Dear all,
終於有時間上黎say hi 喇 !
擒晚成點先番到屋企,執埋行李梳洗完3點零先撻落床,今朝一早就要起身忙於到男女家團拜.
今次都玩得幾開心,有d關於言語不通既攪笑事可同大家分享,當然都係發生喺沖繩,當大家都係英文半桶水既時候.
首先第一晚去到那霸市間酒店,我地dinner完番到去,都有成11 點,梳洗完發覺間房好似無冷氣,打去front desk 想佢地搵人黎睇下個冷氣,等左成半個鐘都無人黎,嗰時d小朋友又開始眼瞓,諗住瞓下都唔會熱,就由得佢,費時再call人黎喇,點知d 細路就瞓到ku ku聲,我就轉黎轉去半睡半醒中,66就直情瞓唔到,打開雪櫃黎降溫,捱到3點真係瞓唔到,再打去front desk up左一大輪,佢又叫我地等等,又等多10分鐘,又打去問多次究竟而家轉唔轉房,佢又叫我等,過左幾分鐘,門鐘嚮起,個front desk 職員居然推左個行李架黎話轉房
大佬,俾個電話通知聲都好呀,攪到我地9秒9執野轉房. 好在upgrade轉左間行政套房俾我地,d 沐浴lotion 仲係成set 飛甩雞毛,整醒左對仔女,又見間房靚左咁多, 一輪大執位興奮完都成4點幾先瞓得番.
另一單就係66 俾當地警方捉到揸快車,其實佢揸得唔算快,係當地d高速公路都係行70 jet,俾佢地截車泊埋一邊準備票控時,又係指手劃腳up一大餐,加埋身體語言,對方又要即場call 上司,搵到個英文好 dd 既黎溝通下,就只係警告下就算,唔出傳票放我地走.
其實今次揸車環島遊都算好好玩,去既地點又多又舒服,同埋d天氣加海景都好靚,值得再去多次.
最可惜行程既第2天,唔知係食左麻辣火鍋定係用左隻敏感既面膜既關係,阿陳生又黎左搵我呀,攪到映d相都好樣衰呀.
[img align=right]http://i116.photobucket.com/albums/o21/keiyan76/CEO.gif[/img]
發表於 
返回列表
