WENDY 寫道:
噚日排隊搭巴士, 我係排最後的一個, 前面都不過六個人左右, 而且呢個巴士站係總站開出後的第一個站.
排隊其間有一個攞住餸的五十多歲的女人行來巴士站排隊, 理應佢排我後面, 但佢排我旁邊, 我已覺奇怪, 心諗佢可能心急就算, 後來我前面的男人行入行人路少少, 個中年女人就行企係佢旁邊, 我想同佢講你打佔, 但見前面又唔係好多人, 個男人又冇出聲, 所以我收返.
巴士一到, 個女人即刻行上前面打佔上車, 咁前面有個女人禮貎地同佢講你打佔喎, 點知我中年女人即刻鬧人, 話佢自己排第一, 又話人痴線, 上到車仲鬧埋粗口, 當正自己比人屈, 咁既人都有, 那位女仕都不甘示弱, 兩人係巴士上粗口來粗口往. 點解真係有D咁野蠻的人
LMCK 寫道:
我尋日帶bb去西九龍健康院, 因放午飯時間, 所以坐左係lift口等健康院開門(有"鄧"座同有冷氣嘆). 跟住有對母子走上黎開餐(食飯盒飲例湯), 比健康院嬸嬸行過見到就話因為呢到好多老鼠, 叫佢地唔好再o係度食飯, 嬸嬸話佢地已經一個星期都係咁. 點知個媽咪不斷用粗口問候個嬸嬸, 話關佢X事, 佢又無整dirty的地方, 仲話你地d姑娘都係叫外賣上黎食, 有咩分別.....而佢個仔(著住小學校服的)就若無其事繼續食飯, 嬸嬸即時無聲出, 好唔憤氣番番入去, 之後o個兩母子食完飯就走左.
其實嬸嬸唔駛同佢勞氣, 個媽咪係個仔面前都唔能夠以身作則, 有樣學樣一家人嘛, 第時個仔都唔知會點對佢呢