袁太 寫道:
唔好心急,三歲半又唔係好大。
我女三歲十個月介左,之後幾個月都無失手,佢依然臨瞓飲奶,所以我覺得唔關支奶事。
我起初都好心急,聽到好多人話兩歲三歲介片,覺得自己個女好慢,試過半夜叫佢起身去,初時好開心,真係無瀨,但係一唔叫佢起身佢又瀨,即係唔係佢自己得,而且影響佢睡眠質素,於是由得佢包片,同時鼓勵佢急就叫我同佢去,唔瀨就讚佢叻,漸漸佢識起身叫我,我就問佢唔包片好唔好,佢話得,幾個月後唔使半夜起身lu,9:30瞓到7:00。
每個小朋友機能發展唔同,要相信佢,唔好俾壓力佢,唔好同人比較,到佢得時就得架啦。