吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 親子旅遊› 請問有冇人剛從印度旅遊回來?

親子旅遊今日: 4|主題: 161742

收藏本版

發帖

返回列表

跳至頁

樓主: Choco_Milk

請問有冇人剛從印度旅遊回來? [複製鏈接]

Isaac_Ma

大宅

積分: 3465

21^#

發表於 07-1-30 00:58 |只看該作者

Re: 請問有冇人剛從印度旅遊回來?

我多年前曾到過Kashmir，但因為當地局勢時常不穩，上機前的保安檢查非常麻煩。
我當日上機前（由進入機場至登機）被搜隨身行理（寄倉的不計，因為一入機場已送進行理車去寄倉），其實只有一件外套、相機、證件等貴重野，合共７次，另搜身６次（放心男搜男、女搜女，無洩底

）
我重因為該次行程第一次係機場食飛機餐。
話說當日坐早上９點幾１０點機，梗係食完早餐就出發去機場，比人搜完一輪去到一個好簡陋的候機室，就有人派飛機餐，咁無耐之前先食完早餐，梗係食唔落，咪一心唸住帶上機慢慢食，還樹無埋好做（mud鬼都寄唒倉）。
最可愛的來了，當步出候機室的時候，係門口有個筒，原本唔知有mud用，原來係用黎裝住D飛機餐，無論食過、未食過，一律 --- 丟
終於我坐的飛機原本中午已到 New Delhi，但因天氣問題（唔係New Delhi天氣唔好，只係中途站Jammu有風暴，New Delhi不知幾好天)，飛到一半去到Jammu試圖降落２次都唔成功（重要其有一次距離地面唔會超過１５米）之後竟然唔係放棄Jammu呢個站，而係折返Kashmir。
折返Kashmir做mud？一個字 -- 等。
終於等到3點幾都重未有聲氣再飛，個肚'估估'聲，空姐話飛機餐已經係候機室派左，飛機上無食物，只有每人一小杯清水，如果要落機搵野食上返機的時候要重新比人搜過，在全機人’估嘈’的情況底下空姐搵到每人一塊餅，又繼續等，到差唔多６點飛機再起飛，原本中午可到的目的地終於係晚上８點幾９點先到。
雖然有咁既經歷，但我仍會推薦你去Kashmir，因為景，真的美麗，經驗真的特別，同印度其他地方的feel好唔同

私人傳訊

Choco_Milk

大宅

積分: 1662

22^#

發表於 07-1-31 11:57 |只看該作者

Re: 請問有冇人剛從印度旅遊回來?

strayteddy,

Oh~ 唔係呀?! 隨處小便? 咁咪即係同大陸差唔多? 好核突呀!!! 死屍? 點解會有死屍架? 好恐怖呀~!

講開呃錢, 你覺得同街邊檔 d 小販講價時應該講幾多個 % 好呢?

Thanks!

私人傳訊

Choco_Milk

大宅

積分: 1662

23^#

發表於 07-1-31 11:59 |只看該作者

Re: 請問有冇人剛從印度旅遊回來?

Isaac_Ma,

嘩~! 要搜 6-7 次身呀? 咁咪要等好耐囉?!

但我唔明點解要o係候機室派飛機餐喎

, 你事後有冇問人呀?

係呀! 我之所以想去印度, 都係因為想去 Kashmir 咋, 我都相信一定會好靚, 但我 check 番先知原來當地宜家仲有雪, 冇花開, 我最想係去睇佢個 “花之牧場”呀, 但宜家睇唔倒喇 :cry: , 都係一時衝動, 應該遲多幾個月先去。

私人傳訊

strayteddy

大宅

積分: 2767

24^#

發表於 07-1-31 13:22 |只看該作者

Re: 請問有冇人剛從印度旅遊回來?

Choco_Milk,

你跟團應該唔會見到果D恐怖野。機場出境人人都要搜身架，唔係有懷疑先搜。

我係Taj Mahal外面d紀念品店買Taj Mahal miniature，佢地開價US$40，討價還價左半個鐘，最後成交係US$2，如果我地唔怕煩，堅持落去，相信只需US$1。

印度有d官方商場，其實係一個個檔口集中一齊，呢d檔口通常開價合理少少，我試過只減到20%左右。

而家去都好架，只係Kashmir涷，其他地方就舒服d，遲幾個月會好熱好辛苦，衛生更差。

係候機室派飛機餐會唔會係因為飛機無廚房，d飛機餐係機場即煮呢？我搭長途火車，其中一卡係廚房，好多人係度煮飯，一煮完就派俾乘客，送到我地手上時重好熱架。