少年成長 今日: 0 | 主題: 16099

積分: 3311

2681^#

發表於 15-4-21 20:02 |只看該作者

回覆：小朋友大脾氣,可以點教 Part III

我想問八九歲好易少少事就好嬲…但當佢平心靜氣佢又好肯聽人講…自我形象非常好…所以當發現人地對佢有唔好既評價佢會反應好大…係咪帶佢上下啲EQ課程會有幫助

Sorry 我未睇晒之前既post因為太多同埋好多case既小朋友都係好細…咁大個仲有得幫嗎？

私人傳訊

積分: 33215

2682^#

發表於 15-4-21 23:48 |只看該作者

virginbaby 發表於 15-4-20 23:24
Hi Sandra，

認真的，我都想叫你Super Sandra...

virginbaby :
你睇咗点用讚未？

教仔心得：媽咪容易犯的錯誤
http://www.baby-kingdom.com/forum.php?mod=viewthread&tid=951856&extra=&page=1

成日話「讚」可以改正小朋友壞行為，到底點解同點讚？
http://forum.baby-kingdom.com//v ... page%3D1&page=1

私人傳訊

積分: 4007

2683^#

發表於 15-4-22 05:40 |只看該作者

回覆：SandraLo 的帖子

有呀，其實佢仲有啲行為倒退，屋企人同佢講野都要就住，好易聽到一句說話又發嬲。
放假會奶啲。

私人傳訊

積分: 4007

2684^#

發表於 15-4-22 05:47 |只看該作者

回覆：SandraLo 的帖子

又或者咁講，接佢放學段路都好好，有講有笑，但一入屋要開始沖涼就黎。
可能真係陪佢時間少左，咁佢一扭又話佢多左，不過氹弟弟瞓覺時佢又點講都成日入黎嘈住，已經話你呀入黎，媽咪就好快會出黎，但佢都係咁開門，有時仲好大聲話咁耐架，結果弟弟又喊，攪到大家心情仲差

私人傳訊

meicmacy

積分: 4724

認識瑞士牛牛第一回畀面勳章

2685^#

發表於 15-4-22 12:46 |只看該作者

回覆：小朋友大脾氣,可以點教 Part III

你好呀，想請教你呢，我囝囝2歲8個月，最近成日同我唱反調，叫佢收玩具，佢話唔收，我話唔收要掉垃圾桶，佢話好！叫佢食飯又話飽，叫佢落車又話唔落，叫佢食糖都話唔食，不過隔幾秒又話食！同埋成日都喊，叫佢食飯喊，沖涼喊，訓教喊，有時叫一叫佢都喊，唔俾佢睇電視喊，唔啱心意喊，總之一返到屋企就喊
另外佢而家返緊全日n，喺學校唔食奶咀，但返到屋企就好似吸毒咁，成日揾！

私人傳訊

積分: 33215

2686^#

發表於 15-4-22 18:11 |只看該作者

happy105 發表於 15-4-21 20:02
我想問八九歲好易少少事就好嬲…但當佢平心靜氣佢又好肯聽人講…自我形象非常好…所以當發現人地對佢有唔好 ...

happy105 :
想知佢點嬲........悶悶不樂？鬧人？一般嬲乜？而好肯聽人講嘅意思係唔反駁？定聽咗會有少少改善？發現人地對佢有唔好評價時有乜反應？呢d 人係咪屋企人？定所有人都會咁？你地依家會點處理？

私人傳訊

積分: 33215

2687^#

發表於 15-4-22 19:34 |只看該作者

virginbaby 發表於 15-4-22 05:47
又或者咁講，接佢放學段路都好好，有講有笑，但一入屋要開始沖涼就黎。
可能真係陪佢時間少左，咁佢一扭又 ...

virginbaby :
你囡囡好明顯係 attention seeking, 只要你能做到用讚 (好行為出現, 在此處是冇搗蛋冇駁嘴冇嘈時) + ignore (壞行為, 即駁咀嘈吵嗰d ), 情況便會改善, 而你第一樣要注意的, 便是你的情緒不可被她牽動, 否則佢便取得你 attention, 花只會變本加厲！
好多媽咪以為 ignore 會令小朋友覺得更加唔開心, 事實係你並不是 ignore 個小朋友, 而是 ignore 佢個壞行為, 當你用番足夠時間嚟俾 attention (即係讚), 壞行為自然就可以改掉！明嗎？

私人傳訊

積分: 4007

2688^#

發表於 15-4-22 22:41 |只看該作者

回覆：SandraLo 的帖子

謝謝你咁忙都回覆呀！

但好似佢去完洗手間，已家變左唔自己抹，成日坐係到大叫我地幫佢抹，咁要ignore?
我地開頭就同佢講呢啲野要自己做，但佢會eeeooo或係咁叫我地幫佢抹，咁我地有時都要幫，已家改左比紙巾佢自己抹。但都未能佢自己做反。

同埋其實仲有好多壞行為，

1）跌左野唔自己執，點ignore？你唔出聲，佢就同你鬥望，一係發脾氣叫我地執，我地又要講道理

2）有啲野佢同我講掂左，突然有人行出黎比多個提議唔啱佢聽既話，佢即刻大叫唔得

可能我係唔知點ignore佢既無理要求，應該點ignore?唔答佢又衰，答左唔啱佢心意又衰

私人傳訊

積分: 4007

2689^#

發表於 15-4-22 23:07 |只看該作者

回覆：SandraLo 的帖子

唔好意思有補充，最大問題係已家有個細，你ignore佢，佢會一路叫，早兩日細老先比佢嚇到瞓著都喊，仲要喊到出唔到聲，可能我忍唔到佢影響細仔。
點先可以唔好影響到細仔呢？

私人傳訊

積分: 33215

2690^#

發表於 15-4-23 00:04 |只看該作者

meicmacy 發表於 15-4-22 12:46
你好呀，想請教你呢，我囝囝2歲8個月，最近成日同我唱反調，叫佢收玩具，佢話唔收，我話唔收要掉垃圾桶，佢 ...

meicmacy :
咁你知唔知佢點解喊？你依家會點做？安撫？offer 好多嘢俾佢？

私人傳訊

meicmacy

積分: 4724

認識瑞士牛牛第一回畀面勳章

2691^#

發表於 15-4-23 08:30 |只看該作者

引用：Quote:meicmacy 發表於 15-4-22 12:46 你好

原帖由 SandraLo 於 15-04-23 發表
meicmacy :
咁你知唔知佢點解喊？你依家會點做？安撫？offer 好多嘢俾佢？

佢一唔合意就喊架喇，之前我地就會打鬧，即時都控制到，慢慢發覺佢變本加厲，就無再打鬧，最近就由佢喊，唔收聲就無得做或要某啲嘢咁，佢當下好快收聲，但一日可能重覆10次8次咁

私人傳訊

happy105

積分: 3311

2692^#

發表於 15-4-23 09:16 |只看該作者

引用：Quote:happy105 發表於 15-4-21 20:02 我想

原帖由 SandraLo 於 15-04-22 發表
happy105 :
想知佢點嬲........悶悶不樂？鬧人？一般嬲乜？而好肯聽人講嘅意思係唔反駁？定聽咗會有少少改 ...

嬲佢會大喊大叫關埋自己入房…有時佢因為佢講野人地無反應佢會嬲，唔接受佢意見會嬲，玩遊戲輸左會嬲…好唔鍾意人地無示佢，佢自我形象非常好…好多時佢覺得自己好好，所以佢有好多理由講出別人既錯，亦都好多時聽完佢講明白佢嬲得有原因…但無需要咁大反應…
佢對所有人既態度都一樣…即使係老師校長佢都唔太驚…會照表達佢既睇法…照嬲既時候大喊
佢比較聽我講…所以我一般見佢有呢啲行為會喺佢平心靜氣時同佢解釋…佢都好肯聽…都有嘗試去做…但當佢好嬲既時候又忘記…又重蹈覆轍…正如我知當佢火起既時唔應該大聲鬧返佢但都控制唔到一樣

私人傳訊

積分: 33215

2693^#

發表於 15-4-24 00:33 |只看該作者

virginbaby 發表於 15-4-22 22:41
謝謝你咁忙都回覆呀！

但好似佢去完洗手間，已家變左唔自己抹，成日坐係到大叫我地幫佢抹，咁要ignore?

virginbaby :
你睇住 page 119 post #2371 答 moonisland d posts 先, 會明多d attention seeking, 明天再答你！

私人傳訊

積分: 33215

2694^#

發表於 15-4-24 11:27 |只看該作者

本帖最後由 SandraLo 於 15-4-24 16:06 編輯

virginbaby 發表於 15-4-22 23:07
唔好意思有補充，最大問題係已家有個細，你ignore佢，佢會一路叫，早兩日細老先比佢嚇到瞓著都喊，仲要喊到 ...

睇埋呢度 page post #1479 先：
http://www.baby-kingdom.com/forum.php?mod=viewthread&tid=4960072&extra=&page=74

私人傳訊

積分: 33215

2695^#

發表於 15-4-25 12:47 |只看該作者

virginbaby 發表於 15-4-22 22:41
謝謝你咁忙都回覆呀！

但好似佢去完洗手間，已家變左唔自己抹，成日坐係到大叫我地幫佢抹，咁要ignore?

virginbaby :
睇完我俾你d posts, 有冇明多d 呢？
即係：你唔駛問單一事情點處理, 而是大致要按同一個方向去做, 依家佢做乜都係不理性的, 只為引起你注意, 無論你點反應, 佢都係會再生事出嚟, 你同佢慢慢講解又好, 鬧又好, 打都好, 都係俾緊 attention, 係佢要嘅, 並會強化佢呢d 吵鬧行為！所以唯有唔俾反應, 加埋用讚嚟俾反應佢嘅好行為, 佢先會有改善.
當你見到佢做呢d 所謂曳嘢, 你亦唔好嬲佢, 試想下佢擁有嘅嘢一夜之問被bb 分走了一半, 係你都會唔開心, 而佢咁細個, 更加係未識表達佢嘅不安.
會幫到你嘅係：先訂立一個時間表, 等佢知幾時做乜同幾時係你同佢單獨一齊, 進行番佢之前同你玩或講故事/傾計嘅活動, 期間要揾人睇住bb先. 每個鐘起碼讚3幾次, 例如：好乖喎, 自己安靜做功課, 好乖喎咁快做完一樣....... 總之就係俾俾attention佢嘅好行為, 而相反, 壞行為就 ignore, 無關痛癢的千萬不要俾反應, 當睇唔到, 例如跌咗嘢唔執嚟引你話佢, 就扮睇唔到, 到清潔時先扮執番俾佢, 引唔到你佢就唔會做！明白呢點先會改善到依家情況！假如佢大聲叫你幫佢執, 你亦可輕聲叫佢自己執, 然後就收聲行開, 佢大叫亦要由得佢, 只要你每次都處之泰然同讚得夠, 情況就可改善！

私人傳訊

積分: 33215

2696^#

發表於 15-4-25 17:45 |只看該作者

meicmacy 發表於 15-4-23 08:30
佢一唔合意就喊架喇，之前我地就會打鬧，即時都控制到，慢慢發覺佢變本加厲，就無再打鬧，最近就由佢喊，唔收聲就無得做或要某啲嘢咁 ...

meicmacy :
係你教緊佢用喊嚟要求 .................
你以為你冇因為佢喊而俾佢扭要嘅嘢, 就唔會助長佢扭！？事實係每次佢扭、喊, 無論扭/喊乜嘢都好, 都總有好結果, 有 offer, 呢d 嘢唔喊唔扭又唔會有, 形成次次扭就有神祕禮品！咁梗係少少嘢都喊咗先啦！！！

即係話：你係掉轉咗嚟做, 應該響佢冇扭冇喊嗰陣讚佢, 一日3,4 次, 再用獎勵加強口頭讚, (俾獎不可以有附加條件), 到佢喊時, 預佢喊兩個鐘, 唔好理, 唔好鬧同話, 由得佢, 做得到3日就改善到！

私人傳訊

積分: 33215

2697^#

發表於 15-4-26 23:25 |只看該作者

happy105 發表於 15-4-23 09:16
嬲佢會大喊大叫關埋自己入房…有時佢因為佢講野人地無反應佢會嬲，唔接受佢意見會嬲，玩遊戲輸左會嬲…好唔 ...

happy105 :
照計已經8,9歳, 重會大喊大叫, 响學校不會被罸或俾同學笑嗎？按道理該有点壓力吧？！响屋企就難講............ 我覺得嬲可以ignore, 大喊大叫如响庢企都可以 ignore, 但都要用讚.......... 用番佢啱聽嘅說話嚟讚; 而佢肯聽你講, 你用乜嘢方式解說？假設呢樣係你唔想佢做/有嘅行為, 一般淨講係冇乜用, 讚+ ignore+ 罸係走唔甩, 但如果佢對所有人都係咁, 咁都有d 係性格............. 屋企有冇人係咁？或者有少少係咁而佢「發揚光大」？係就更難搞 ............ 如找到 EQ班, 就及早去上啦！

私人傳訊