跳至

首頁

尾頁
   0


子爵府

積分: 12878

2019勳章


發表於 07-6-13 22:43 |顯示全部帖子

好沮喪, bb跟工人唔跟我

我好唔開心, bb痴工人痴得好厲害, 佢唔係好跟我, 我一抱佢, 佢就周圍搵姐姐, 見到姐姐就喊得好厲害, 姐姐一抱番佢, 佢就唔喊, 完全係扮野, 要搵姐姐................
各位姊妹, 究竟我應該點做呀?? 我諗過把心一橫, 炒鬼左個工人佢, 比我99湊, 但係諗諗下, 如果第日bb跟99唔跟我, 咁我又冇得炒99, 我又唔可以唔做野自己湊, 究竟點呀???
有時見到bb喊住搵工人, 真係想打下佢, 教訓佢唔準跟姐姐, 但係佢咁細個又唔識, 只會變得越來越痴佢
唉! 做媽媽做到我咁失敗, 真係抵死喇!
我d friend都話, 冇理由bb痴佢痴得咁厲害, 咁個工人咪咩都唔駛做, 有一次係朋友屋企, bb喊, 咁我叫工人抱佢, 我走左去洗碗, 之後就比朋友話bb喊, 應該係你湊佢, 工人去洗碗, 點知我地就掉轉左, 當時我只係諗bb唔喊就得喇, 我做咪我做囉, 點知我個朋友就話, 而家好似你係工人, 佢先係bb媽媽, 我聽完之後我覺得自己好失敗, 好沮喪!
究竟我應該點呀?? 我又要番工, 又唔可以成日陪住bb, 工人又日日都照顧佢, 佢實跟佢架喎, 我都唔知點做好.
你地比d意見我啦!!


翡翠宮

積分: 83836

2019新春慶豚圓 2019勳章 2018復活節勳章 畀面勳章


發表於 07-6-13 23:04 |顯示全部帖子

Re: 好沮喪, bb跟工人唔跟我

菲比108

我同你一樣都係要返工,都係俾工人照顧bb架! 除左星期日平時我無照顧bb,但唔代表我無理佢,我會用時間同佢玩講,故事俾佢聽。 所以就算bb跟工人多d,都唔會完全唔跟我。 或者你試下由你幫佢洗白白,洗白白個陣同bb唱下歌講下野,多d親子活動。日子有工,到時一定會好d。

仲有你記得多d同bb笑,你係bb都想見到個開開心心既媽咪架嘛∼∼∼∼


 


公爵府

積分: 25820

2019勳章 2018復活節勳章 熱血勳章 好媽媽勳章 畀面勳章 wyeth冷知識勳章 環保接龍勳章 大廚勳章


發表於 07-6-13 23:14 |顯示全部帖子

Re: 好沮喪, bb跟工人唔跟我

菲比108,你係咪在職媽媽?
如果係又請得工人


複式洋房

積分: 328


發表於 07-6-13 23:15 |顯示全部帖子

Re: 好沮喪, bb跟工人唔跟我

我姨甥女細個都係咁,但到大d返幼兒園自然好跟媽咪。我個b係由呀婆及工人湊,我一星期只有一晚接他返屋企,佢唔跟我,以前夜晚要我/工人抱好耐才睡,但婆婆不消一會兒就攪掂佢。我好妒忌婆婆!婆婆成日話工人唔掂,連bb都唔跟佢,我覺得呀b跟工人證明工人對佢好及有安全感,這是一件好事!但我知有d工人會因為咁大哂!所以,我覺得唯一可以做是盡量在工人 放假的日子,令bb跟番你,好似我呀b好鍾意出街,我自己放工一得閒就抱住佢落公園、周圍行,雖然好鬼累,但我發現佢跟我親了很多,我現在就算同工人、婆婆帶住bb,都係我抱bb,bb好奇怪,會自然知你好錫佢的,現在沒有婆婆在我屋企時好了很多。


大宅

積分: 4855


發表於 07-6-13 23:32 |顯示全部帖子

Re: 好沮喪, bb跟工人唔跟我

菲比, 好耐無見喇

之前係2月個gathering, 巳見你囡囡好跟工人, 聽你依家咁講, 似乎情況再嚴重咗

雖然話, bb大d一定會知邊個係媽媽, 一定會痴番你, 但我覺得, miss咗現在和寶寶相處的時光, 實在太可惜了~~~

我的提議係, 你放工番到屋企, 就叫你工人去廚房做嘢, or返房休息, 你同老公自己照顧囡囡, 仲一定要你哋氹佢瞓, 夜晚佢醒咗, 就一定要自己take care佢, 星期六日, 記住你地自己同佢洗白白! 一句講哂, 你地係屋企的時候, 就叫工人做屋企嘢, 囡囡自己揍番!!!

初頭囡囡一定勁喊, 但一定要堅持, 所以最好可以連續幾日唔使返工來開始, 如連公眾假期請假, 依個係我親身經驗, 記得之前囡囡唔算好親我 (不過好在都跟我, but就鍾意我99同老公多d), 咁係復活節假期時, 有連續5天假, 6299返番佢地自己屋企住, 我地一家三口好開心咁過咗嗰5日, 囡囡之後就對我笑多咗好多 (之前我引佢都唔會笑 ), 同時佢仍然都親99, 99繼續照顧佢無問題

你要努力加油呀, 一定要先付出, 才會有收成的


男爵府

積分: 6119


發表於 07-6-13 23:52 |顯示全部帖子

Re: 好沮喪, bb跟工人唔跟我

唉....菲比.....
所以點解次次gathering我都唔帶工人
而家我個仔都跟工人
不過亦都跟我
我而家日日都同bb玩一陣先出門口
出門口個時又同bb講mami要出去搵$$
唔係bb無奶奶飲
夜晚返黎又同佢玩一陣
有時返到黎佢可能訓左
不過我都會入bb房同bb講mami返黎喇
問佢今日乖唔乖 同佢講一陣野
雖然佢訓左 不過我相信佢都聽到我講野
而星期6同日我都通常自己帶呀仔去街
工人就係home
其實bb星期1-5都已經對住個工人
星期6日我真係唔想佢再對工人
所以而家bb一見到我就好開心
我一係就同佢玩 一係就同佢去街
我之前都驚個bb跟工人
不過好好彩bb好乖都好跟我我先安樂d
你試下放工返屋企就自己湊bb
我都係架 如果返到黎佢仲要飲奶既我唔比工人餵
一定係我自己餵番
等佢望你多d迎你多d遲d就會跟番你架喇~
日曦 - 2006/11/18 02:29am(2.65kg)
2nd - 2008/05/16
3rd - 2009/06/09
4th - 2012/01/07 14:14pm (3.57kg)
4次懷孕 但只有2個出世, 沒能力帶到世上的, 媽咪沒有忘記, 你永遠在我心裡,懷念你們


大宅

積分: 2080


發表於 07-6-13 23:59 |顯示全部帖子

Re: 好沮喪, bb跟工人唔跟我

菲比,
首先,你唔可以怕左bb喊而俾佢跟返工人.你放工返到屋企,你就湊囡,叫個工人去做其他野.bb喊你就用第二樣野引佢,唔好俾佢見到工人...開頭一定會唔順利,但係過左呢個時間,bb就會同你玩得好開心架喇..依家亞囡俾我媽咪湊,但係就算我唔湊返屋企,我一放工/返工之前都會去睇亞囡,我一o係度,就係我搞掂佢,所以依家我亞囡都跟我..見到我就一定要我~
努力呀~~~~加油,俾心機.....俾d時間同心機,亞囡一定會跟你架~


子爵府

積分: 10535


發表於 07-6-14 00:26 |顯示全部帖子

Re: 好沮喪, bb跟工人唔跟我

其實比得工人湊就一定跟工人多過你架啦,但係都無理有跟工人唔跟你架,你平時放工放假時多唔多陪佢玩架?我老公日日返工,返到屋企都好少同bb玩,放假亦唔會專登同栗子玩架,淨係我行開行埋佢先會幫我睇住栗子一陣,我成q日都閙佢好不負責任架﹗ 但係栗子又好鐘意個c6喎,成日好鐘意望住爸爸,但我c6又成日專登唔望佢﹗


大宅

積分: 3030


發表於 07-6-14 01:50 |顯示全部帖子

Re: 好沮喪, bb跟工人唔跟我

會唔會你工人成日就BB,或者佢成日抱住BB乜都唔做,因為好多工人都係咁,有人質喺手炒佢都冇咁易!


男爵府

積分: 7636


發表於 07-6-14 09:34 |顯示全部帖子

Re: 好沮喪, bb跟工人唔跟我

菲比

我都有個賓賓姐姐 日頭都係主要佢對住學儒仔 佢都好鍚學儒仔 但學儒仔都好肯跟我 我做既 :

1) 學儒仔訓著覺一定要放落床仔或有厚墊既地下 然後姐姐要做家務

2) 我放工一定同學儒仔溝通 玩下 姐姐煮飯

3) 夜晚10:30左右 姐姐就氹學儒仔訓 學儒仔係同我一間房 我就做自己野

4) 朝早返工前 又會同佢玩下 然後say goodbye 媽咪返工

5) 星期六多數同工人去婆婆屋企

6) 星期日我自己同佢去下街 或者探嫲嫲

但你切記 工人既工作 你唔好自己做 但不了囡囡喊 你頂唔順 你叫佢抱下 囡囡訓左 就叫佢完成自己既家務 佢越令你個囡淨係"痴"佢 咁佢咪拖長d野做 遲d先休息囉 咁樣 d工人就唔好攞你個囡做擋箭牌 阿mum就唔駛變阿賓啦


禁止發言

積分: 21629

醒目開學勳章 畀面勳章


發表於 07-6-14 10:42 |顯示全部帖子

Re: 好沮喪, bb跟工人唔跟我

提示: 作者被禁止或刪除 內容自動屏蔽
提示: 作者被禁止或刪除 內容自動屏蔽


伯爵府

積分: 16370


發表於 07-6-14 10:45 |顯示全部帖子

Re: 好沮喪, bb跟工人唔跟我

雖然卓晞仔喺比婆婆湊, 但我每晚放工都會返去見亞仔, 有時卓晞要婆婆抱我都會呷婆婆醋
  


子爵府

積分: 11890

畀面勳章


發表於 07-6-14 12:28 |顯示全部帖子

Re: 好沮喪, bb跟工人唔跟我

菲比,

我同anabb做嘅野差唔多, 總言知我成日都提醒自己一句"湊bb係你付出幾多就會收返幾多"...快d試吓好似d mama講咁一步一步試吓啦, 你試吓同佢玩多d開始, 唔好驚佢喊, 佢越喊你越要自己學去處理佢...如果你工人係好嘅, 比我我返而會嘗試學吓工人同bb溝通時嘅語氣或你留意吓佢點同你bb玩, 因為bb咁長時間對住工人, 可能比較習慣姐姐d語氣, 暗瞓覺嘅手勢等等, 等bb易d接受...我開頭都係咁, 我發現bb對住bunbun時d反應開心d, 快d...所以我都有時學bunbun d 語氣同bb溝通, 依家我放工一入門口見到我就會笑....真係好開心架! 加油呀, 我地得, 你都一定得架....


子爵府

積分: 12878

2019勳章


發表於 07-6-14 12:28 |顯示全部帖子

Re: 好沮喪, bb跟工人唔跟我

其實你地所講所有野, 我都有照做架, 由其係shirleytong28, 簡直一模一樣咁呀, 但係我都唔知點解會變到bb咁痴佢, 我一放假就同工人bb去食tea, 跟住買送, 番到屋企, 幫bb換好片後, 我就帶bb去club house玩, 咁個工人就做家務& prepare d送, 同bb玩完就番上去, 跟手沖涼&食奶/粥.

其實我係好多時間陪佢, 但係最嚴重係, 佢一sleepy, 佢就一定要工人抱佢訓, 唔識自己喺床訓, 我唔想佢咁樣痴住工人先訓, 咁我尋日朝同個工人講, 如果喺一個星期之後, bb再要痴住你先訓到, 咁你炒你, 咁佢尋日就好聽話, 由得bb喊, train佢自己訓, 結果bb足足喊左1個鐘都未訓, 睇到我不知幾心痛, 但係無辦法, 我老公一番黎, 我就宣佈total lost, 因為佢見到bb喊, 就order工人抱佢, 唉, 我唔輸都幾難, bb喊成咁, 最後又係工人一抱佢, 佢就收聲, bb好似話我知得工人先鍚佢先搞得佢掂咁.
bb喊完一輪, 我發覺佢更加痴個工人, 我抱住佢行黎行去, 佢就周圍望搵工人, 當佢見到工人時, 佢就會扮喊, 好可憐, 跟手爸爸就會叫工人抱佢.....
做媽媽做到我咁失敗真係抵死喇, 加上我99成日周圍同人講"佢2公婆搞唔掂個女架, 個女係跟工人架, 邊個都唔跟架", 聽到我更傷心, 好鬼憎成日都咁講, 人地唔知, 你就唔好講啦, 都唔知駛唔駛比個喇叭佢呀!!
該用戶已被刪除

發表於 07-6-14 12:51 |顯示全部帖子

Re: 好沮喪, bb跟工人唔跟我

提示: 作者被禁止或刪除 內容自動屏蔽


禁止發言

積分: 21629

醒目開學勳章 畀面勳章


發表於 07-6-14 12:53 |顯示全部帖子

Re: 好沮喪, bb跟工人唔跟我

提示: 作者被禁止或刪除 內容自動屏蔽
提示: 作者被禁止或刪除 內容自動屏蔽


子爵府

積分: 11890

畀面勳章


發表於 07-6-14 12:56 |顯示全部帖子

Re: 好沮喪, bb跟工人唔跟我

唔好咁唔開心, 慢慢黎啦, 由其你要bb去改變依加佢最舒服嘅習慣, 梗要d時間...但聽你咁講, 响bb喊得好勵害嘅時候你叫姐姐去抱, 比我都覺得姐姐係救星啦...你唔好再比工人扮演lee個咁重要嘅角色啦, 可唔可以用玩或玩具去引開佢對工人嘅注意力呢....?


公爵府

積分: 25820

2019勳章 2018復活節勳章 熱血勳章 好媽媽勳章 畀面勳章 wyeth冷知識勳章 環保接龍勳章 大廚勳章


發表於 07-6-14 13:36 |顯示全部帖子

Re: 好沮喪, bb跟工人唔跟我

菲比108,

再聽你咁講, 問題係出


大宅

積分: 2776

最關心BB問題熱投勳章 BK Milk勳章


發表於 07-6-14 15:11 |顯示全部帖子

Re: 好沮喪, bb跟工人唔跟我

菲比108

我都明白你的感受, 因為大囡以前都係咁, 以前初為人母唔識湊bb, 加上工人對住bb的時間又多過我地, 佢一定知道bb的脾氣和習慣, bb咪鐘意跟住佢. 你可以多 d 抱 bb 及留意工人點湊bb, 例如抱bb的方法 (打直或打pat pat至可以瞓倒), 點解扭計 ......... bb 習慣左你的湊法就ok, 比 d 時間自己及bb, take it easy.

** 仲有, 唔洗唔開心, bb 大 d 就會自然識分你係媽咪, 工人係工人, 你去邊都會黏住你, 到時你就兼佢煩 ...... 我個大囡咪就係咁
[url=http://tickers.families.com][/url


男爵府

積分: 7636


發表於 07-6-14 15:21 |顯示全部帖子

Re: 好沮喪, bb跟工人唔跟我

又唔駛炒左個工人既 不過 你恐嚇個工人係無錯 起碼佢會教bb同媽咪玩下

你bb開始食baby food未 睇下佢最鍾意食d咩 由你親自餵佢 bb都好現實架 慢慢黎 唔駛擔心 你始終係佢媽咪 血濃於水

首頁

尾頁

跳至