夫婦情感 今日: 0|主題: 42752

jessica2004 寫道:
我同老公就相反,屋企家頭細務都係佢做晒,收工返來仲要買埋餸煮俾我食,食完碗都係佢洗,跟住兩個一起餵個囝囝食米糊,幫囝囝沖涼都係佢,我只係間中有需要時幫下手,可能我懶慣左啦,有時佢都會有的微言,我詐下佢型,佢又會氹返我,又無事啦,其實有時個心都想幫輕下佢架,但見佢又做得好好地,我又會算數啦,我唔係想晒命,只係想提一提你地,試下你又咩都唔做,睇下個老公會唔會幫手做囉,因為我自己都會咁諗架,如果佢唔做的話,我先至會出手做野囉.........

總之，開心過生活就是了，今天吵得更大，明天想想其實只是小事，何必辛苦自己！

雲的孩子都在跳舞 寫道:
我覺得兩睇，好多女人未嫁之前都做過野，除非係唔用腦唔去記野既，如果唔係都一定知道對方既感受。

我覺得出唔出黎做野都好，都要無時無刻有自省能力，唔好諗住在家做主婦就企哂自己角度諗野，肯幫對方諗野既人，無論對住咩關係都應付到，唔一定要係一直工作住先了解老公既感受既！ agree

不過，做家務呢樣野嘛！我已經睇到好開架啦，同老公為左家務而嘈差不多是０，我要湊仔有時又會接下 job 仔回來做，因為已經好了解我老公係唔會做，所以亦唔要求，做家務又唔使好似番放工打咭咁既，重要既每日要做既咪準時做囉，唔重要既咪慢慢磨囉，一日流流長，睇下自己點分配既o者。 同我既作風一樣：做家務又唔使好似番放工打咭咁既，重要既每日要做既咪準時做囉，唔重要既咪慢慢磨囉，一日流流長，睇下自己點分配既o者。了解老公係唔會做，所以亦唔要求。

我覺得做唔做家務有時唔係睇實質工作，而係心態，女人通常都係因為唔甘心對方唔做而嬲，並唔係因為做唔哂ｄ野而嬲，不過要學習過呢個關口都唔係易事，唯有同自己講「佢樣樣都好，係唔做家務而已」，慢慢地你就唔會再期望佢幫你手，繼而就唔會失望，咁你地亦唔會為呢ｄ小事而嬲，咁你咪已經過左呢個關口囉！可能你覺得我咁做好 on 居，但是人生又唔係只在於家務，將ｄ唔如意既事放大又改變唔到，只會令自己辛苦，但換轉黎諗，你將ｄ唔如意事當睇佢唔到，咁夫婦感情都會好ｄ啦，感情好勝過生氣或吵架贏對方啦！ agree - 將ｄ唔如意既事放大又改變唔到，只會令自己辛苦

我都知夫婦之間其實係互相訓練，邊個係懶ｄ果個另外一個就會抵唔住頸，但我更唔鍾意呢ｄ訓練，所以就算人地話我蠢女人乜都做哂養懶個老公就由得人講，起碼我們的家庭不會吵架，但是要互相訓練的夫婦卻經常為小事唔開心，體力上的辛苦和心靈上的辛苦係睇你點取捨架咋！

雲的孩子都在跳舞 寫道:
總之，開心過生活就是了，今天吵得更大，明天想想其實只是小事，何必辛苦自己！