夫婦情感

跳至

首頁
34567...8

尾頁
   2


大宅

積分: 3550


81#
發表於 06-10-18 12:10 |只看該作者

Re: 我發現老公有外遇了

Jin太太,
知道你仍未得到家人的諒解,更會感到無助。但記住bk有好多人支持你架...加油!

中國人總認為:「家醜不出外傳」,但你現在的情況真的十分複雜,很難自己去處理啊...因為牽涉了3個大人,2個小朋友及2個小生命的事呢! 該怎樣處理呢?

如果選擇離婚,你有心理準備嗎? 幸好知道你的經濟情況不是太拮据,起碼有層樓(check真有無負資產先, ok?) 另外,也應該通知娘家了,始終血濃於水,他們當日也是為你著想,才不贊成你們結婚,現在雖然好像應驗了,但他們不會厭棄你的,相反他們應該會更愛惜你啊! 就算他們真的不諒解你,你總算交代清楚,免得他日c6和他們仍有什麼糾纏嘛!

至於實際離婚程序如何? 告佢通姦? 和平協議? 就好睇你的性格了,想來個絕地返撃,以後無朋友做、不再見面嗎? 咁兒女又點呢? 從此不再見爸爸了? 雖則是爸爸做錯,但小朋友唔會明,總會想念爸爸的,而且你也要想想怎樣向小朋友交代啊!

另外,有些方案是「敵不動,我不動」。你的精神狀態又能否支持呢? 無了期的折磨,很痛苦。其間要面對他一次又一次的無恥,更需要勇氣和忍耐。

講真,現在怎樣決定都會很痛,但你得的,行完一步再一步啦...終可以走出谷底,看見美麗的人生的,兒女就是你最好的禮物了。


子爵府

積分: 11688


82#
發表於 06-10-18 17:03 |只看該作者

Re: 我發現老公有外遇了

咪食壞 d 魚呀!!!! 鞭完屍跟住燒左佢算啦

bonbonbonbon 寫道:
死不悔改,鞭完屍再斬件掉落鹹水海餵魚啦!!


大宅

積分: 3761


83#
發表於 06-10-18 22:47 |只看該作者

Re: 我發現老公有外遇了

最緊要先保重身體....
盡量想辦法讓自己放鬆,
因為你個寶貝bb仲係你個肚度呀...
加油呀﹗

切記保重身體﹗
誰會直率地說出所認識的真實?有所認識的少數人,愚蠢地不隱蔽自己充實的心,向愚民們說明他們的感情和見識,他們總是被人磔死或燒死。 歌德 <<浮士德>>入來做下test,不同的人對事情有不同的看法和感受﹗


子爵府

積分: 14859


84#
發表於 06-10-21 17:22 |只看該作者

Re: 我發現老公有外遇了

吾好忍,決定權在你手,我知道男人最鍾意拖拖拉拉,一日吾見棺材吾流眼淚,你起碼都要比個signal佢,有個女人就一定吾會有你,仲有你而家一定要盡量攞晒佢d錢然後就搬(兩個小朋友交99照顧住先),吾好比佢知你會點做,你一定要佢証明比你睇同個女人散咗先有得傾,堅強d,你咁年輕,吾好為d賤人傷心,佢哋一定會有報應!


別墅

積分: 982


85#
發表於 06-10-21 18:20 |只看該作者

Re: 我發現老公有外遇了


呢d男人唔死都無用啦~~~


男爵府

積分: 7428


86#
發表於 06-10-21 23:49 |只看該作者

Re: 我發現老公有外遇了

作為一個女人/如果我係你, 我會即刻叫佢去死, 仲要有咁遠死咁遠!

Jin太太 寫道:
今日我諗住坐低好好咁樣同佢傾下計
佢同我講只不過同個女人玩下,冇諗過會咁
叫我俾d時間佢解決問題,應該支持佢
我當時發晒脾氣講:
"你有冇諗過我?你就咁毀左我一世,我得廿四歲咋"
"我做錯d咩?點解要咁對我?你唔諗下我都諗下d細路丫"
佢講左一句"男人天生就係咁,咁你依家係咪後悔嫁左比我?"
我無出聲....佢就咁出左口到依家未返屋企


大宅

積分: 2884


87#
發表於 06-10-22 00:22 |只看該作者

Re: 我發現老公有外遇了

終於開口說要離婚了,說要給那個女人一個名份
他說我已經沒有以前咁靚,感覺像一個師奶
對我已經沒有愛了.....

我做了一個很壞的決定,還是把那孩子打掉吧


複式洋房

積分: 225


88#
發表於 06-10-22 01:35 |只看該作者

Re: 我發現老公有外遇了

Jin太太,

我替你的心很痛很痛很痛,你跟我一樣,錯不在於自已,還要等佢作決定,但你真的還好,24歲,我已33啦,跟他已十一年,婚後七、八年至生bb,結果…
你的肚4.5個月還可以打掉嗎?我完全明白真係唔想bb無爸爸,我同我老公都係係單親家庭長大,我都唔明佢點解連個女都要咁,呢樣係我最心痛架。
努力啦!小心解決而家眼前的問題。 :-( :-(
CatCat


大宅

積分: 1979


89#
發表於 06-10-22 01:53 |只看該作者

Re: 我發現老公有外遇了

唔好唔要個 bb 啦,好慘 ga 佢... :-(


洋房

積分: 89


90#
發表於 06-10-22 02:01 |只看該作者

Re: 我發現老公有外遇了

我都好心痛呀!唔開心上


大宅

積分: 1153


91#
發表於 06-10-22 03:18 |只看該作者

我發現老公有外遇了

"他說我已經沒有以前咁靚,感覺像一個師奶"
你不需太介壞這說話, 呢D賤男要離婚時乜都講得出口.


你現在還可墮胎 ? 應該已經超過3個月危險性很高. 我不敢叫你不好這樣做, 因再生多一個又要面對初生時的情形你會有千斤重的壓力. 你不防與醫生真正商討.

是否已和自己父母提及此事, 你不用再驚他們不接受怎樣那樣, 你現在很需要他們的幫助

你又讀到書又後生, 好好地過自己的生活, 搞清楚與他的事情, 將小朋友交比父母/工人照顧, 再重投你的大學生活, 當你畢業時30歲都未夠, 大把光陰

再糾纏下去... 你... 小朋友也很痛苦..... 活得比他好


男爵府

積分: 7645


92#
發表於 06-10-22 04:52 |只看該作者

Re: 我發現老公有外遇了


點解會有d咁衰既男人ga!!!!
一d悔意都無?!!!!!!
要俾個名份佢???咁既說話都講得出???
係咪人黎ga?????

要個bb,生左出黎日後仲辛苦條路仲難行
但係唔要個bb,個bb好慘,佢係無辜ga
我唔識點教你
希望你小心自己身體
有咩事再上黎講下啦
li度有好多mami都會幫你ga


別墅

積分: 552


93#
發表於 06-10-22 06:34 |只看該作者

Re: 我發現老公有外遇了

我真係為你難過 :-(
不過你一定要震作呀 !! 無論點 依到 都會有好多朋友支持你架


子爵府

積分: 14859


94#
發表於 06-10-22 17:45 |只看該作者

Re: 我發現老公有外遇了

Jin太太,
我真的衷心希望你能夠過這關,是很難的,但一定要過,堅強一點,無論你做什麼,我一定會支持你!快點找社工,他們可以開解你和恊助你安排日後的生活.
不要再知道他的一切和那個賤女人的事了,知少一點,會忘記得快d,照顧好仔仔和自己身體,係時候要對他家人講了!
保重!


大宅

積分: 2884


95#
發表於 06-10-22 23:09 |只看該作者

Re: 我發現老公有外遇了

我完完全全的崩潰了...眼淚已經不懂流出來
為了他我放棄了許多東西,放棄了讀大學
放棄做醫生的理想,放棄同家人移民到英國
我不想埋怨他,因為當初是自己選擇的
我已經不再是青春少艾,是兩個孩子的媽媽
每一次出街別人都盯著我看,在我背後說三倒四
說我這麼後生就生孩子,一定是個壞女孩
我從來都不介意,因為我覺得自己嫁得很幸福
他說想有一個幸福家庭,所以當我十八歲立即嫁給他
我真的不知道做錯了什麼,為什麼係要這樣子對我?
愛情真的是盲目,當初每一個人都說他不是,叫我不要嫁給他
因為他只是鍾意我外表,到現在我老,他就不要我了
真的很愛他,不知道自己愛他什麼,不是愛他的外表同錢
今天他回來通知我要到律師樓簽名,還有交待事情
他說會給我一筆錢,還有物業...當一個賠償
我要的不是這些,是一個美滿的家庭
謝謝你給我這個傷害,我真的後悔了







別墅

積分: 551


96#
發表於 06-10-22 23:19 |只看該作者

Re: 我發現老公有外遇了

拖住有兩個細路失婚, 係今時今日絶對唔係世界末日. 如果你係讀書料子, 可以邊工作邊讀書. 好多女人有一頭家都係咁啦. 而家只不過係你的少奶奶夢被迫夢醒啫. 佢俾野你, 你千祈唔好有型到唔要喎, 有錢有樓渣手, 俾乜都實際, 尤其對比起你個人渣老公, 更加死左唔使恨.第時都唔使俾仔女見佢, 直頭當佢死左啦, 俾佢地知佢有個咁既老豆盞佢自卑.


大宅

積分: 2884


97#
發表於 06-10-22 23:23 |只看該作者

Re: 我發現老公有外遇了

他要同我爭兩個孩子的撫養權
如果我唔告佢通姦,我的贏數很低
因為我沒有職業,但我又不想做到那麼絕


大宅

積分: 2049


98#
發表於 06-10-22 23:25 |只看該作者

Re: 我發現老公有外遇了

;;;;; 寫道:
快D叫佢去死吧!


大宅

積分: 2711


99#
發表於 06-10-22 23:34 |只看該作者

Re: 我發現老公有外遇了

Jin太太 寫道:
他要同我爭兩個孩子的撫養權
如果我唔告佢通姦,我的贏數很低
因為我沒有職業,但我又不想做到那麼絕

你唔想做到咁絕?!咁佢呢?


複式洋房

積分: 379


100#
發表於 06-10-22 23:46 |只看該作者

Re: 我發現老公有外遇了

呢d男人唔死都是無用的,同佢離婚啦!最好同佢分身家啦!攞佢一笔先走啦!呢d是妳應得!唔使客氣啊!妳唔好因為佢而自暴自氣的,妳要活的俾佢好!等佢覺得同妳離婚是佢的損失!唔好咁傷心啦!

首頁
34567...8

尾頁

跳至
Presslogic Logo
Baby Kingdom Logo