦.

愛一個人是否真的不需要擁有他嗎?
愛一個人是唔一定要擁有他, 呢個係某情況上我同意. 而呢個情況就係, 當果個人愛既人唔係你既時候, 就唔好執著, 應該放手. 所以, 現在要放手就絕對唔係你, 而係小三.因為你老公愛既人好明顯係你, 而唔係小三.

天空之城, 快樂之地

私人傳訊

yamaneko

侯爵府

積分: 20278

15^#

發表於 13-1-30 19:37 |只看該作者

引用：個女人想點,+C6一定知,+佢淨係叫我唔好理個

原帖由 Kambee 於 13-01-30 發表
個女人想點, C6一定知, 佢淨係叫我唔好理個小三講D野!
個女人好識耍手段, 我C6 同佢一齊時, 慍慍戥戥咁應承 ...

現在唔好諗信唔信c6哩個問題，信任係儲存番黎旣，對一個剛破產嘅人，何來會有信心？遲多幾年先再諗哩個問題吧。反而個女人嘅問題簡單啲。如果個女人開始煩你，即係佢拉攏唔到你c6，佢無法控制你c6，先會黎煩你，打擊你，希望傷害你同c6之間嘅關係。佢已經開始失利，你再堅持下，忍耐下，佢好快就如地下蟲咁，煩到c6反面離開佢架啦。忍耐多一點點吧。

私人傳訊

Kambee

大宅

積分: 2114

14^#

發表於 13-1-30 19:07 |只看該作者

個女人唔係大陸人, 亦唔係香港人, 呢個國家既人係97前已經攞咗香港人好多著數, 個女人97唔肯返自己個國家, 留係香港同過好多個男人一齊都無結果, 佢地對男女關係睇得好平常, 係我C6死蠢先中晒計.
各位JM大婆, 你地要小心, 唔係一定B6先搞你C6!

點評

caca11 我前夫當年隻小三(現在的太太)也是英國回流番黎的鄉下婆! 發表於 13-1-31 16:06

私人傳訊

Kambee

大宅

積分: 2114

13^#

發表於 13-1-30 18:59 |只看該作者

個女人想點, C6一定知, 佢淨係叫我唔好理個小三講D野!
個女人好識耍手段, 我C6 同佢一齊時, 慍慍戥戥咁應承咗個女人好多野, 依家C6同佢講清楚晒, 個女人就話係我拆散佢地.

至於我C6, 係依家佢對我十分好, 佢講好後悔好內疚對我既傷害, 佢仲話以後只會一心一意對我, 但....我真係可以再信佢咩?