本帖最後由 rose-mag 於 17-4-25 21:04 編輯
worthy 發表於 17-4-25 16:47 
回覆 alady 的帖子
唔係唔俾佢識朋友.
你最大問題係你覺得係有問題就係有問題，即使係冇問題，都因為你覺得有就係有，人地話冇都係呃你，唔合理，你唔信。我可以話你知，我以前單身係星期一至星期日都可以約朋友去街，完全冇問題，因為屋企冇要我照顧嘅仔女，冇一個等我返去而我又掛住嘅老公，咁你老公點解會任何日子都約人或者有人約，一係阿伯同朋友都係一樣冇人等返屋企，一係就係阿伯唔care屋企有人等佢返去，亦都唔掛住屋企等佢返去哦果個老婆。。。
你話阿伯衰？係架，冇人話唔係。你話佢冇分寸？係呀，佢係冇，問題係佢都唔理你感受，唔覺得要有分寸嘅必要。至於責任喺邊個度？阿伯有，你都有，邊個多D？邊個少D？邊個係始作俑者？邊個係被動？已經唔重要啦，俾你打爛沙盤問到篤，知道晒來龍去脈又點？而家唔係睇TBB嘅爛劇，你知道晒邊個係凶手，邊個落毒，邊個死蠢，真實世界上有好多嘢永遠唔會有人知真相，知道晒真相又點？有時真相係你未必可以承受得到。就算而家俾你好似追劇咁由頭煲到落尾大結局果集，咁大結局之後你又打算點？一杯水半空半滿，只係一念之差，我都loop咗九萬幾次，係自己決定自己要開心定唔開心，要帶住怨恨過定退一步海闊天空，冇人幫到你揀，咁多人教路你都唔聽，明知係掘頭巷，你係都要行入去，明明冇路，叫你行番轉頭，你就停喺度自己呃自己。
我地呢度冇人係你老公，點鬼知佢諗咩，個個都係估估下，你要求証只能問阿伯，唔問就俾錢請私家偵探查佢，不過要知後果係咩，行到呢一步多數都係為離婚時爭多D嘢，但如果係唔離婚的話，知太多唔係一件好事，如果以為搵到阿伯痛腳就可以控制到佢聽你話，你就最好慳番D錢，我批阿伯係唔會理你，佢只要避開你唔返屋企，你點嘈點發難對於佢嚟講根本不痕不癢。
花旗太太生活在花旗國，留意時差，你問我未必即時答到。
發表於 
返回列表
