一直唔敢入來, 直至昨日睇完, 搵返呢個帖來睇. 好多人覺得今集悶, 冇笑位. 如果純粹想好似以前3集咁, 想搵笑位笑一大餐然後離開戲院, 真係會幾失望. 不過彼思又豈致於此? 我個人覺得, 今集想告訴大家的訊息, 是"不要忘記自己真正的價值". 一直以來, 反斗奇兵強調的是, 玩具的神聖任務, 就係陪伴人類. 成為人類的玩伴, 是玩具唯一存在的目的. 沒有了主人, 玩具就什麼都不是, 於是出現了性格扭曲的"盧騷", 同千方百計想得到人類寵愛的 "加比".
小叉的出現, 起初不斷說自己"我係垃圾". 的確小叉身上全是無用的物料, 給丟在垃圾桶裡. 直至寶妮出現. 不要忘記, 垃圾成為垃圾之前, 都曾經有它的價值. 寶妮將"垃圾"重身賦予生命, 於是, 垃圾就成為了寶妮的"玩具". 誰說, 一定要購自玩具店, 給裝在靚靚的包裝盒裡才是玩具?
玩具vs垃圾, 在乎人類一念之差, 像 "加比", 換了發聲器又如何? 終極想得到夏夢妮的垂青, 可最終卻被掉進箱裡. "加比"再一次感受被唾棄的滋味.
牧羊女呢, 從外表弱不禁風(起碼胡廸是這樣想)放在房間, 到成為"走失玩具", 可以見到她成長, 變得堅強. 沒有因為被人類遺棄而抱怨,甚至成魔. 她的斷臂, 亦暗示雖然外表有缺憾但都不能阻止她內心的強大.
天下無不散之筵席, 胡廸成人之美, 將發聲器送了"加比", 亦不再固執於要陪伴在人類的身邊(不論是否寶妮)才是玩具生存的唯一價值.
自我肯定, 我的價值, 不為別人, 只在自己.
共勉之
從天空到大地, 心臟在持續著令人眩暈的擺動, 那是初戀