睇下係邊個器官，有D癌症比較惡化得慢，有D比較急，前期後期都會有不同，家族中有幾個癌症康復者，我媽咪廿年前大腸癌，當時醫生疏忽，延誤咗成年，好彩有醫院做嘅朋友幫手搵醫生排到快期，手術後好好彩唔駛化療，之後傷口有試過發炎，當時我朋友媽咪都試過腸癌，所以佢千叮萬囑唔好食補品，食得清淡夠營養就得，我媽咪已經好返廿年。
另外老公個表哥前列腺癌四期，佢喺大學做教授，有成個大學醫院團隊醫佢，前前後後冇8年都有7年，上年惡化，好似係轉移去到其他器官，不過佢話最緊要有信心，保持好心情，期間一直都有返工教書，表哥媽媽係肝癌走嘅，爸爸就糖尿加唔知咩癌，但都係知道有病後十幾年先至走。
最緊要問多一兩個醫生意見，尊重病人意願，我地旁邊嘅人最重要支持同陪伴。
花旗太太生活在花旗國，留意時差，你問我未必即時答到。
發表於 
返回列表
