母乳餵哺

收藏本版
回覆 發帖
返回列表
跳至頁

首頁
1

尾頁
   0
weiwai


大宅

積分: 4285

好媽媽勳章


1#
發表於 07-6-13 02:11 |只看該作者

有冇人可以教我，我點先可以令bb食粥食奶？

bb8個半月，一直埋身餵人奶，6個月時開始比bb食粥，但唔食，試左幾日都唔肯食，於是暫停，改餵糊。糊就肯食，但都曾經試過一兩次唔肯食，合埋個咀唔開口。再三試左幾次，直至7個月時她肯食了，一直到現在8個半月。上星期，我開始唔夠奶，想補奶粉，bb唔肯食奶瓶，試左幾日都唔肯食，即使餓左佢2餐佢都唔肯食奶瓶，我便用匙羹餵，肯食了。到左前日，bb連用匙羹餵都唔肯食奶了，又唔食粥！最初以為佢唔鍾意食南瓜，今日我改左煲魚肉粥，一樣唔肯食，咪實個咀，好似比釘書機釘實咁，今日兩餐粥加埋食得都唔夠半碗，次次餵成一個鐘，又唔肯食奶粉，個人好瘦！
我餵佢食一餐粥餵到好赲，呢2日餵粥餵奶餵到好炆，我打佢手仔，連續係咁打，一路打我一路鬧 "點解你咁曳，又唔食粥又唔食奶，瘦到咁.........你搵第二個黎湊你....." 我是單親，乜都自己理。我身體好差，成日感冒，今次感冒左個幾月都未清，精神又差，但冇得休息，頭暈都唔可以去訓覺，要繼續煲粥餵粥，無上境咁做....
bb皮氣又大，發惡時真的好恐怖，哭到把聲都沙埋、額頭都出埋紅疹！
有冇人可以教我，我點先可以令bb食粥食奶？感謝！
私人傳訊回覆 引用

juliet


大宅

積分: 2540


2#
發表於 07-6-13 23:55 |只看該作者

Re: 有冇人可以教我，我點先可以令bb食粥食奶？

我同你一樣都係餵人奶,BB宜家5個幾月,起初佢都只係食奶米糊,後來我煲粥仔佢都唔係點食,我就試下放3-4匙奶米糊,落D粥仔到效果唔錯,佢都好鍾意食,若果仲係唔食,你可以試下用匙挖D香蕉蓉俾佢食,最好一唅香蕉蓉,一唅粥仔,佢應該鍾意食,因為香蕉又香,又甜,令到食落口味道冇咁淡. 或者你可以試下 OK!話我知 :wink:
親子王國已刪除閣下簽名檔內容,煩請自行檢視,頭像,頭銜,暱稱,如帶有廣告或宣傳推介成份,應立即修改或刪除,否則可被封鎖戶口,謝謝合作.
私人傳訊回覆 引用

NATASHA101


大宅

積分: 1208


3#
發表於 07-6-14 00:53 |只看該作者

Re: 有冇人可以教我，我點先可以令bb食粥食奶？

我都係一直埋身餵人奶的媽媽, 囡囡現在20個月了
奶粉bb一直到現在都唔肯食 :-(
當初bb食糊仔都係喜愛香蕉味道的糊仔, 木瓜味道的糊仔, 你可用新鮮的水果蓉加糊仔(如香蕉,木瓜,啤梨,peach), 蘋果你可渣汁比佢飲 , 以上通通都很方便!!!
你bb有幾多隻牙呢?如果有四五隻, 你可煮d通粉俾佢食!!!
你又可以煲d俾bb飲, 佢地好鐘意飲湯的
你為何唔夠奶
?-( 你可飲豆漿或煲木瓜湯飲, 我知你一定很辛苦, 不過你見住bb一直成長你便會佷開心的

Natasha 是媽媽和爹地之寶貝
私人傳訊回覆 引用

peaceaa1122


珍珠宮

積分: 33442

2024年龍年勳章 好媽媽勳章 醒目開學勳章 畀面勳章


4#
發表於 07-6-14 01:52 |只看該作者

Re: 有冇人可以教我，我點先可以令bb食粥食奶？

其實我bb幾咀尖，有自己口味，唔arm就唔食，都冇乎！但我會觀察下或問 bb 夠竟唔鐘意食邊種菜、肉，定d粥太爛或烯.....。下餐再試。

另想問你bb會唔會想出牙仔？每次出牙唔舒服都會唔多食野，時間都幾長架，有兩、三個星期到一個月都會。試下比d 香蕉果蓉、BB cheese(雪印果隻林過BBQ) 或 yogurt佢食，怕凍可從雪櫃拿出放一陣先。又或者鐘意食飽就比d佢食。

問過醫生，話1歲前主要食糧係奶(個醫生知我餵人奶)，所以唔洗太擔心。

小朋友餓幾餐唔會c，但大人千其要冷靜，深呼吸，唔好因為自己擔心反而打佢，bb唔明點解你要打佢，但就知你打佢。會唔開心，傷害大家感情。

如果bb皮氣大，你可試下話佢知乜野問題，帶佢離開發皮氣現場，放去安全地方，跟住唔理佢一陣(當然要眼尾睇實佢)，等佢冷靜一下，1-2分鐘後再同佢講番。果時我囡都work架。

另外，如果未出大牙，d通粉最好煮到好林同剪碎俾佢食，或百佳有買隻abc粉好細粒都唔錯。

私人傳訊回覆 引用


首頁
1

尾頁

跳至頁
返回列表
回覆
發帖
高級模式 | 發表帖子
B Color Image Link Quote Code Smilies
你需要登錄後才可以回帖 登入 | 註冊

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見