自由講場

跳至

首頁
1

尾頁
   0


大宅

積分: 2350


發表於 07-6-13 23:41 |顯示全部帖子

急! 想問會唔會係小孩濕疹?

最近發覺bb身前面肚, 身兩側同背部都出咗好多一粒粒好細嘅嘢, 滿布全身, 不過手腳就無, 摸落好"鞋" 好似沙紙咁, 唔係好紅, 好似有d乾燥咁, 見bb都會抓, 應該都痕, 不過好彩就唔係痕到會發脾氣.......不過間中訓訓下都僧痕醒, 我同佢搽d cream佢又好d, 我巳經同佢試過搽熱痱水, 又用cetaphil嘅cream同佢搽, 又用qv bath oil 沖涼, 情況都一樣, 我暫時見佢都無影響佢情緒同發燒徵狀, 所以無同佢睇醫生, 不過想知小兒濕疹, 會唔會係咁呢? 會唔會對某d食物敏感而引起呢? 我都好擔心...........


翡翠宮

積分: 91045

好媽媽勳章 畀面勳章


發表於 07-6-13 23:49 |顯示全部帖子

Re: 急! 想問會唔會係小孩濕疹?

快 d 帶 bb 去睇 e 生啦. 吾好自己估同亂搽野.


禁止訪問

積分: 9617


發表於 07-6-13 23:58 |顯示全部帖子

Re: 急! 想問會唔會係小孩濕疹?

提示: 作者被禁止或刪除 內容自動屏蔽
提示: 作者被禁止或刪除 內容自動屏蔽


子爵府

積分: 11152

醒目開學勳章


發表於 07-6-14 00:08 |顯示全部帖子

Re: 急! 想問會唔會係小孩濕疹?

我o既小朋友都曾受濕疹困擾,但而家已經冇乜事....你講o既情況似係濕疹,而佢會痕醒其實都算幾嚴重喎! 但你用o既方法只可以預防而唔可以醫治囉! 濕疹一出咗就多數要搽d藥膏至可以快好番,唔搽有機會越來越差. 我見有好多人又戒口又食中藥都唔斷尾,d手手腳腳都花晒,真係睇到都"鄧"佢辛苦.

我都覺得你應該快d帶佢睇醫生, 唔好估吓估吓嘞!

[img align=left]http://www.msndoll.com/uploads/imdoll-8134.gif[/img]


大宅

積分: 1422


發表於 07-6-14 00:14 |顯示全部帖子

Re: 急! 想問會唔會係小孩濕疹?

How old is your BB? 濕疹好多時生o係d 手腳關節位先,而唔係肚or身,我覺得似食物敏感多D wo

Whatever係濕疹定食物敏感,都係要快d睇醫生架啦!

yywhk 寫道:
我o既小朋友都曾受濕疹困擾,但而家已經冇乜事....你講o既情況似係濕疹,而佢會痕醒其實都算幾嚴重喎! 但你用o既方法只可以預防而唔可以醫治囉! 濕疹一出咗就多數要搽d藥膏至可以快好番,唔搽有機會越來越差. 我見有好多人又戒口又食中藥都唔斷尾,d手手腳腳都花晒,真係睇到都"鄧"佢辛苦.

我都覺得你應該快d帶佢睇醫生, 唔好估吓估吓嘞!


子爵府

積分: 11152

醒目開學勳章


發表於 07-6-14 00:34 |顯示全部帖子

Re: 急! 想問會唔會係小孩濕疹?

"多數係手腳關節(起)先",但唔一定架,我囝囝囡囡bb嗰陣都唔係,而係一細"dat"一細"dat"全身同手腳都有. 如果係食物敏感,仲會出風癩添.....

唔知係好彩定唔好彩.....我囡囡細個都有,仲好嚴重添: 牛奶,雞蛋,花生,小麥,黃豆都中....bb嗰陣同佢戒口戒得好緊要,不過佢一路大一路甩,今年剛confirm連花生咁難甩o既都甩埋.....


TommyGirl 寫道:
How old is your BB? 濕疹好多時生o係d 手腳關節位先,而唔係肚or身,我覺得似食物敏感多D wo

Whatever係濕疹定食物敏感,都係要快d睇醫生架啦!

[quote]
yywhk 寫道:
我o既小朋友都曾受濕疹困擾,但而家已經冇乜事....你講o既情況似係濕疹,而佢會痕醒其實都算幾嚴重喎! 但你用o既方法只可以預防而唔可以醫治囉! 濕疹一出咗就多數要搽d藥膏至可以快好番,唔搽有機會越來越差. 我見有好多人又戒口又食中藥都唔斷尾,d手手腳腳都花晒,真係睇到都"鄧"佢辛苦.

我都覺得你應該快d帶佢睇醫生, 唔好估吓估吓嘞!
[/quote]
[img align=left]http://www.msndoll.com/uploads/imdoll-8134.gif[/img]


大宅

積分: 2350


發表於 07-6-14 00:51 |顯示全部帖子

Re: 急! 想問會唔會係小孩濕疹?

其實我都想知濕疹會唔會由食物引起呢! 事關一向我都有俾bb食吓蛋, 不過其實bb d皮膚自出世都唔係咁好, 可能有我遺傳, 我都好易皮膚敏感同有濕疹, 所以都係間中俾一次半次, 仲有都係少少俾佢食, 等佢慢慢適應, 之前都問題不大, 不過早兩星期, bb成日俾99揍咗去玩, 仲日日都鮮奶燕窩焞蛋, 其實我一向都唔suggest俾bb食, 不過99整, 話佢又唔係好好, 之後bb就成身都係呢d嘢, 我有同過佢講bb可能皮膚敏感, 暫時唔好俾bb食住, 不過佢又話唔係, 話bb嗰d係熱痱, 唔係好信我, 佢之後仲有俾bb食, 不過就話無落燕窩, 係呢個星期好d, 佢有節目唔得閒理bb先停吓無再食蛋, 不過bb個情況都仲係咁.........無好轉到..........咁會唔會有可能係呢d食物引起呢? 不過我bb都係食普通奶粉, 一向都無問題喎.......佢依家21個月


[quote]
yywhk 寫道:
"多數係手腳關節(起)先",但唔一定架,我囝囝囡囡bb嗰陣都唔係,而係一細"dat"一細"dat"全身同手腳都有. 如果係食物敏感,仲會出風癩添.....

唔知係好彩定唔好彩.....我囡囡細個都有,仲好嚴重添: 牛奶,雞蛋,花生,小麥,黃豆都中....bb嗰陣同佢戒口戒得好緊要,不過佢一路大一路甩,今年剛confirm連花生咁難甩o既都甩埋.....


[quote]



子爵府

積分: 11152

醒目開學勳章


發表於 07-6-14 01:51 |顯示全部帖子

Re: 急! 想問會唔會係小孩濕疹?

你奶奶會唔會咁"渣",熱痱同濕疹都分唔到o既? :lol:

食物敏感係會引起濕疹架.....燕窩係好嘢,但都容易會導致食物敏感,因為佢d蛋白質成份好特別,我幾年前陀囡囡嗰陣一知道係女就係差不多日日食幾匙燕窩....希望佢d皮膚靚d...點知... 我記得前排都有醫生/營養師呼籲過d父母唔好太早俾bb食燕窩,你試吓揾d old news 啦,又或者你同奶奶講等bb大d先再食燕窩都可能得o既! 不過我o既經驗係由食物敏感引起d濕疹會一出就好紅好嚴重,(我囡囡搽d藥盒上話唔好搽多過兩星期,但仲係未好番,個醫生就叫我最多可以搽多兩個星期先停都得),但後來一停食嗰幾種食物就唔會再出新濕疹,舊o既亦會好快好番.....而由天氣/塵蟎引起嗰d通常比較輕微,冇咁覺眼,要等天氣改變或者停止接觸d塵就會好番.

除咗食物敏感(food allergy)之外,仲有種情況叫 food intolerance (我唔知中文係咪叫食物過敏),係好多人都會有架....即係食咗某d食物覺得腸胃唔舒服,肚瀉,身痕但又未至於到出嚴重濕疹之類.

你o既情況好似我老公....佢又係皮膚敏感唔着得羊毛,仲對塵埃蟎敏感,一掂多d塵就出濕疹同鼻敏感.......醫生話咁樣d小朋友都好大機會會遺傳到喎....

其實你話你自己都有濕疹經驗,如果你都有懷疑,唔好等嘞....聽日快d帶bb去睇吓醫生啦!
[img align=left]http://www.msndoll.com/uploads/imdoll-8134.gif[/img]


大宅

積分: 2178


發表於 07-6-14 04:47 |顯示全部帖子

Re: 急! 想問會唔會係小孩濕疹?

yywhk,
請問你囡囡這麼嚴重食物敏感如何甩,你係帶她看那個醫生?
因為我個仔的食物敏感嚴重到我腳軟,會氣管腫.
Share


子爵府

積分: 11152

醒目開學勳章


發表於 07-6-14 15:57 |顯示全部帖子

Re: 急! 想問會唔會係小孩濕疹?

Share,

說來其實好話長....我囡囡係澳洲出世,食人奶o既,但自三個月大就開始出濕疹,睇住皮膚科醫生搽住藥膏都係勉強控制住,但一停藥幾日又再開始出番,後來佢開始食固體食物時食粥仔都ok,但有次我懶(佢都好似成七八個月大),開咗罐有cheese的babyfood俾佢,當晚就出風癩,家庭醫生馬上叫我唔好再餵有cheese的食物,而所有新o既食物都唔好俾佢,又叫我跟住响babycare centre report 埋嗰次o既事+佢o既嚴重濕疹,好好彩姑娘馬上寫紙俾佢去專科敏感醫院排期開file......一驗之下都嚇到我腳軟,因敏感太多食物同程度嚴重,所以人奶都要立即戒掉(因我大人唔敏感,驚我唔為意食咗都唔知,仲過奶俾囡囡佢就有事),改食豆奶(囡囡第一次驗時黃豆同海鮮都冇敏感).粥仔就只可加牛肉/豬肉同蔬菜,魚即使食過冇敏感都唔准俾,所有新食物都唔准俾.....醫生仲要我立即學埋打"救命針 adrenalin",因囡囡大細,連ep-pen junior 都唔用得,我幾乎响嗰度當場喊出嚟 :-( ......

半年後返去覆診,d濕疹又算係已經好番好多,受到控制,但始終唔斷尾,不時都會出新o既.......而一驗之下又係嚇到我想喊....連豆奶都唔飲得嘞........要飲"短鏈配方",如果都唔得就只得一隻特殊配方(成hk$5xx一罐仔)......但睇完嗰次之後,我地就搬咗返香港,另外揾家庭醫生寫紙去瑪麗專科跟進......我囡囡大大吓慢慢就一路一路咁甩d食物敏感囉!

其實你留意成個過程佢根本一d藥都冇食過,最多只係搽皮膚科醫生開o既藥膏控制d濕疹,同有營養師可跟進小朋友飲食,make sure佢夠營養發育囉! 我估佢可以好番原因係可能囡囡發現得早亦早開始戒口.....

响澳洲嗰位醫生好好人,佢好詳細咁同我解釋過即使响醫學界,對於食物敏感o既原因同醫治方法都有多過一個學說,佢話佢自己(同佢地間醫院)係相信小朋友免疫系統未成熟,而因我地係移民,bb父母基因裏面要對抗開o既病毒病菌响澳洲不存在,所以小朋友免疫系統裏誤認某d食物裏面o既蛋白質為有害而引致食物敏感, 佢建議係完全戒絶一切已知會導致敏感o既食物,等小朋友免疫系統唔好繼續誤認嗰種食物為有害,等.....係只係等....小朋友大咗,免疫系統發展成熟,就"有機會"甩......, 咁我嗰陣別無他法,只好信.....當時醫生曾要求我地屋企唔好買花生/花生醬/花生油(因花生可以致命),而且advise 我地要嚴格遵守bb要戒口,佢話一小啖蛋唔會致命....但足以refresh memory 令小朋友免疫系統記住,如果到小朋友免疫系統已經發展成熟,咁佢地覺得就會多數係揹住一世,唔甩得格嘞,當時我地真係連一啖麵包都唔會餵俾囡囡,出街一定帶住d"rice crackers", 除咗自己煮粥仔, babyfood 都係食嚟食去得嗰兩三種,試過失預算食晒d rice crackers,我係寧願買包薯條俾佢食架 :lol: ...

而响香港,瑪麗而家都有專科睇,但我觀察中覺得因為病人少,真係隨時會"摺埋".....佢地都唔會俾藥我囡食,都係做skin prick test 同驗血 confirm 囡囡d食物敏感情況好轉就考慮俾佢試食,我呢兩年同囡囡入過三四次院,就係為咗俾佢試食.....响病房裏姑娘俾佢食d蛋,飲奶,食花生醬呀咁.....然後留低觀察反應囉.....好好彩,佢真係一種種甩咗!

如果你問我意見,我會話唔好嘥錢睇私人專科,因為我信呢個根本唔係食藥醫得到o既病嚟架! 我都好明白你感受.....真係令人好擔心,怕佢亂食嘢出事........但你囝囝會氣管腫咁利害,你有冇買定支ep-pen傍身呀?我嗰陣真係時時袋住針藥响身架,囡囡仲買咗隻特別手鈪仔戴,上面刻住佢敏感o既食物同病歷file no. 希望你小朋友都早日好番晒啦....有需要可pm我再傾.


[img align=left]http://www.msndoll.com/uploads/imdoll-8134.gif[/img]

首頁
1

尾頁

跳至