自由講場今日: 3751|主題: 1299566

收藏本版

發帖

返回列表

跳至頁

查看: 393 | 回覆: 2

太太癌病離世 - 我會與囝囝做一世朋友 [複製鏈接]

bryan-媽媽

大宅

積分: 2071

1^#

發表於 07-6-17 06:44 |只看該作者

太太癌病離世 - 我會與囝囝做一世朋友

有一些人，想盡辦法也留不住。五年前，蘇偉文的太太患癌，四個月不到便走了，他一個人帶兒子，學習「埋太太團堆」，本身是中文大學財務系副授的他，跑去念法律課程，只為跟兒子一起做功課，又推卻所有晚上飯局，留時間鑽研兒子至愛的 Keroro 。所有空閒時間，蘇偉文都分給兒子，因為心底，他知道孩子終有一天會飛走，擁有自己的天空。他最大的心願，是跟兒子做一輩子朋友，十年後一起念大學。

10 年後一起讀大學

蘇偉文是中文大學工商管理學院副院長，電腦屏幕一大片青綠，桌面牆紙就是出自 8 歲兒子手筆的軍曹 Keroro 。辦公室混亂，沙發半邊是文件，桌上地下都是紙張，細心看，卻會發現一些小玩意，像 Tamama 鐘、扭蛋、湯馬士火車頭，還有一個大紙袋，放一盒盒用花紙包好的禮物，蘇偉文說是給兒子的 "surprise" （驚喜）。太太 02 年癌病離世，蘇偉文湊仔雞手鴨腳，仔只懂用強，試過打兒子「 pat pat 」，結果孩子只記得痛，不記得誨；又試過兩仔爺鬥氣，蘇偉文不讓兒子食飯，整晚「你唔睬我，我唔睬你」。為多了解孩子，他一有時間就去接放學，跟太太團交換情報，夜晚盡量不去「無謂」的活動，「其實講真，咁多個飯局，真係多你一個唔多，少你一個唔少。」留在家的時間，他跟兒子追看了 150 多集 Keroro ，然後一起沖涼，互笑對方有肚腩，這位副院長還跑去念為期三年的法律課程，為的是做兒子的榜樣，可以大家一起做功課；臨睡前，他還會到訪兒子的「太空基地」，一起打怪獸。
「放假冇乜話去邊，家細路仔好忙，佢學緊游水，又做童軍。」去年兒子去夏令營，一去數天，小男子漢沒流一滴眼淚，「佢同我講，有 9 歲、 10 歲男仔都喊，佢自己就唔驚，我當放假，唔使理佢，好喇，甩難。」
蘇偉文口說得瀟灑，問他擔心孩子有天離開自己嗎？「過兩年，佢就閂埋門 MSN 啦，到 18 歲，肯同你食餐飯算係咁，唔係驚唔驚，咪同佢一齊 MSN 。」兒子今年 8 歲，他 42 歲，他已經作好部署，十年後兩人一起讀大學，「到時我唔做陪佢，我會讀自己興趣，一齊 canteen 食 lunch ，做佢朋友。」

8 歲仔「暗戀」女同學

最近兒子跟他透露有「意中人」，「佢話佢日冇飲果汁，畀個女同學飲，因為覺得人好可愛，好鍾意佢，個女同學踢波仲會坐佢旁邊，想搵人做女朋友。」夢中情人家住九龍城，蘇偉文鼓勵囝囝打電話給對方，請小女生到他們家玩，「咁你有冇問佢有冇鍾意你呀？」「冇呀，佢覺得我好煩。」兒子想交女朋友了，太太離世的哀傷，他是否已放得下？蘇偉文瞬間收起笑臉，把視線移向電腦屏幕，「過啦，已經比好多人好彩，我家淨係希望個仔健健康康，唔好做壞事。」

私人傳訊