吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 點解可以咁厚顏無恥?

夫婦情感今日: 63|主題: 41020

收藏本版

發帖

返回列表

跳至頁

查看: 1979 | 回覆: 7

點解可以咁厚顏無恥?

瑤瑤~

珍珠宮

積分: 48361

2021勳章醒目開學勳章環保接龍勳章 15週年勳章親子王國15週年勳章

發表於 07-6-11 17:02 |顯示全部帖子

點解可以咁厚顏無恥?

我個太99本身生左一子一女....個仔&新抱(即係我男友既爸媽)就過左身廿幾年....所以得番個女(即係我男友既姑姐)....但已經嫁左人&搬走左好多年(佢係咁多年都無比過家用太99)

咁太99而家已經八十幾歲....佢唔肯立遺囑....但佢想將所有財產傳比我男友(因為得我男友仲肯同佢住&對佢好...同埋係三代單傳男丁)....所以幾年前已經同我男友開左個聯名戶口入晒d積蓄落去....個戶口係一方簽名就ok....以便佢死後我男友都可以即時拎走d錢唔洗等遺產承辦

有一日....男友姑姐好好死咁約太99去飲茶....原來係想講太99好將d錢傳晒比我男友....仲賤到帶埋幾個由太62個二奶所生既女一齊黎幫口(佢同二奶d女有交情)....迫太99分d身家比佢....又話阿二奶死0個陣都分晒d錢比d女(緊係啦....二奶生既全部都係女) ?-(

太99返到黎向我男友呻話個女迫佢....男友再講番比我知....我真係嬲到死

....我唔係貪太99d錢(講真唔算多....得幾十萬)....d錢係佢既如果佢係想傳比其他人我唔介意....但我係嬲阿姑姐咁樣用群眾壓力出口術去迫個老人家囉

太99話辛辛苦苦養大個女....但咁多年黎都無比過家用佢(淨係大時大節比兩三百飲茶)....仲要平時無咩來往....幾年前試過有一排對太99好既....但目的係為左借十幾萬返大陸起樓收租....話就話借....但之後都無還過一分一毫(佢自稱因為仲問左二奶另一個女借左一百萬起樓所以有排都未輪到還錢比太99)

....但對方話佢根本無咩還過錢囉....睇黎太99筆錢都凍過水

我相信阿姑姐已經law晒著數啦....太99養到佢大個女之餘仲借成十幾萬比佢起樓....佢就完全無供養過太99....其實自從我男友8年前讀完書....一直都係得男友獨力供養&照顧太99....就算太99想將d錢傳晒比我男友都好正常0者

我唔明點解阿姑姐可以咁厚顏無恥0係太99面前咁樣迫佢分身家比佢囉?? 佢完全無付出過....淨係識law著數....個心諗都算啦....仲要講埋出口.....佢真係唔驚被天收架?

私人傳訊

lok媽咪

洋房

積分: 144

發表於 07-6-11 19:43 |顯示全部帖子

Re: 點解可以咁厚顏無恥?

不知所謂，人渣‥‥‥

私人傳訊

mrsegg

大宅

積分: 1967

發表於 07-6-11 20:04 |顯示全部帖子

Re: 點解可以咁厚顏無恥?

幾廿萬都唔放過，唉！好講唔好聽第日大吉利是太９９百年歸老，佢咪又係要拎返ｄ錢出黎搞事，爭黎做乜呢！

私人傳訊

米米女

別墅

積分: 722

發表於 07-6-11 23:50 |顯示全部帖子

Re: 點解可以咁厚顏無恥?

如果太99到最後就咁走咗, 佢又會call班2奶女去搵你bf分錢, 班2奶女咁出力可能就係為咗攞番之前借出嘅錢.

或者真係叫太99立遺囑囉, 咁太99就可以答佢"邊個對我好, 將來就會分多d俾佢", 佢再問又可以答到佢, 又可以睇下佢肯唔肯盡下責, 將來煩你bf都可以用太99遺願擋住.

私人傳訊

miffymiffy

瑪瑙宮

積分: 131595

好媽媽勳章醒目開學勳章畀面勳章環保接龍勳章親子達人勳章 BK Milk勳章

發表於 07-6-12 00:00 |顯示全部帖子

Re: 點解可以咁厚顏無恥?

而家太99仲健健康康, 精精神神, 叫太99自己快D去立張平安紙, 免除後患

私人傳訊

siufung

子爵府

積分: 13005

發表於 07-6-12 00:16 |顯示全部帖子

Re: 點解可以咁厚顏無恥?

嘩, 仲衰過細契!!

老虎囡2010年2月10日於嘉諾撒出世喇, 早過預產11日~ 重6.71磅

私人傳訊

瑤瑤~

珍珠宮

積分: 48361

2021勳章醒目開學勳章環保接龍勳章 15週年勳章親子王國15週年勳章

發表於 07-6-12 23:56 |顯示全部帖子

Re: 點解可以咁厚顏無恥?

唉...最慘既係太99唔肯立平安紙(佢古老思想覺得呢d野係咒自己死)

男友同我講番....0個日太99被佢地班賤人夾撃完之後....太99就吩咐我男友0係佢死後分10萬比姑姐....廢事佢地0係度嘈 :tongue:

我就叫男友搵機會問番太99究竟係本身想比10萬姑姐定係因為被迫咁做啦....如果係被迫咁真係唔洗分比佢囉....反正太99都無立平安紙....而所有積蓄都係0係佢同男友開既聯戶入面....到時太99一死左男友都即刻去提走晒d錢架啦....而且太99話從來無講過比姑姐知有個聯戶同埋入面有幾多錢既

不過男友都講到時要睇情況先會決定分幾多比姑姐喇....因為幫太99攪身後事都要一筆錢啦....佢地個個肯定唔會夾錢既....只可以0係太99個聯戶度扣啦