吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 單親天地› 好唔開心...撐得好辛苦...

單親天地今日: 0|主題: 18272

收藏本版

發帖

返回列表

跳至頁

查看: 2307 | 回覆: 18

好唔開心...撐得好辛苦... [複製鏈接]

住家甜品

大宅

積分: 2794

1^#

發表於 07-6-11 12:42 |只看該作者

好唔開心...撐得好辛苦...

我喺三個月前正式離開咗前夫，
同埋個女搬咗去daddy度，
一直以黎我都表現得好堅強，
亦冇諗返以前既野，叫自己唔好唔開心，
因為仲有個女要我照顧...

但係最近個女既情緒好大問題，成日扭計，
話唔要媽咪，我好傷心呀，
我一心諗住點辛苦都養大個女，
希望可以教好佢，我真係覺得自己好冇用...
聽到個女講話唔要媽咪，個心真係好痛...
我覺得自己真係冇方法教佢喇，
又冇人可以幫到我，我可以點做?????

我唔敢同朋友呻咁多，驚佢地會怕咗我呀，
始終佢地未必會明白到我，
我而家一諗起個女話唔要媽咪，個心就實晒，
真係撐得好辛苦喇，條路仲有排行，可以點???

私人傳訊

BBChloe

子爵府

積分: 13158

2^#

發表於 07-6-11 13:17 |只看該作者

Re: 好唔開心...撐得好辛苦...

我都將要搬屋離婚, 同你差不多一樣搬去Daddy屋企, 你女有幾大呀, 我女9歲好怕她心理問題同會有所不開心, 始終地方一定細佐唔多就手.
但個女你慢慢同她傾下, 同為了什麼扭計, 有什麼不如意.

私人傳訊

iris888

複式洋房

積分: 246

3^#

發表於 07-6-11 14:28 |只看該作者

Re: 好唔開心...撐得好辛苦...

住家甜品：
唔好唔開心，小朋友唔識表達，當她唔鐘意的時候，她會好直接口快快話唔要媽咪，可能她在明天巳唔記得自己講過唔要媽咪，所以妳都唔好記住在心。如可以的話，抽多D時間同小朋友玩，佢會好開心，點會唔要媽咪呢？唔好再唔開心喇。

私人傳訊

住家甜品

大宅

積分: 2794

4^#

發表於 07-6-11 14:54 |只看該作者

Re: 好唔開心...撐得好辛苦...

我囡囡得2歲半，
以前佢都係怕daddy唔怕我，
但都會聽話，唔知係咪因為我地分開咗而影響到，
我想解釋俾佢知我地點解要同daddy分開，
但係佢始終太細，我唔知點講先可以令佢明白。

我自以為係一個好堅強既人黎，
人前人後都唔會提以前既事，
表現得我放得低好開心，但原來單親路真係唔易行，
個女真係會影響我心情，可能亦係我而令到個女咁樣，
之後我同個女講 "你話唔要媽咪，媽咪真係好唔開心呀!"
咁佢冷靜咗一陣都有氹返我，話好愛我，
但係都令我諗到好多唔開心既野，我怕我支持唔到。

真係好憎個衰人，點解要令到我地兩母女咁樣，
我好怕俾我屋企人知我唔開心，怕佢地會擔心我，
我好少同啲朋友講我既內心野，
喺呢度講咗出黎都舒服咗啲，
得到你地既回應我好開心，多謝你地呀!

私人傳訊

iris888

複式洋房

積分: 246

5^#

發表於 07-6-11 15:32 |只看該作者

Re: 好唔開心...撐得好辛苦...

住家甜品：
妳囡囡咁細，得兩歲半，好多嘢都未識表達。妳的心情會影響妳對她的說話，妳的說話語氣亦會影響妳囡囡心情。希望妳能盡快開心Ｄ，要繼續撐落去，明天會更好。相片中的女孩子是否妳囡囡，她很靚女。

私人傳訊

bread

男爵府

積分: 6914

6^#

發表於 07-6-11 16:59 |只看該作者

Re: 好唔開心...撐得好辛苦...

住家甜品：
我囡囡也是兩歲半, 不同妳是我和前夫分開時我囡囡才一歲,所以在佢印象不知爸爸應該同佢住. 這個年紀小朋友只會直接表達即時的心情,在妳囡囡話不喜歡妳時,可能當時妳正話緊或没有遷就到佢,佢只時表達當時的心情.
妳囡囡還細,好難要求佢好似成年一樣識表達.所以不要不開心.
我也覺妳囡囡很靚女. :lol:

私人傳訊

住家甜品

大宅

積分: 2794

7^#

發表於 07-6-11 17:35 |只看該作者

Re: 好唔開心...撐得好辛苦...

iris888, bread:

係呀，幅相係我個女黎既，多謝你地讚佢呀，
不過佢真係好鬼臭脾氣，我都明白佢仲好細，
可能係當時我鬧緊佢啦，好多謝你地既開解^^

原來有人同自己傾下真係會舒服好多架，
希望亞女會生性啲啦，佢而家係我既一切黎，
我都要學習點可以有好啲方法去教佢...

各位單親媽咪大家一齊努力吖^^

私人傳訊

bc97487719

別墅

積分: 608

8^#

發表於 07-6-11 22:25 |只看該作者

Re: 好唔開心...撐得好辛苦...

一個人, 如果被自己親生兒女趕走, 仲比佢打, 你估佢心裡面有什麼感覺?

我條(個)仔, 近三歲了. 有時佢唔乖, 我閙佢, 佢會不自覺咁發脾氣, 用手打我; 另外, 有時都是因為他不聽話, 我掉了他心愛的玩具, 他會叫我走!

唔好當佢係成人咁啦, 兩歲幾咋, 比佢扭下啦! 今天在好文分享裡面, 睇到一句 "孩子只有一個童年", 等佢同你都留多D回憶囉!

如果再遇到什麼壓力, 自己解決不了, 不妨多上來講下...

有條仔的粽子爸爸

私人傳訊

MarcoHK

洋房

積分: 123

9^#

發表於 07-6-13 18:04 |只看該作者

Re: 好唔開心...撐得好辛苦...

DOnt be sad la. Be strong

Single daddy with 2 years old daughter

私人傳訊

MarcoHK

洋房

積分: 123

10^#

發表於 07-6-13 18:05 |只看該作者

Re: 好唔開心...撐得好辛苦...

Dont be sad la. Be strong

Single daddy with 2 years old daughter

私人傳訊

住家甜品

大宅

積分: 2794

11^#

發表於 07-6-14 10:46 |只看該作者

Re: 好唔開心...撐得好辛苦...

bc97487719 :

我諗你個仔同我個女既情況都係差唔多既，
又係勁臭脾氣嗰隻囉，一唔鍾意就發作，
佢想要既野我唔俾佢，佢就死都要，
好似咩都要佢話晒事咁，
我好多時都頂唔順會鬧佢打佢架，

我又唔想成日鬧佢，
有時好似你話咁俾佢扭下啦，仲咁細，
佢扭計我就好溫柔叫佢過黎媽咪度吖，
問下佢做咩事啦，但係佢就係會睇住我黎恰，
我真係唔知有咩方法喇!

琴晚又扭計，一食飯就扭，
斷斷續續喊咗差唔多2個鐘，我既耐性已經俾佢消耗晒喇，
最慘係扭得咁上下就會唔要我，
我話"媽咪錫返吖"，佢都係話唔要，
我就由得佢喺個厠所喊飽佢，聽到佢話"我要媽咪呀"，
咁我先入去收拾殘局，再慢慢講下道理，
不過第2日又係要重複再黎過，

唉....我真係好攰喇，有時我都好想好好耐性咁去教佢，
唔想成日鬧佢打佢，但係唔知點解佢就係好鐘意恰我架，
我真係冇晒符....

私人傳訊

肥仔媽咪

子爵府

積分: 13946

12^#

發表於 07-6-14 11:04 |只看該作者

Re: 好唔開心...撐得好辛苦...

住家甜品,

雖然我唔係單親媽咪, 但係睇見你囡囡幅大頭照咁可愛好想係度俾啲支持你, 可能你囡囡因為家庭轉變的緣故而且她不懂得表達所以有此行為, 相信這個過度期大人小朋友都要需要時間去重新適應.

我睇過一些資料說如果囡/囝係咁扭計大喊又制止唔到的時候, 你只要抱住佢同佢講'媽咪係好錫你係想你好'這類說話, 到佢喊到攰才慢慢解釋給她聽, 因為這個時候如果你唔理佢佢會覺得好無助的, 相信漸漸你會摸索到怎樣控制她的脾氣, 希望你能繼續努力!

私人傳訊

bread

男爵府

積分: 6914

13^#

發表於 07-6-14 14:42 |只看該作者

Re: 好唔開心...撐得好辛苦...

住家甜品,

我囡囡有時發脾氣也想打我或推開我, 我會即時比佢知道我不喜歡佢這樣,以及有得佢不停哭. 若妳囡囡係扭得咁上下就會唔要妳,以妳話"媽咪錫返吖"，妳這樣未比妳囡囡食住,若妳囡囡話不要妳, 妳即時講冇所謂,我不要這麼不聽話的小朋友. 妳要好明確比佢知道媽媽是不喜歡. 這方法不是可以令小朋友收聽,但日子久了可比小朋友知發脾氣不會令大人屈服.

我也不想時時鬧我囡囡,但怕現在不教大了還難教.我囡囡發脾氣時也很勁,佢會不停哭,因為這樣因此喉嚨發炎好多次.現在開始大了才好啲. 有時佢哭到我頂不住, 我會一拍掌打,打完其實好心痛,但真是控制不住.

我現在開始學習當佢發脾氣時不要影響到自己的情緒, 照做自己的事情,因佢只是小朋友,EQ一定比佢高.

有時真時好攰, 但囡囡有時也會為妳帶來歡樂,一齊努力行.

私人傳訊

住家甜品

大宅

積分: 2794

14^#

發表於 07-6-15 12:00 |只看該作者

Re: 好唔開心...撐得好辛苦...

肥仔媽咪:

好多謝你既支持呀

亞女琴晚冇喊過呀，佢一返到屋企我就同佢講..
"今日唔好扭計喇，你乖乖食晒飯飯呢，
媽咪就帶你去惠康買啫哩啦!"
之後我一 feel 到佢想扭計，我就講d野鼓勵下佢，
轉移佢既視線，又真係 work 喎，
真係乖乖咁食晒成碗飯呀，我咪同佢落去買啫哩囉。

希望可以一路 keep 住啦，我同亞女都要努力!!!

私人傳訊

住家甜品

大宅

積分: 2794

15^#

發表於 07-6-15 12:13 |只看該作者

Re: 好唔開心...撐得好辛苦...

bread:

我都真係試過好多方法喇，
有時都好似你咁會頂唔順打佢架，
但係我發覺佢係越打越扭嗰種人黎，
而家都一路諗下其他既方法，好似下面個 post 咁..
希望唔係一日鮮啦

老實講佢都俾咗好多開心, 窩心既回憶俾我，
呢d係用咩都換唔到既，我會好愛惜我地既關係，
唔會再成日打罵佢，"打在女身，痛在我心" 呀

大家一齊努力呀，多d上黎傾下計，真係會開心d架

私人傳訊

suki2000

大宅

積分: 4163

16^#

發表於 07-6-15 21:56 |只看該作者

Re: 好唔開心...撐得好辛苦...

HELLO!唔好咁唔開心..我同老公都辨緊手續離婚..有一段畤間我真係捱不過.不過現在無事了..我諗我的情況會比你差..因為我有三個小朋友..一個剛5歲..一個3歲.一個9個月....而我只有24歲..我無做野.自己一個人顧3個細路..真的很煩.很煩.但我知道係我帶佢地來這世界的..點煩點唔聽話都要撐....你個女得2歲幾講的說誥你不要介意.因她太細,遲d大d佢會明白媽媽好,...有機會的話我地可以做朋友....

私人傳訊

住家甜品

大宅

積分: 2794

17^#

發表於 07-6-15 22:25 |只看該作者

Re: 好唔開心...撐得好辛苦...

suki2000:
我都知道我既問題都唔係咩大大大問題，
仲有好多人既情況會比我差，
你比我仲叻好多，24歲就帶住3個小朋友，
你真係好叻呀，大家一齊努力吖

私人傳訊

Shirley_

大宅

積分: 1810

18^#

發表於 07-7-4 14:08 |只看該作者

住家甜品

其實小朋友有時講既野都唔係有心架..你要知佢一唔開心..或者你話佢..佢一定唔鍾意架ma..咁一定話唔要你啦..係唔係??你有時要以小朋友既心態去諗下..

好似我個女3 歲幾啦..佢有時唔開心..走黎我到...講...我個媽咪依家唔錫我啦..佢唔要我啦...仲要好似想cry 咁....我都唔知發生咩事..原來我覺得我煮飯既時間唔理佢..佢唔開心..(因為得我同個女2個人住) ...所以我依家煮飯...每2分鍾都叫下佢架...