曼谷5天之旅回來了 < 分享
剛完成輕鬆5天曼谷之旅回來啦, 行程無咩特別, 總括行程系hea吓hea吓咁就一天, 但都尚算充實, 最衰我個女唔多願行街, 成日話要返酒店, 因為可以游水, 所以我都無咩行過街, 亦咩都無買除咗“爸爸”, 坐TG, 酒店系Plaza Athenne
簡述各天行程各位參考下:-
第1天
TG機都OK啦, 飞機餐一般, 但唔難食!
安全到達酒店check-in后就馬上去拜四面佛, 坐的士40b , 有小小塞車, 四面佛唔太多人, 完成后就行去big-C買下野, 當然囡囡又系要食雪糕啦, 買咗小小野, 拖鞋, 零食,“爸爸”當然唔小得, 有些有85折, 跟住差不多6點半, 走去Nara食晚飯, 唔系叫咗好多野, 食物OK, 跟住就坐的返酒店, 休息一陣又走去Night Market行下, 點知行咗一陣, 個囡又叫走, 真系比佢激死, 無買任何野就走人, 好可惜, 不過個度開天刹價得好過份, 所以都費事講價就掂行掂過!
温馨提示: (1) 記得搭的士要系counter度登記, 400b就ok, 若佢寫$450, 記得同佢講only 400b。(2)若您入住這酒店, 早餐小朋友系350b, check-in就會同您講, 食早餐時要簽單計您幾多人食, check-out會同您計錢, 當然您可以選擇唔食, 早餐尚算豐富, 食物素質好!
第2天
當然食完早餐的例行活動系…游水, 個朝落過雨, 所以D水都幾凍, 泳池唔系全部可以被太陽哂到, 個泳池基本得我同個囡游, 好似變咗私家泳池咁, 游完水走咗去食法國餐, 不過唔系想像中咁好食, 重要個度冷氣唔多夠好熱。食完野, 就去Siam Ocean Center, 坐的士唔記得幾錢, 好似50-60b咁上下。個館都好新淨, 慢慢hea可以消磨半天, 我走時都6點, 各個展館或位置都有show但記住跟時間睇, 入場卷包一杯汽水及雪糕棒一支, 連4D電影及clean boat, 個人感受系小朋友好值得去。跟住緊系食雪糕, 同系MBK食晚餐, 食物OK, 最好食系猪雜面, 個湯底正, 泰式炒河, 猪手飯, 最平系這里食, 重有Mango juice 及西瓜汁, 食完就成8點幾9點, 個囡第一時間緊系話返酒店啦, 所以又系無行街…唉! 今次我地試坐tuk tuk車, 個囡好開心, 因為開得好快吓, 真系飞車架, 我個心真系驚驚地架, 好在安全返到酒店!
温馨提示: (1)去海洋館記得帶衫比小朋友, 冷氣好凍吓。(2)坐tuk tuk記得講價。
第3天
一早起身食過早餐, 約咗davit 8:00系酒店lobby等, 出發去Safari World, 坐的是7人車, 所以對我地一家三口系大咗小小, 夠哂寬敞。塞車大約1個鐘先到，咁davit就去買票，跟住就連人帶車開入動物園睇動物，由于坐私家車, 所以好接近動物, 隻鴕鳥就系間離, 睇得好清楚, 若坐佢地園內的遊巴就系好高及遠距離望下就走, 咁davit系慢駛, 等我地睇夠影夠相先開車，佢重對準餵老虎的時間跟住工作人員架車, 等我地睇下工作人員點餵老虎。大約都行咗成45分鐘, 時間好急要趕住入園內睇show, 而且show與show之間時間都好急下, 要快行架, 唔系就睇唔切, 重要系davit帶住行唔使睇地點, 又行捷徑先可以睇哂D show, 好在唔系真系好熱, 個囡都無話辛苦, 中間行過餵天鵝同魚, 小朋友當然開心啦, 好快就到咗2點幾3點去餵長頸鹿, 亦都系囡囡最開心, 我地一家三口第一次近距離見到長頸鹿, 囡囡餵到唔願走, 總共買咗三盆, 重要連地下的都唔放過, 攞埋比長頸鹿食, 大約玩咗半個鐘, 跟住睇埋最后一個show就要走, 個時大約系4點架啦, 走前當然又系食雪糕啦, 跟住坐7人車走人, 返到酒店5點半度, 個囡重話要游水, 我已經死咗, 當然系佢偉人的Daddy陪佢啦, 我就訓一訓先, 7點幾攪掂哂, 就去Mango tree食飯, 的士系50b, 食物都OK,唔知系咪我咀尖, 食咩都系普普通通咁, 食完就行下Silom, 唔多人, 行咗一陣大小姐又話要返酒店, 好在系naraya買咗幾個袋仔做手信, 個囡又話要坐tuk tuk車返酒店, 個囡好開心。
温馨提示:davit都好好人, 好笑容有禮貌, 全程問佢野都有問必答, 最后重送咗3隻象匙扣做紀念, 其實book davit都唔平架, 系您自己去的一半價錢度啦, 因為重要比tips佢, 佢系自己開車連導遊, 佢會幫您比買埋餵動物的食物, 咁計埋哂, 加埋tips, 4000b, 若人多攤分感覺會平D, 不過大家最緊要開心囉!
第4天
今朝我無食早餐, 當然走咗去做spa啦, 個spa好近big-C, join返老公同個囡比較方便, 個spa OK啦, 佢開頭太大力, 后來都OK, 做scrip + oil message + 熱草球 3個鐘 1600b+tips 200b(有coupon), 講真一分錢一分貨, let-relax pro好多囉!
做完spa打比老公約定時間系big-C等, 自己又走去行下, 睇下野打發時間, 佢地來到都點幾啦, 跟住走去Central, Zen行吓, 去左foodloft食野, 但D野唔好食又貴, 食咗少少就走人, 行下Zen, 又系買”爸爸”, 行下Central, 反斗城咁, 跟住又系食雪糕, 真系好正, 食得好開心。其實好多都減價, 但睇唔啱, 都咩買野, 走人行過去Central Chit lom, 睇下童裝, 但無減價, 無買野, 系Central food court 食下野, 買咗芒果糯米飯外賣, 系supermarket買吓手信, 因為明天就走, 返到酒店食芒果糯米飯…好正, 芒果好甜, 個囡食得最開心。同個囡試下搭BTS, 因為佢未搭過, 對佢來講好有新鮮感, 順利返到酒店。見都系9點度, 又走去night market行下，因之前落咗場雨, 所以唔熱, 行咗一陣又無收獲走人。
温馨提示:各位買”爸爸”的話應該big-C及Zen最抵, 因為zen可以取9折咭, 有9折，有些做緊7折, 不過要睇啱唔啱心水。
第5天
晚上7點機, 所以4點度就要去機場, 今朝食早餐食到好晏, Daddy同個囡就去游水, 我就走去行吓街, 買咗少少野, 12點啦…系Central World food hall 買咗雞飯, 抄河, 同芒果糯米飯外賣, 返酒店食, 返到去, 剛剛好游完水, 攪掂哂, 食埋野, 都成1點幾, 執好哂野, 就check-out, 放好行李, 又出發搭BTS去咗Emporium行吓食吓野, 當然唔少得雪糕啦, 個囡想買鞋點知無size, 跟走去買文具做手信給同學仔，個度無咩減價, 所以無收獲。時間差不多了, 要返酒店取行李去機場, 又系搭BTS, 因為好塞車, 快靚正，點知一出BTS, 好似開似落雨，拿拿聲行, 好在無濕身，上咗的車, 個司機立即開價話500b, 當然話400b 咁佢都OK, 行行吓好大雨, 系勁大, 好似石頭打落架車度咁, 真系驚驚地，好快30分鐘度就到機場, 個司機都OK有幫我地搬行李, 亦都行toll way, check 唔多人，但當我checkin時要求window, 佢話無, 因為已經有180個人check-in咗, 嘩個時都系唔夠4點半呀, 重要系有一個人要分開坐, 但都無計，攪掂哂, 周圍行下影下相就過關, 入到去又系影吓相, 睇下野。好去闡口都幾遠吓, 去到重有半個鐘先登機, 就攞零食消磨吓時間，若有小朋友系優先上機，這個安排幾好，最后有對男女系分開坐, 要求我地換位, 又換到個window坐, 真系唔知佢地點編位, 人地兩個人都可以分到咁開, 但又有一個window位, 好奇怪，安全到達香港，返到屋企系12點半度。
温馨提示: (1)若買咗group ticket, 真系要最3-4個鐘去機場, 唔系有可能要分開坐。(2) 我地late check out 系2:00, 您check-in時可以講埋, 睇下酒店安唔安排到。(3)星期五同星期六系勁多香港人, 之前個幾日直情無見過香港人, 大家都系weekend過去玩，食早餐好嘈。
終于完成曼谷5天之旅，雖然無咩買野, 但一家人開心開心食吓野玩下休息下, 使錢亦唔多，行程亦自由充實，大家都好開心。
預祝大家旅途愉快，開開心心。
________________
KiuKiu媽媽
發表於 
睇見你係動物園玩得咁開心, 貴少少都值得既 
返回列表
