母乳餵哺

跳至
   128


伯爵府

積分: 18613

2019勳章 環保接龍勳章


發表於 14-1-6 11:52 |顯示全部帖子
<千其唔好放棄埋身> (幅圖打多左個'了'字... > <)

又係想寫好耐的topic, 希望幫到準媽媽, 初生bb因為食得好密, 媽媽未餵過又冇信心, 如果請的陪月都未餵過, 好容易走上左全泵呢條傻豬豬之路.

埋身同全泵, 起初全泵真係好似好d. 點解, 因為現代人乜都要有plan, 要把握一切, 再加上上一代好多都用奶粉餵, 唔識同誤解人奶, 所以會用奶粉的概念套落母乳餵哺, 根本兩者好唔同, 呢個point第時再講. 咁未餵過的陪月, 佢地餵開奶粉, 四個鐘一次, 每次幾多, 跟呢個formula bb實唔會餓親, 總之就方便佢地做野, 而你亦會覺得佢湊得好ok, 唔會係呢方面話佢, 所以好多時都見人話陪月會鼓勵佢地泵出o黎比bb食. 佢只係陪月, 陪一個月之麻, 完全唔會知你之後會陷入幾辛苦的局面. 全泵最大的好處就只係知道bb食幾多, 對於緊張型的媽媽同唔想有咩差遲比人話的陪月係好. 但係就帶左好多問題o黎, 大約有以下:

花時間:
就算你係ftm有工人, 餵同洗都唔洗自己都好, 埋身時mama可以餵bb同時親子, 但係你就只係對住個泵, 泵冇埋身咁刺激產奶, 正常的mama泵的次數仲要比埋身多先ok, 一日泵6次, 每次30分鐘, 你每日就少左180分鐘, 一星期21小時, 一個月90小時, 半年成22日, 如果以兩歲為目標, 真係唔識計. d人有時會話反正都返工, 索性全泵, 我就覺得返工更需要埋身, 而家成日講緊在職媽媽同小朋友相處要有'有質數時間', 而咁珍貴的時間竟然要用咁多去泵, 如果識埋身, 呢d時間絕對就真係有質數時間啦. 以上仲未計要洗要烚要餵的媽媽, 洗野真係好麻煩, 花幾多時間, 用呢d時間就算唔同bb玩, 打下candy crush relax 下, 奶都多d.

易塞難通:
泵較易塞, 因為冇咁清, 塞左又難通, 在職的我塞左真係好想即時返去埋多d身, 埋身之後一掃清的感覺非常良好. 塞左又痛又跌奶量又可能發燒人又忟, 連屋企人都易遭殃.

奶量難keep:
全泵追奶真係難, 除左泵密d我都諗唔到其他方法, 好多泵媽起初都好似好成功, 到六個月, 全泵媽同埋身媽的比例應該已經少左, 一歲就超明顯, 全泵可以維持到兩歲的真係好少, 個比例幅度超大. 埋身其實六個月之後真係易好多, bb隨住時間過, 大力左, 技巧好左, 同身體合拍左, 泵就永遠都一樣. 有時m呀, 病呀, 出trip之後少左, 埋身的話, 比佢食返密d, 變返feed on demand又追到, 泵就追極都差d咁.

超唔方便:
有時d post一問去街去旅行點呀, 埋身個答案都係好易, 就係用巾餵, 去足三幾個月都冇問題, 泵就麻煩好多, 要諗泵的地方, 儲備, 又要帶冰, 又要計邊餐點食, 其實泵奶真係麻煩過奶粉, 所以泵媽真係好偉大. 而家天寒地凍, 埋身抱住個小暖爐係被窩, 一邊親子一邊互相取暖. 泵就要走出去拎泵, 再凍冰冰咁痴埋個身度, 就算暱係被度泵, 泵完都要死死地氣走去仲要開雪櫃雪, 再洗泵同烚, 唔係一晚, 而係晚晚, 諗下都想喊.

水份功能消失:
泵奶冇左埋身自然設定的前後奶, 冇左當水飲的好處, 有時bb打egg, 又或者好似我細女咁, 腸胃6個月都未係好成熟, 飲水易嘔, 前奶當水真係好有用, 唔洗迫佢飲水, 水份都好足夠, 到腸胃成熟啦, 佢自然地好鍾意飲水, 因為冇被迫的不愉快經歷.

減低連繫:
其實埋身係bb同媽媽溝通的一種, 透過埋身, bb會比母體知道佢有咩需要, 身體就會造出抗體, 好神奇. 而透過bb需要的次數, 長短, 身體又要調節奶量, 有d餵一邊, 有d餵晒兩邊, 總之係每對母嬰的adjust. 我真係好想重申, mama同bb係partner, 而唔係純粹上下的關係, 我比你幾多就幾多, 你唔識, 唔好理. bb係母乳餵哺中的角色遠比我地想像的要重.

風險增加:
儲奶同熱奶都有風險, 我試過儲奶杯蓋唔實, 流到成裙都係, 8安冇左, 真係眼淚在心裡流, 間中都聽見話雪櫃門閂唔實呀, 奶袋爆左呀, 泵完唔記得放雪櫃等等, 浪費的真係用錢都補唔返, 發現o個刻個心真係走左咁, 情願自己係跌錢, 奶媽先明呢個感受. 仲有用玻璃又話痴抗體, 用膠又驚烚得多唔好, 暖奶又驚太熱殺死抗體, 半泵半埋身, 風險已經低一半.


所以, 就算mama真係好緊張, 起初一定要知道bb食幾多, 都唔好放棄埋身, 除非你只係想係咁二餵個零月就算, 想長遠餵, 埋身真係非常之重要, 唔可以話全泵係唔得, 只可以話條路辛苦好多之餘, 亦唔係bb最需要的, 用多d時間陪下bb仲好.

另外, 以上講的, 亦係反映我對泵媽的萬二分尊重, 知道有d因為各種問題, 埋唔到身都keep住全泵到自然離乳的, 全泵好辛苦, 面對好多問題, 真係要好堅持同好有毅力先可以, 我真心想比好多讚呢d媽媽.

我自己只係經歷過兩個月的全泵, 已經深明弊處, 我兩個b計餵左兩年幾, 如果係全泵, 我諗得真係放棄/ 被迫放棄左好耐, 亦冇好似而家咁enjoy. 我大女係兩個月先識得埋身的, 只要唔放棄就總有機會, bb滿月時健康院姑娘有睇過我餵, 佢話都係唔得啦, 唔洗試, 疊埋心水全泵, 不過我冇理, 冇放棄, 同第一個月一樣, 每日都試, 終於黃天不負有心人, 大女兩個月左右終於得左, 有機會可以再分享少少點練.

唔好意思, 太長啦, 最後好想講: 唔放棄就有機會, 全世界最好的泵係bb, 全世界最好的樽係mama, 天作之合o黎, 有得揀, 揀最好的比bb~


點評

TungC9    發表於 15-7-29 16:55
leaf2008    發表於 15-7-26 00:32
alisavolvo  Thank you!  發表於 14-6-22 10:51
lyanbing    發表於 14-6-20 23:00
Glad    發表於 14-6-20 18:19
BoBo1003    發表於 14-1-25 05:10
JASON1124    發表於 14-1-23 18:48
yuen_0803    發表於 14-1-20 17:18
Cutemom0808    發表於 14-1-16 17:42
mrstsang2010    發表於 14-1-13 03:09
OforOsaka  你講得好好,我頭一個星期,曾經比「好心人」勸我做泵媽,話咁樣人B都會舒服啲,不過我懶,唔想洗野泵野,所以試左一兩日都係轉返全埋身,到現在已經返工,除左返工冇得簡要泵奶,其餘時間都係全埋身。   發表於 14-1-10 00:04


別墅

積分: 683


發表於 14-1-6 12:16 |顯示全部帖子

回覆:千其唔好放棄埋身 (長氣)

謝謝你.我宜家餵了兩個幾月,因個胸成日塞同埋唔知佢飽未,奶量又跌,好失落

點評

Muggle  食卵磷脂,可幫助塞的問題架
吾知飽吾飽,就要看片濕,換片喇  發表於 14-1-7 18:40


子爵府

積分: 13550


發表於 14-1-6 12:58 |顯示全部帖子
我绝对支持埋身,但埋到變了人肉奶咀点算?

點評

alisavolvo  我都有同感,呀b六日人仔,我就覺  發表於 14-6-22 11:01


大宅

積分: 1460


發表於 14-1-6 13:01 |顯示全部帖子

回覆:草 的帖子

謝謝分享,絕對支持!





大宅

積分: 1066


發表於 14-1-6 13:24 |顯示全部帖子

回覆:千其唔好放棄埋身 (長氣)

好的分享!


複式洋房

積分: 176


發表於 14-1-6 13:47 |顯示全部帖子

回覆:千其唔好放棄埋身 (長氣)

唔明健康院的姑娘都偏向叫泵媽放棄埋身算。產假時做過白天全埋身,我返返工之後,本來頭幾晚放工都有埋身,但一日比一日差,過左1星期bb就完全唔識埋身勁喊,就咁變左全泵媽。返健康院問姑娘有冇計,佢就話驚我埋返身的話,迫我返工時間因為埋身而刺激做奶個胸會脹到好辛苦,話都係照泵算吧。




大宅

積分: 1363


發表於 14-1-6 13:47 |顯示全部帖子

回覆:千其唔好放棄埋身 (長氣)

寫咁多字又分析得咁detail,辛苦晒*草*。
我仔剛滿月,次次埋身啜唔夠十分鐘就眼瞓,整醒啜兩啖再瞓,咁我使唔使擠清嗰邊吖?我嘅電泵壞左,要用手擠,日日都係個幾鐘至兩個鐘埋身餵一次,我晚晚冇覺好瞓。下晝會瞓幾個鐘頭,姐姐用奶樽餵一次(手擠定60ml)畀仔仔,之後肚餓就叫醒我埋身餵。我係ftm兼有工人,但都覺好辛苦,就嚟頂唔順啦~~~




伯爵府

積分: 15174

2019新春慶豚圓 2019勳章


發表於 14-1-6 13:50 |顯示全部帖子


伯爵府

積分: 16795

2019新春慶豚圓 親子王國15週年勳章


發表於 14-1-6 13:51 |顯示全部帖子
支持埋身


禁止訪問

積分: 1383


發表於 14-1-6 14:18 |顯示全部帖子
提示: 作者被禁止或刪除 內容自動屏蔽


男爵府

積分: 6683


發表於 14-1-6 15:00 |顯示全部帖子

回覆:千其唔好放棄埋身 (長氣)

我仔20日大,佢頭十日已經啜爆我個nipple,迫住泵等傷囗好返再學埋身
之前係佢口了返我甩咗的皮肉,真是有血有涙

全泵隻手又要推個胸,怕塞乳線,推到手都痺
次次泵完又洗又消毒,已經想放棄N次

我傷口成個星期才埋口,想試埋身但內心好恐懼
怕又比佢咬損再啜爆




大宅

積分: 3759


發表於 14-1-6 15:03 |顯示全部帖子

回覆:千其唔好放棄埋身 (長氣)

真係講得好好!多謝這麼有心機分享!
我都成日覺得 bottle feed 即使母乳但都係冇咁度身訂造,可惜遲啲上班冇辦法




大宅

積分: 3759


發表於 14-1-6 15:09 |顯示全部帖子

引用:寫咁多字又分析得咁detail,辛苦晒*草*。我

原帖由 MyloveMyBB 於 14-01-06 發表
寫咁多字又分析得咁detail,辛苦晒*草*。
我仔剛滿月,次次埋身啜唔夠十分鐘就眼瞓,整醒啜兩啖再瞓,咁我 ...
其實可能係習慣,好似食點心餐,唔係大餐。
如果已經滿月,夠重,可以試吓跟時間表,一般可以三個鐘食一次,等佢肚餓啲嘗試食多啲!扭食可以抱一抱先,可能要狠心D,慢慢每次拖長小小時間。




伯爵府

積分: 18613

2019勳章 環保接龍勳章


發表於 14-1-6 15:17 |顯示全部帖子
回覆 964000 的帖子

只要佢一開始唔係正經食, 係梅我就唔會再比佢啜. 另外, 我自己有一個堅持, 就係唔比啜住訓, 一係食, 一訓就冇得食. 當然係退晒黃同奶量穩定之後. 起初真係要啜好密.

點評

Tiffanymc  如果他瞓緊都有食,咁俾唔俾好呢?我已經失敗,俾他有時當奶嘴啦!  發表於 14-6-21 01:39


大宅

積分: 4061

2019勳章


發表於 14-1-6 15:23 |顯示全部帖子
挺!!!!!


別墅

積分: 760


發表於 14-1-6 15:33 |顯示全部帖子

回覆:千其唔好放棄埋身 (長氣)

我就係一個反面例子
一開始就泵,可以4個鐘先食一餐,又可以睇到佢食幾多
頭幾個月d奶多到日日十幾安奶沖涼
而家突然越來越少奶,呀B又已經唔肯啜
而家唔知點好
已經4個半月,頭先俾佢啜,又係啜得一陣
唔知仲追唔追得返


別墅

積分: 760


發表於 14-1-6 15:34 |顯示全部帖子

回覆:千其唔好放棄埋身 (長氣)

如果再生,我一定埋身


大宅

積分: 2048


發表於 14-1-6 15:48 |顯示全部帖子

好想全埋身到自己戒奶,但一諗到出牙仔就


複式洋房

積分: 341


發表於 14-1-6 15:51 |顯示全部帖子

回覆:千其唔好放棄埋身 (長氣)

支持全埋身!我都全埋身餵左五個幾月!多謝你既分享!




複式洋房

積分: 186


發表於 14-1-6 16:00 |顯示全部帖子

引用:回覆+964000+的帖子只要佢一開始唔係正經食

原帖由 於 14-01-06 發表
回覆 964000 的帖子

只要佢一開始唔係正經食, 係梅我就唔會再比佢啜. 另外, 我自己有一個堅持, 就係唔比啜 ...
你bb都有黃? 我仔仔黃疸指數幾高下,唔補d奶粉怕又回升。。

點評

kenniscg  係唔會升回的, 一定會慢慢退, 只係較慢. 唔好因為咁加奶粉  發表於 14-1-23 14:30

跳至
你需要登錄後才可以回帖 登入 | 註冊