夫婦情感

跳至

首頁
12

尾頁
   0


洋房

積分: 94


發表於 07-6-14 15:28 |顯示全部帖子

懷疑老公有女人,你會點做?

最返CHECK咗老公手提STATMENT,發現佢同個女仔勁傾電話,狂SEND SMS!仲神心過打俾我 晨早又傾,零晨又傾!其實個女仔我都識,叫SANDRA,係我C6舊同事!我地去過唱K,佢又上過我家玩BB!我一怒之下就問我C6,佢話我唔信佢,佢地只係傾得埋既朋友!咁我咪問佢點解狂SEND SMS,一日十個八個,佢就話係冇聊嘢!
其實我都唔知信唔信佢好!我自己都有正反POINT!
1.C6同我講過SANDRA鍾意佢,但佢已講清楚冇可能.
如果有嘢,C6都唔洗話俾我知啦!
2.C6會係我面前同佢傾TEL
3.C6有時都會同我講SANDRA既嘢
4.普通朋友有冇咁多嘢傾呀!又唔見同我咁好傾!
5.之前我發現佢DELETE咗D通話紀錄
6.但佢又會打俾SANDRA,叫佢幫手解釋,但我冇聽到
7.SANDRA住愉景新城,我發現C6 STATMENT CALL過綠的(夜麻麻)C6响旺角返工,我地住屯門,佢冇咩可能會搭綠的...

我而家個心好亂!如果你係我,你會點做?
BB歲幾渣!我唔想頭家就咁就BREAK!
係咪個個男人都要出去攪吓嘢至安落?
如果真係有第三者,你地試過俾機會C6嗎?

我覺得LEE個SANDRA勁有問題,明知C6有大有細,仲表白,都唔知咩居心?我C6成日話佢唔會有第三者,因為佢勁憎佢老豆.老爺有咗第二個就同99 DIVORCED!所以佢唔會攪女人喎!各位姊妹,我應該點做呀???


公爵府

積分: 28512

2019新春慶豚圓 2019勳章


發表於 07-6-14 16:13 |顯示全部帖子

Re: 懷疑老公有女人,你會點做?

坦白同佢講, 而加佢係有婦之夫, 要避忌下, 叫佢吾好再show佢, 同埋主要係會令你吾開心, 你同佢講, 調返轉頭, 你成日同個男人傾電話, 又sms, 佢個心舒吾舒服先


伯爵府

積分: 17461

好媽媽勳章


發表於 07-6-14 16:49 |顯示全部帖子

Re: 懷疑老公有女人,你會點做?

你老公表明話同個女人無野,
但又同佢勁煲電話,SEND SMS,
呢刻可能真係無野,
但個女人對佢有意思,
男人好易心軟,遲早出事.
尤其是當你地鬧交時,
佢覺得係屋企悶悶地.
所以,我諗應該叫你老公從依家開始避忌下,
你表明唔鐘意佢同個女人聯絡,
如果真係無野,你老公又對佢無意思,
你老公應該會尊重你,唔再同佢甘密切聯絡既...

你唔好同佢鬧交,但要表明唔開心,
慢慢同佢講清楚你會擔心,
為免有誤會,唔好再搵個女人!


洋房

積分: 94


發表於 07-6-14 17:06 |顯示全部帖子

Re: 懷疑老公有女人,你會點做?

我都有咁同佢講,但佢話佢地根本冇嘢,仲叫我唔好再提SANDRA,好似覺得我好煩咁!
佢話佢地係朋友,只不過SANDRA係女人之嘛


伯爵府

積分: 17461

好媽媽勳章


發表於 07-6-14 17:09 |顯示全部帖子

Re: 懷疑老公有女人,你會點做?

無野就最好啦,
如果無野就更加唔使成日傾電話啦,
有咩野,可以叫埋你出黎傾架!

係老婆都唔鐘意自己老公成日搵另一個女人架啦,
何況個女人仲表明鐘意佢tim!!


子爵府

積分: 11457


發表於 07-6-14 17:10 |顯示全部帖子

Re: 懷疑老公有女人,你會點做?

迷直接同佢講你唔鐘意隻sandra, 唔鐘意佢同隻野痴埋一堆, 隻野同佢表白過鐘意佢, 做男人就要避忌下, 佢話唔鐘意隻野, 為左隻野同老婆嘈值唔值呀??
願主與你們同在,也與你的心靈同在!


複式洋房

積分: 285


發表於 07-6-14 17:10 |顯示全部帖子

Re: 懷疑老公有女人,你會點做?

唔好怪我直接!
你老公本身都勁有問題LAW!野花四周圍都有,就明知人地對你有野都唔避忌就係佢既問題!
試想想如果你成日都D男性朋友傾電話又如何..係咪一樣都無所謂先!
佢個舊同事有問題就"緊"啦..因為有好多野花鍾意搞有婦之夫...鍾意同人爭下先好玩...!
所以..你應快D坦白同你老公傾..傾下你依家D感受..傾下佢係咪唔再想同你一齊...傾下係咪有D野應該去避忌下..!!做左亞爸..唔咪哩D咁既野都唔識呀...佢估自己仲係單身咩..


大宅

積分: 2339


發表於 07-6-14 17:21 |顯示全部帖子

Re: 懷疑老公有女人,你會點做?

佢呢個論點唔成立
我呀爺又係有二奶,搞到我呀嫲癲左,我老豆後生果陣又係勁憎呀爺,well,到左而家,我老豆咪又係出面有女人,佢當年見到自己呀媽咁慘,而家令到我呀媽咁傷心...

我媽話睇一個男人,要睇埋佢老豆...

離左題,我冇咩意見提供,不過勁憎果d明知人地有老婆仲搞人嘅女人,衰格!



我C6成日話佢唔會有第三者,因為佢勁憎佢老豆.老爺有咗第二個就同99 DIVORCED!所以佢唔會攪女人喎!各位姊妹,我應該點做呀???


子爵府

積分: 11457


發表於 07-6-14 17:28 |顯示全部帖子

Re: 懷疑老公有女人,你會點做?

松鼠仔 寫道:
唔好怪我直接!
你老公本身都勁有問題LAW!野花四周圍都有,就明知人地對你有野都唔避忌就係佢既問題!
試想想如果你成日都D男性朋友傾電話又如何..係咪一樣都無所謂先!
佢個舊同事有問題就"緊"啦..因為有好多野花鍾意搞有婦之夫...鍾意同人爭下先好玩...!
所以..你應快D坦白同你老公傾..傾下你依家D感受..傾下佢係咪唔再想同你一齊...傾下係咪有D野應該去避忌下..!!做左亞爸..唔咪哩D咁既野都唔識呀...佢估自己仲係單身咩..


同意~
完全係我想講~ 明知隻野鐘意佢, 仲要俾機會人 :tongue:
你真係要同佢講清楚, 唔好俾佢地有發展. 倒轉頭, 有條佬話鐘意妳, 成日痴住妳, 你老公都嬲啦~ 叫你條佬唔好咁cheap, 唔係送上門就要啃~ 竟然屋企有老婆有仔女, 做男人就要檢點, 惹人誤會就唔好喇~
願主與你們同在,也與你的心靈同在!


民房

積分: 29


發表於 07-6-14 18:02 |顯示全部帖子

Re: 懷疑老公有女人,你會點做?

人系虛榮既, 無論男定女, 有人同你講鐘意你, 但知你結咗婚, 唔系想破壞你, 只系想系你身邊守候, 唔系電影先有, 現 實大把..... 我都唔明個啲女人點諗, 講就話不會一齊...但始終都系傷害咗人.....

點解我咁口響, 因為我試過.....

情況同你差唔多, 所以我好明白你既心情..... 個女人重 12 點幾打我老公電話, 我聽個時佢又唔出聲, 佢系想比我知佢存在....最後打埋電話去我屋企.... 咁我打番比佢,佢又唔出聲....... 我問 C6 佢話人地打錯........

最後, 我同 C6 講, 真又好, 假又好, 我唔要做最後知個個,
如果你有女人, 唔緊要,同我講聲, 我會走, 不過啲仔女一定要跟我(我當時小朋友, 3 & 5 歲) , 總之我而家唔開心, 因為有件咁既事....

咁我個 C6 都算有良心, 第日即刻去改咗屋企&手提......
佢咁做系想証明比我睇, 佢系有心挽救......


我覺得你應該同你個C6傾下, 佢應該做番啲嘢去令你有信心, 其實朋友, 無可能緊要得過屋企......


當然, 我而家可以好輕鬆咁同你講, 但個時我都失晒控.... 好似行屍走肉咁.

但最緊要系C6肯同你傾, 如果佢一味話無嘢,但又繼續系咁, 你就真系要想想辦法.

感情既嘢, 少少摧化劑, 就一發不可收拾..... 千析唔好吵鬧, 唔系佢就有機會借題發揮.....

努力加油....




水晶宮

積分: 72603

2019新春慶豚圓 2019勳章


發表於 07-6-14 18:27 |顯示全部帖子

Re: 懷疑老公有女人,你會點做?

del


水晶宮

積分: 72603

2019新春慶豚圓 2019勳章


發表於 07-6-14 18:28 |顯示全部帖子

Re: 懷疑老公有女人,你會點做?

wxxyxn 寫道:
佢呢個論點唔成立
我呀爺又係有二奶,搞到我呀嫲癲左,我老豆後生果陣又係勁憎呀爺,well,到左而家,我老豆咪又係出面有女人,佢當年見到自己呀媽咁慘,而家令到我呀媽咁傷心...

我媽話睇一個男人,要睇埋佢老豆...

離左題,我冇咩意見提供,不過勁憎果d明知人地有老婆仲搞人嘅女人,衰格!



[quote]
我C6成日話佢唔會有第三者,因為佢勁憎佢老豆.老爺有咗第二個就同99 DIVORCED!所以佢唔會攪女人喎!各位姊妹,我應該點做呀???
[/quote]

無錯無錯~~~
d人成日話有其父別有其子,有其母別有其女,呢樣野我覺得係真架!!!!
之算,佢幾憎自已父母都好,始終都唔多唔少受左佢地影響,有樣野叫潛移默化,我以前個bf就係佢爸爸做錯事,之後仲掉低佢同佢媽咪唔理,佢做仔既勁憎佢爸爸,仲話佢無良心,發哂誓咁話一定唔會好似佢爸爸,點知到最後佢都係掉低左我~~~
佢同佢爸爸一椒都係無良心的人~~~
所以,呢個論點係唔成立既~~~


水晶宮

積分: 72603

2019新春慶豚圓 2019勳章


發表於 07-6-14 18:40 |顯示全部帖子

Re: 懷疑老公有女人,你會點做?

其實,唔使講咁多,你只要問番你老公,如果掉轉係你同另一個男人勁send sms,日又傾夜又同個男人傾電話,個男人仲向你表白,你問番你老公有乜野感受???佢係咪一d都唔介意???
如果真係普通朋友又點會向你老公表白???人地同你老公表白就唔止想做普通朋友咁簡單,你叫你老公唔好係度扮純情喇!!!
佢話你唔信佢,你同佢講依架擺明係唔信佢,要人信都要佢有值得人信的地方,佢依架同另一個女人傾電話仲多過同自己老婆,你話佢知問10個女人都無一個女人可以容忍自己個老公同另一個女人來往得密切,咁係邊個的問題???
大多數人都認為係佢有問題,你叫佢唔好再係度咁理直氣壯講佢d歪理喇!!!
依架好明顯係佢的行為有問題,叫人點信佢呀???


大宅

積分: 1967


發表於 07-6-14 18:57 |顯示全部帖子

Re: 懷疑老公有女人,你會點做?

有冇問佢call綠的係咩一回事?


洋房

積分: 94


發表於 07-6-14 20:33 |顯示全部帖子

Re: 懷疑老公有女人,你會點做?

我未問LEE樣嘢...
mrsegg 寫道:
有冇問佢call綠的係咩一回事?


大宅

積分: 1967


發表於 07-6-14 20:47 |顯示全部帖子

Re: 懷疑老公有女人,你會點做?

攤凍左就好難問,有野同無野只係一線之差,好問清楚佢喇


洋房

積分: 94


發表於 07-6-14 23:43 |顯示全部帖子

Re: 懷疑老公有女人,你會點做?

我老公因為7月尾有個比賽,佢而家有好多嘢煩!
佢PROMISE咗我賽後會待我好D,但佢話佢真係冇第二個喎!
咁我係咪應該俾D時間佢呢???
有時我都會諗,如果真係有第三者,係咪就要放棄LEE個家呢?
我成日CHECK佢都攪到自己好辛苦,快要崩潰了
唔知有冇姊妹有LEE D 唔愉快既經驗呢???


大宅

積分: 4794


發表於 07-6-15 12:39 |顯示全部帖子

Re: 懷疑老公有女人,你會點做?

我之前都做個第三者, 個男人係有女朋友, 後來我自已離開他.

其實我都唔想做第三者, 所以我離開了他, 但他都想同我一齊 ( 不過還有佢女朋友 ), 我走後, 佢都不停有找我, 就係1年後, 都找我, 又叫人送生日禮物到我公司給我, sent sms/email 一定都有, 但我唔會原諒佢, 因佢都唔係真心對我好, 同我真係覺得佢想2邊都可以一齊... 佢成日都同佢女朋友講大話 :

1) 佢同我出街, 佢女朋友打來, 佢就話自己係到行街
2) 佢星期六去完女朋友屋企, 即打比我 ... 約我.
3) 成日都同我講電話, 可以 晚上講到天光
4) 佢女朋友開始發現佢有的唔同佐, 心神 ...
5) 係我屋企, 就飛線, 佢女朋友打來, 佢會話自已係自己屋企

如果男人係珍惜眼前人, 就請給對方幸福快樂 .....


別墅

積分: 644


發表於 07-6-15 13:08 |顯示全部帖子

Re: 懷疑老公有女人,你會點做?

我好肯定話比你知,你老公都有心郁過,不過無膽,而個女仔同你老公講like佢...佢一出手你死梗....!因為我試過做第三者...所以我好明白。我而家結左婚,同老公講 :"如果你呢個朋友對你噤緊要...噤你同佢來往..我唔會阻止,不過你身邊既一定唔會係我.因為如果你堅持同佢做朋友,又再通電話,噤佢對你既重要性一定好高,既然佢令你覺得重要,噤我就多餘左。如果你明知我唔開心都要繼續,噤sorry,唯有我認輸。我唔會係你身邊•" 不過比個小tips係你一定要好認真同你老公講,一定要心平氣和,唔好發顛,最好兩個人出去食飯面對面講...重要打比佢約佢噤....因為噤樣先係好認真。
希望我既經歷幫到你。
:-? :-?


洋房

積分: 94


發表於 07-6-15 17:52 |顯示全部帖子

Re: 懷疑老公有女人,你會點做?

其實我已認定佢地有路...而家想諗一個好d既方法解決問題!
lee段時間好難捱,因為佢唔知我已經check咗咁多嘢!
我想等佢比完賽,去旅行最後果日同佢傾!我一定要佢約隻cheap精出嚟講清楚

有冇男人話俾我知,你地點睇?

首頁
12

尾頁

跳至