004 寫道:
佢3 yrs, 每當佢無聊時, 就會抓我哋, 特別係臨瞓前, 動作會好頻密及肉緊, 這情況已維持2年了, 我試過多次勸告, 打同鬧都做齊, 佢唔夠一分鐘又係咁, 真係好無奈, 真係好想知道佢係貪玩? 病態? 是否涉及兒童行為心理學呢?
唔知大家又點睇呢?
可否俾d意見我?
SandraLo 寫道:
004:
矯正壞行為,不外乎三種方法,按次序應該先試「讚」+ ignore 「唔俾反應」,最後至罸 (apply consequence)。
你呢個case必須小心處理,若你看完我建議方法,覺得自己未必做得到我教你的,就不要試!
你不能否認你是「縱容」他,因為你能夠讓這個情况持續了兩年之久,你明白他抓你是引你注意,但你依然給他成功,間接鼓勵了他的行為,而你的罸(即打),我猜是不夠痛,起不了作用,反而成為「互動」,完全失去打應有效用!如果他這個行為剛出現不久,要矯正很容易,但現在要改一個兩年的習慣,殊不簡單,必須三種方法一齊用。
有一個case (係twg)樓主問得好detail,而我由三月廿九日一直跟到四月中,請先花約半個鐘入番「小朋友大脾氣,可以點教」個topic找來睇,對你會有大幫助。
好啦!開始時每日日間至少「讚」四次,同佢講:囝囝好乖喎,冇抓媽咪,我地一齊食雪糕(任何佢鍾意的食物或活動),晚上瞓時捉緊timing,响佢抓你之前讚佢冇抓你,記得必須抓「之前」讚,而唔係抓咗先至話你乖啦唔好咁........如果怕讚唔切佢就出咗手,就預早少少,讚完一次,約五分鍾便要再讚!
如果你讚佢之後一段時間,佢都係忍唔住抓咗你 (唔該穿定長袖衫及戴手套),咁你唔好俾反應佢,即係唔好話,唔好鬧,唔好打,唔好嬲,亦唔好有痛嘅表情,一切如常,有空檔就照讚,如果佢只抓一、二次就唔再抓瞓咗,好好啦,到第二晚照做,幾日就成功,不過你個case應該冇咁易;如果唔得,即佢抓到第三次,就要好 firm同serious(但唔可以惡)咁同佢講:唔好再抓媽咪,再抓媽咪我就唔陪你瞓 (或者任何一樣佢care而又可以即時執行的罸則,比如罸坐埋一角五分鐘亦可,不過期間不可理啋他)。
你要揀一個星期五的日間開始「讚」,到晚上瞓時如果要罸(如果真係唔陪佢瞓),他必然會大喊,但你不可因他喊而改變之前由你自己定的罸則,因此擾擾嚷嚷的會搞到好夜,你要預咗同佢通頂!(揀星期五係因為第日唔駛返學) 總之講咗出口就唔可以收番,所以要考慮清楚至好決定罸乜。到星期六,日間一樣冇抓時讚,晚上重覆之前一晚所做的,他極可能都係喊(因被罰),但喊和扭的時間必定會慢慢減少。
解說:你這個case, ignore是一定要的,他這個抓你的行為其實是一種attention seeking,即使你打他(除非很痛),他也算是攞到你的attention,因此,首要的事,就是對他這個行為不作任何反應;相反,他不做這個行為時,便會得到你和爸爸的讚許,用讚來讓他是知道什麼是好的行為。
而罸方面,亦以唔俾反應為主,罸要即時和是他care的,例如罸冇雪糕食,如果佢唔係好鍾意食雪糕,咁係完全冇意思的,所以,你話佢黐你,你罸唔陪佢瞓,係最「入肉」,問題係你自已頂唔頂到,切忌講咗唔算,佢喊住認錯你又算數,變成只係嚇唔做,咁係唔work之外,重會前功盡費!
你明不明為什麼要這樣做?初步有沒有問題?先問了才開始做,重要同你老公有共識,一齊用同一方法至會成功!
p.s. 我係用手寫板,所以呢篇嘢已經用咗兩個鐘,希望你兩個禮拜可以搞掂!
004 寫道:
SandraLo
多謝你寶貴的意見! 我會按你的方法嘗試
仲有好感激你呀!
004 寫道:
SandraLo
報告 報告
呢幾日阿囝在日頭時明顯少了抓人動作, 但每當在入睡前的幾分鐘, 佢又不由自主地抓我, 動作頻密, 我同佢講任何嘢都無反應, 係都要抓才能入睡, 佢又俾我離開佢半步, 咁點算呢? :-|