薳然媽媽 寫道:
TAKTAKB,
無事無幹睇佢就ok囉, 我三年前去過睇佢一次, 入到佢診所之後就想掉頭走, 因為個診所傢俬舊到唔舊, 不過見同事話佢講野令人幾舒服, 所以就算老公話走唔好睇佢, 我都話要留低睇. 我當時有左6個星期, 佢都無幫我照, 無機會睇佢部機新唔新 (不過聽聞係唔新既), 佢只係嘻嘻哈哈話有左咩都食得, 包括魚生中藥, 咩都做得, 無咩須要小心, 確實我睇完佢之後, 個心好似好舒服. 佢跟住就好粗佬按我個肚&胸 (到依家都唔明點解???), 當天下午我就流啡了. 當時第一胎好擔心, 打比佢話佢聽, 佢話唔駛理, 自己休息吓就算, 下個月至再去腹診 (流緊啡, 仲係佢禁到我流啡架, 我點等到下個月呀?). 但情況不妙, 最終我轉了醫生, 另一個醫生好重視生命, 立即幫我照超聲波, 確定bb仲有生命 &幫我打安胎針, 比左一個星期病假我卧床.
原本介紹我睇麥大醫既同事後來有了第2胎, 但兩次都小產左, 麥大醫沒有幫佢保住個胎, 兼每次無了, 都話自然淘汰, 並沒有查證點解兩胎都無左, 到第三次又作小產了, 呢個同事轉左睇我個醫生, 醫生檢查後, 發現原來有粒熄肉, 仲立即幫同事做手術割除, 依家同事個細b都一歲了.
我另外有d同事睇過佢都話佢好粗佬. 若果以佢既儀器 & 診所環境黎衡量, 佢d診金一d都唔平, 3年前睇佢要hk$480. 但佢並唔係d咩大醫生.
再者佢以前比人告過, 因為佢話人地個bb已經無了生命, 但該名孕婦再搵第2個醫生再檢查, 發現原來仲有生命.
發表於 
返回列表
