我家菲傭,同樓上講既雞助工人差唔多,唔話得佢架。佢係4x歲老鬼,黎左我家幾個月。初時以為佢好掂,後來發覺問題多多,錯漏百出。每次提醒佢,佢就發晒火,仲試過指住我罵,惡得佢。又成日投訴我既小朋友,同d小朋友關係極差。
最慘最慘係,我家C6從太初就認為「工人永遠係對的」,時常為佢而同我駁火,家無寧日。工人就入房門睡覺,話之黎。
佢係我請既,我出糧既,但佢係就目中無人,只係識聽C6話。
尋晚小朋友問佢:我早幾日係窗邊晒乾之畫筆係邊,佢就鬧爆小朋友,打發佢走,小朋友就哭;但C6一出聲,佢就即刻攞番出黎。隨之C6又為佢向我地破口大罵。
早幾日,小朋友央求我換個工人。如果我換個新既,C6緊會話我趕走工人。
好煩呀,點算好呢?