吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 興趣嗜好› 鍾意印度文化嘅請進 update 7/6

興趣嗜好今日: 1|主題: 124507

收藏本版

發帖

返回列表

跳至頁

樓主: molasses

30 313233 34...38

積分: 25627

621^#

發表於 15-6-11 21:28 |只看該作者

引用：其實啲印度服，香港邊度有得賣？我見近期有

原帖由 小華子 於 15-06-11 發表
其實啲印度服，香港邊度有得賣？我見近期有間香港夫婦賣的印度服好靚，但又唔多似係印度款

...

你見間鋪喺邊㗎？好可能係入泰國貨為主，夾幾件印度服。真係印度衫要喺重慶大廈或美麗都大廈或者寶靈商場，廟街都有兩三間，因為印度衫好數係度身造，有啲尼泊爾人開嘅鋪會有長裙或褲款，但都係印度衫嚟嘅。

私人傳訊

aleung08

大宅

積分: 1233

622^#

發表於 15-6-11 23:13 |只看該作者

引用：Quote:原帖由 Sandytsy 於 15-06-10 發表回

原帖由 molasses 於 15-06-11 發表
希望其他印度太太睇到呢個post入嚟傾過節，因為印度過節好得意，唔同嘅屋企會有啲唔同嘅習俗。

...

我諗起我第一次係老公屋企慶祝dawil 時，乜咁似我哋中秋加農曆新年

私人傳訊

aleung08

大宅

積分: 1233

623^#

發表於 15-6-11 23:38 |只看該作者

引用：Quote:原帖由 sasasasa 於 15-03-16 發表我

原帖由 molasses 於 15-03-16 發表
我淨係好記得你冇6299好free

我老公一星期有兩日食素咋，有啲大時大節食素，要一早沖好涼拜完神先 ...

你老公同我老公一樣，都係一星期要兩日食素，但奶奶同姑仔一年365日都係食素。
個時佢地要求我信印度教同唔食肉，肉都仲可以食少啲，但信教問題就真係唔得，有次去跑馬地間廟，我老公個細表妹(9歲)，佢要我一定要跪去拜

私人傳訊

molasses

公爵府

積分: 25627

624^#

發表於 15-6-12 01:07 |只看該作者

引用：Quote:原帖由 molasses 於 15-06-11 發表希

原帖由 aleung08 於 15-06-11 發表
我諗起我第一次係老公屋企慶祝dawil 時，乜咁似我哋中秋加農曆新年

...

死火，我仲未講個印度姑9結婚故事你聽，等一等，我好快會講，喺度講，順便俾有興趣嘅人知

私人傳訊

aleung08

大宅

積分: 1233

625^#

發表於 15-6-12 02:59 |只看該作者

引用：Quote:原帖由 aleung08 於 15-06-11 發表我

原帖由 molasses 於 15-06-12 發表
死火，我仲未講個印度姑9結婚故事你聽，等一等，我好快會講，喺度講，順便俾有興趣嘅人知

...

冇問題啦…我等你

私人傳訊

ariariel

男爵府

積分: 5069

626^#

發表於 15-6-13 03:03 |只看該作者

回覆：鍾意印度文化嘅請進 update 7/6

我做空姐，有時會特登 swap 印度機做，因為有時會掛住酒店個 butter chicken 同埋 garlic naan

仲會外賣啲 naan 返嚟香港

喺 Delhi Bombay Hyderabad 都有出去，但唔敢去得遠因為驚危險

最記得上次喺 Hyderabad 去咗個城堡食 afternoon tea，嗰度好靚，之後仲去咗買珍珠

我唔太抗拒做印度機，但唔好介意我問少少問題

點解次次好多印度人嘅機例如 San Francisco or Vancouver，佢哋個個都訂哂 Indian vegetarian meal，有啲仲係 Jain meal，但十個有五六個上到嚟見 normal meal menu 有雞都會立即轉軚要食雞

但因為佢哋已經訂咗餐，冇 extra 雞可以比佢哋，咁佢哋就會發脾氣，仲話自己係 chickentarian

乜佢哋唔係宗教原因要食素㗎咩？點解可以食雞嘅？其他肉佢哋冇嘢，但唔知點解對雞有獨特情意結

私人傳訊

小華子

公爵府

積分: 28866

627^#

發表於 15-6-13 11:02 |只看該作者

引用：Quote:原帖由+小華子+於+15-06-11+發表其實

原帖由 molasses 於 15-06-11 發表
你見間鋪喺邊㗎？好可能係入泰國貨為主，夾幾件印度服。真係印度衫要喺重慶大廈或美麗都大廈或者寶靈商場， ...

嗰間叫流蘇民族百貨，款係靚但又唔多似足印度款

私人傳訊

molasses

公爵府

積分: 25627

628^#

發表於 15-6-13 13:33 |只看該作者

引用：Quote:原帖由 molasses 於 15-06-11 發表希

原帖由 aleung08 於 15-06-11 發表
我諗起我第一次係老公屋企慶祝dawil 時，乜咁似我哋中秋加農曆新年

...

又講下呢個節先，歡迎其他印度太太開心Share!

Diwali，新度人視佢如新年，係一個好大好重要嘅節日。咁首先要講埋Dussehra，係慶祝Lord Rama打敗十個頭嘅惡魔Ravana嘅一個節日，就好似Holi有part洪永城挖坑燒魔女咁，Dussehra都有燒紙紮魔頭嘅一part。

而黑暗完結光明來臨，所以伴隨就到Diwali，節日中會點好多油燈，開晒屋企啲燈，有好多屋企甚至會用燈裝飾自己屋企門外，就好似我哋聖誕新年維港兩岸啲燈飾，咁當然規模細啲，所以又叫排燈節。節日少不了點爉燭油燈，重頭戲係夜晚放煙花煙火。

第一次喺印度慶祝Diwali，好難忘。係結婚嗰段時間，我父母同朋友都覺得好特別好好玩好盡興。節日前街上面已經洋溢住濃濃嘅過節味，商鋪全部都將慶祝Diwali嘅用品擺晒出門口街邊，有好多類似我哋揮春嘅掛飾擺賣，唔同嘅神衹唔同嘅祝福語任君選擇，口門用嘅掛飾燈飾，林林總總嘅煙火響炮，大人細路都買得好開心，我記得當時我叔仔係成箱咁買。而電視邊個台都有Happy Diwali嘅標句keep住出現，電視劇都會加插慶祝Diwali嘅情節，總之你會覺得成個印度都處於過節嘅氣氛中。到當日一早已經聽到街上一句句Happy Diwali傳嚟，好多廟或街坊組織搞嘅食宴，甚至有人租大車沿途派食物、水、奶等等，廟宇都塞滿人。到夜晚就到戲肉放煙花煙火，印度多數係平房，咁啲人就會上天台放，你放眼遠處都不時有人放上天，又或者人人揸住煙火玩。我記得我仲一心諗住同新婚老公好浪漫咁睇漫天嘅煙花，但原來係冇浪漫嘅成份，人人都係狂喜狀態囉

私人傳訊

molasses

公爵府

積分: 25627

629^#

發表於 15-6-13 13:40 |只看該作者

引用：Quote:原帖由 molasses 於 15-03-16 發表我

原帖由 aleung08 於 15-06-11 發表
你老公同我老公一樣，都係一星期要兩日食素，但奶奶同姑仔一年365日都係食素。
個時佢地要求我信印度教同唔 ...

你老公星期幾食？原來每個屋企都有拜唔同主神，所以幾乎日日都可以係守齋日。同埋每個家庭規矩都唔一樣，濕婆神講過，每一個儀式佢都鍾意，每一個儀式都係正統，只要拜佢嘅人個心係純淨，明白佢嘅意旨跟佢做，心存大愛，就唔需要受任何敬拜儀式規限。我細個就因緣際會信咗，咁我一直有我自己一套方法去敬拜神，直到結咗婚，老公屋企又有一套，返咗香港後我同老公講佢有佢拜我有我拜

唔好同我講絕對邊樣啱！