Marco-ma 寫道:
baby.baby , happy媽
我地依家係 7.40 打鐘,跟住係雨天操場度早會到8.00。
每日嘅早會除咗有d通告會宣報之外,
好多時都有小朋友上台講嘢,好似朗誦節/音樂節前,
就俾小朋友上台預演,有時就有d學會嘅哥哥姐姐
介紹嚟緊嘅活動,又或者抽d小朋友上台背嘢(有禮物收),
每月一次嘅升旗禮都係早會舉行,家長係可以每朝
企係籃球場同小朋友一齊早會嘅!
我講甘多係因為早會真係好正!
我聽咗幾年,d普通話真係好咗
(依家我唔講得都聽得明!)
上次校長同副校解釋過,早會係用嚟培養德育嘅重點項目,
但如果淨係得全日班 (一、二年級) 成8.30 先早會,
又失去咗班哥哥姐姐領導嘅作用,所以一開始佢地已經
堅持要全體一至六年級一齊早會,所以要返甘早囉!
第日有時間,你地都一齊嚟睇下,我真係覺得值得
早d返學架
係啦,baby.baby 不如你改一改個Topic 呀 ~
好似怪怪地 :lol: