myapple 寫道:
今日去左廣華醫院產前診斷中心 (北翼10樓) 照結構性超聲波, 跟住做埋抽羊水。 全程都係由高級醫生劉偉霖做既。 佢好好人丫, 一開始又問我食左早餐未, 係咪好緊張, 又叫我唔洗驚!
照既時候, 劉醫生話個位好好, 跟住就換左第2個scanner 照心臟先, 然後有個廿零歲男仔走左入黎, 猛話唔好意思遲左黎, 原來係實習醫生, 佢只係著藍色制服, 無著醫生袍 (唔知係咪咁既原因, 我見房門出邊貼左2個醫生名)。 大概照左20分鐘左右, 劉醫生都係到講解比個實習醫生聽, 當然有d我都唔明佢地講乜, 仲有有d器官位其實我自己都唔識睇, 總之BB大致正常。 劉醫生亦好主動問我想唔想知仔定女, 我因之前o係私家照過一次, 話好大機會係女, 就沖口而出話係咪女呀, 佢就話你照過喇, 你都知咯, 又問我之前睇邊個私家, 我話姓曾架, 佢就即係問係咪曾祥風呀 (好勁呀!) 照到大半part 既時候, 又有個著住袍既女實習醫生入黎 (我估), 同劉醫生講左幾句, 好似係想o係到觀察學野, 但劉醫生同佢講, 今日assign 左XXX 黎 (指男實習醫生), 跟住個女實習醫生就走左lu.
之後做抽羊水, 基本上都唔痛, 比起抽血仲輕微感覺添。 事前劉醫生問對碘/火酒有無敏感, 抽完又話抽番支針出黎有少少痛, 不過都唔係好覺。 好快就抽完, 但係抽左3支 (總共 21c.c.)。
雖然全程都有個男實習醫生o係到觀察學習, 不過我都唔介意, 因為只係照超聲波同抽羊水, 唔係做咩陰道檢查咁尷尬。
不過最後劉醫生同我講, 照到胎盤到有shadow (一撻白色陰影), 佢話可能我之前作過小產 (之前試過有啡色分泌), 可能係血都唔定 (唔肯定), 不過佢話慢慢會吸收番, 就算唔吸收番都應該無問題, 如果驚既可以安排遲d再照u/s check下, (唔知係咪遲d番徐展堂樓覆診會有跟進呢???) 其實我14週照私家既時候都見到, 但當時醫生無講任何野。
最後, 因14週照私家時醫生話我胎盤偏低, 到3x週唔升番上去先算 (聽人講可能要開刀生), 我就問埋劉醫生, 胎盤位置正唔正常, 佢話正常無問題, 好彩咋!
irisfung 寫道:
myapple,
恭喜你又順利做完照結構同抽羊水，幾時有抽羊水報告呀？到時記得話我地知喎！
你重會唔會喺私家照結構(4D)呢？我4/4 都去廣華照結構呀！想問吓成個過程(連等候時間)需要幾耐？因為我要攞假。Thanks.
發表於 
, 真係想問佢地識唔識字
返回列表
