跳至

首頁
1

尾頁
   0


大宅

積分: 2084


發表於 07-6-16 22:04 |顯示全部帖子

仲餵緊人奶既媽咪 - 你地bb有冇唔肯飲水既問題?

我有d後悔嗰時聽人講, 餵人奶唔使飲水. 從營養角度我相信真係唔使, 但從實際考慮--> bb而家唔肯飲水, 我就好頭痛.
就算我勉強餵佢, 佢會好似噴泉咁噴晒出黎. 而家佢仲有d便秘問題: 之前佢每日有三次大便, 後黎變左一日一次, 近呢三日都仲未有大便!!! 雖然我聽人講, 話有d bb可以十幾日冇都ok. 但係我知道佢正常應該日日有(因為我自己都一日有幾次), 只不過係而家多左排便冇咁暢順既bb.
就算我將d果汁溝稀俾佢, 都係飲多幾啖.
唔知有冇媽咪有d好方法呢?
兒女是耶和華所賜的產業;所懷的胎是他所給的賞賜。詩 127:3教養孩童,使他走當行的道,就是到老他也不偏離。箴 22:6


大宅

積分: 3745


發表於 07-6-16 23:02 |顯示全部帖子

Re: 仲餵緊人奶既媽咪 - 你地bb有冇唔肯飲水既問題?

Ballballmami,

你係點餵水架, 用樽定係用匙羮 ?

我用樽餵都唔係幾得, 係用匙羮少少少少咁餵.
我覺得水就係水, 唔好溝其他野氹佢飲.

你bb應該都有食粥仔啦, 餵粥前後可以餵到多d架.

另外, 粥仔放多d蔬菜, 對排便有幫助.
諾諾食好多菜, 一次食半個節瓜, 或者半個粟米, 或者半碗菜.


複式洋房

積分: 113


發表於 07-6-17 02:19 |顯示全部帖子

Re: 仲餵緊人奶既媽咪 - 你地bb有冇唔肯飲水既問題?

ballballmami,

我bb又係唔飲水, 每朝早婆婆都會比一支水佢揸住, 不過佢玩多過飲, end up 飲左20ml都無(其實我估果20ml都係滴走左), 我都無晒符 臭bb就連粥同糊都唔肯食, 每日只食少少apple pureer & sweet potato, 奶奶又飲少左, 連帶我啲產量都少埋, 真係救命.

至於無便便呢個問題, 我同事教我一個方法都好work, 你試試:
話說我bb成2日無booboo, 明明睇佢好努力谷都谷唔出, 好辛苦, 同事話我bb係熱氣(因為夏天水份流失多, 水份補充唔夠, 再加上bb多少都會食啲雜糧, 容易熱氣) 佢教我買啲新鮮甘蔗+馬蹄+紅蘿蔔煲45-60 min. bb果朝飲完後下晝啲booboo就"her her"聲清晒出來. 不過呢個方法都係解決唔到根本的問題--唔飲水

btw, 多謝你介紹中醫比我, bb skin 無事喇. 而家仲keep住戒口(but成日破戒), 同飲中藥(有時會唔記得飲). 你bb好嗎?


大宅

積分: 2273


發表於 07-6-17 02:58 |顯示全部帖子

Re: 仲餵緊人奶既媽咪 - 你地bb有冇唔肯飲水既問題?

ballballmami,

我個囝同你果個case一樣, 不過唔好怪自己之前冇俾佢飲水, 我覺得呢d飲唔飲水都係天生嘅, 我見好多食奶粉b都唔肯飲水啦, 你應該慶幸你餵到人奶俾佢, 人奶80%係水份嚟架嘛.... 我囝囝大便冇乜問題 (touchwood), 一日有成兩三次, 而家佢已經"or"大人便便, 佢又唔飲水, 我又差不多收奶咁制, 而家早晚餵佢人奶當俾水佢飲咁咋, 不過佢肯飲湯同食生果, 你試吓俾香蕉你囝囝食呀, 我囝食到一隻蕉ga, 佢食完之後特別"or"得多d, 唔係肚"or", 係靚poo poo


大宅

積分: 3824


發表於 07-6-17 09:49 |顯示全部帖子

Re: 仲餵緊人奶既媽咪 - 你地bb有冇唔肯飲水既問題?

ballballmami,

我個囝囝之前都係冇乜俾水佢飲, 直至有次病左, 一定要飲多D水, 咁我地用針筒餵藥時都係用針筒餵埋水, 見佢都肯用針筒飲水, 到宜家一直都係用針筒餵咋..., 都算飲得幾好, 但唔知對你個B又work 唔 work呢..

至於大便, 佢日日都有食一至半個生果, 都ok, 多數日日有便便, 有時冇, 我會煲粥落多d菜, or俾牛奶蕉佢食, 都ok架...你可以試試...


大宅

積分: 1096


發表於 07-6-19 23:27 |顯示全部帖子

Re: 仲餵緊人奶既媽咪 - 你地bb有冇唔肯飲水既問題?

我囡囡好鍾意飲水架, 一日飲成碼有8安,
如果你地阿b唔肯飲水, 試吓葡萄糖或果汁之類俾佢地飲, 再慢慢溝淡佢, 睇吓會唔會成功

我囡囡都有便秘問題, 如果佢隔一日唔poo poo, 我地就會好緊張, 因為驚佢d poo poo好硬, 好辛苦疴唔出, 我囡囡試過疴到流晒血, 所以如果第二日好辛苦咁疴唔到poo poo, 我會煑意米水佢飲, 仲唔掂的話會用棉花棒'鳥'佢pat pat, 隔一陣就會有poo poo 架啦~~

bb唔可以俾佢隔咁耐先至有poo poo, 其實用番呢個道理响大人身上都有問題啦, 所以幾日先至有poo poo的話, 要唸唸計仔, 試吓俾多d菜和生果阿b食


複式洋房

積分: 433


發表於 07-6-20 00:32 |顯示全部帖子

Re: 仲餵緊人奶既媽咪 - 你地bb有冇唔肯飲水既問題?

我個仔可能因為而家食2餐杰粥, 佢一日飲成十几安水, 但佢要1-2日先痾一次, 又實又辛苦, 我呢2日都煲薏米水比佢飲, 但都冇咩幫助咁!! :-(


大宅

積分: 1096


發表於 07-6-20 11:08 |顯示全部帖子

Re: 仲餵緊人奶既媽咪 - 你地bb有冇唔肯飲水既問題?

Bebesilver
意米水太涼了, 如果飲咗二日都仲未有poo poo, 唔好再俾BB飲呀,
對佢地的腎臟唔好架, 間唔中飲一次半次就無乜所謂

如果仲未有poo poo, 試吓第二d方法啦:
1. 食大蕉
2. 食生啤梨
3. 用棉花棒+凡士林撩佢pat pat
4. 响粥仔度加多d菜俾佢食

首頁
1

尾頁

跳至