大仔大女媽媽會今日: 0|主題: 177860

收藏本版

發帖

返回列表

跳至頁

查看: 959 | 回覆: 4

[2007年] 遲來的生產分享

lokjudy

男爵府

積分: 6174

發表於 07-5-26 18:31 |顯示全部帖子

遲來的生產分享

於5月13日母親節早上，昨晚整晚心緒不靈睡得不是太好，一早6時多個肚有少少唔舒服去大大，但去完無耐都係不太舒服，於8時多去多一次，之後個肚都係痛痛地，叫醒老公話比佢聽，佢話可能昨晚餐飯啲嘢唔太啱食搞肚痛，於是我等一陣打比我註診醫生話比佢聽情況，佢建議我去醫院再作檢查，等到12時多我同老公決定搭巴士去睇急症，去到仁安醫院登記及候診，護士們叫我量血壓及問診，佢哋問我第幾週，我哋答第37週多啲，跟住佢哋好驚訝問我係唔係作動呀？我同老公被佢嚇得呆一呆，跟住我哋話唔係應該係肚疴，佢叫我哋睇住急症醫生睇下是否要上婦產科作詳細檢查，點知急症醫生照過超聲波話心跳正常，但唔肯定是否作動建議我住院一日check機及見婦產科醫生跟進，我同老公辦完入院手續後，我話依家都唔痛仲咩要入院喎，若果check完機及見醫生後沒有問題就出院啦，並將此建議同助產護士講，點知，護士幫我博機後check到每15分鐘出現多次宮縮陣痛，問我痛唔痛？我話唔痛，而且婦產科醫生嚟到check子宮度數，話你子宮已開到1度，如果你要出院今晚都要返來，我同老公都很驚訝！因為我哋連走佬袋都未攞，只係臨行時心血來潮攞咗個數碼相機走咋，護士們再幫我安排病房，因為四人房已滿要住二人房，價錢只多1仟元，於是決定住二人房啦，佢哋幫我call主診醫生。
入到病房，我同老公都好緊張，因為無諗過真係作動囉，大約5時多我主診醫生到，check子宮話已開到2度同幫我穿埋羊水，我同老公食埋晚飯，7點鐘護士幫我吊葯推生，我老公要返屋企攞嘢，但係期間度數開得快咗，護士幫我打電話推老公快啲返，於9點半到老公到步，護士將調整啲葯等產程加快，又問我痛唔痛駛唔駛打止痛針同聞笑氣，我話暫時ok唔駛住，其實由始至終都唔係太痛所以都可接受，只係護士話打止痛針可令子宮收縮情況好啲，終於到10時到打止痛針同給笑氣我需要時聞，到11點多開始大痛，護士幫我check子宮已開至7-8度要入產房，果陣時先至知咩叫痛，我係咁攞住個笑氣吸吸吸，進入咗忘我境界，迷糊中聽到醫生、護士們同老公係咁為我打氣，終於大痛咗5-6下就生咗出嚟，醫生話其實可以於母親節出世，但我唔夠力所以遲咗少少，不過只要B仔一切平安就無憾啦！

私人傳訊

Dorisdoris

大宅

積分: 2708

發表於 07-5-26 19:31 |顯示全部帖子

Re: 遲來的生產分享

恭喜恭喜?

我都驚好似你咁,太神奇!不過最緊要母子平安...
我前晚又睡得不是太好，個肚有少少唔舒服，好以搞肚痛,我都以為自己生得,但又唔sure呀!現在下面成日好痛,可能都差不多生....
我都在仁安生,四人房好似經常滿???是否好多大6人呀?妳找邊個E生呀!

祝BB快高長大,肥肥白白

私人傳訊

lokjudy

男爵府

積分: 6174

發表於 07-5-26 21:53 |顯示全部帖子

Re: 遲來的生產分享

我既預產期同你一樣架31/5，但都估唔到早咗約兩個多星期，其實我都好驚作動情況唔明顯，情況就好似我這次一樣，不過，BB好鍚我唔比我痛太耐，只係大痛咗1個鐘到就生咗。至於仁安四人房係時常滿，護士幫我搵到1個四人房床位，但隔離三個係大6人問我制唔制，其實二人房同四人房只差$1000，環境當然係好啲啦！我住果幾日啲床位都好緊張架。

仁安服務整體都好好，護士又可以解決你需要，所以你放心在這裡待產。