Baby Kingdom - 親子王國 香港 討論區 › 首頁 › 自由講場› 請不要再回應

自由講場

收藏本版
發帖
返回列表
跳至頁

首頁
12345...13

尾頁
   0
麟媽媽


王國長老

積分: 82372

好媽媽勳章 王國長老


21#
發表於 07-7-11 16:18 |只看該作者
其實餵奶粉既媽媽唔使咁敏感，
佢講人奶好，係事實，但如果無人奶，
佢都無話餵奶粉唔好，係大罪咁啫。
個節目只係講好多人倚賴左奶粉，
幾歲人仔唔肯食野，廣告離譜到叫人飲奶咁啫。
其實香港人大部份都餵奶粉多，
咁做吓呢D 節目加強吓都無可厚非的，
不要自己無餵人奶便自責，
如果媽媽飲食唔健康仲餵人奶先要自責啊！
只要當係一個資訊節目咁睇咪得囉，
無必要將自己對入，再繼而感覺比刺中喎。
私人傳訊

召藥師


超級版主

積分: 54804

2024年龍年勳章 2024勳章 2023年兔年勳章 2018父親節勳章 2018母親節勳章 熱血金章 精緻種植勳章 好媽媽勳章 超級版主 2011至尊種植勳章 環保接龍勳章 大廚勳章 BK猜猜猜慶中秋 hashtag影視迷勳章


22#
發表於 07-7-11 16:20 |只看該作者
其實奶粉當然冇母乳咁好，依個節目目的都係想糾正唔少媽咪以為奶粉好過人奶ge錯誤觀念，我阿媽就係咁，一來佢要返工，二來覺得奶粉好營養好吸收過人奶，我個妹同細佬連食奶粉都係阿婆餵，搞到佢地兩個自細都唔多親我媽，亦有過胖現象(我細佬十幾歲就200磅，自細都減唔到肥)。

到我自己生細路，生大仔時冇經驗，唔上奶，仲食到我損哂流血，忍唔住餵左奶粉，後來我再堅持日日訓身餵，先可以一半人好一半奶粉份量，而個仔7個月時成身同面都起濕疹，多到要睇醫先塗類固醇先得，而佢而家都久不久會病。

至於個女，我由佢一出生就堅持餵人奶，初初個3日都上唔到奶，得好少奶水(少少黃色)，護士仲話佢輕左，但我唔理咁多，我堅持埋身餵，一d奶粉都冇餵，第5日就上奶，仲食唔哂要唧出黎。佢同阿哥ge分別係，佢嬰兒時從冇便秘，亦冇濕疹(醫生話好大機會係食奶粉引起)，少病痛，而且身體吸收食物營養好過大仔，另外同大仔分別係，個女更加親我，關係非常密切，依d係我媽生我同我幾姐弟都唔會建立到ge關係。

其實睇依類節目，目的都係要自己反思，我覺得佢冇話歧視餵奶粉ge媽咪，只係想各位媽咪係餵人奶或餵奶粉之前能作長遠考慮，唔好因廣告或自己一時軟弱就輕易放棄餵人奶。(有d媽咪會因為怕餵奶令乳房走樣而餵奶粉，又唔知餵人奶反而減低患乳癌機會)
盡我一己之力，發放正能量!
私人傳訊

ydoris


侯爵府

積分: 22724

2024年龍年勳章 2024勳章 2023年兔年勳章


23#
發表於 07-7-11 16:21 |只看該作者
我2個小朋友都係食奶粉架...咁多人都係食奶粉大架啦,人人都有問題咩.吾知點解突然間咁多資訊話奶粉有事wor~推行母乳係一件事,喂奶粉都係另一件事,吾應該將一樣野踩低去抬高另一樣野lor~其間有無一些相反既野係無提出來而只係講晒d好處呢??
私人傳訊

silvia_ng


伯爵府

積分: 15216

畀面勳章


24#
發表於 07-7-11 16:22 |只看該作者
其實餵人奶既唔係聖人, 唔餵既唔係罪人。大家睇開d就得啦。其實個節目都係話d奶粉商吹噓到食左佢隻奶粉有幾好幾好je, 都冇講過話餵奶粉唔好。只不過話唔好盡信佢地所講既野而信佢好過自己既奶je, 因為有d人會真係信架麻。(d廣告差d未話食左佢隻奶粉識飛........ )
不過當然大多數人都係無可奈何去選擇餵奶粉, 因為要休息, 要返工, 有病餵唔到....等等.....
樓主唔好唸咁多, 亦冇必要嬲。
btw, 我都係奶粉媽媽, 嘻嘻!

http://www.edu-kingdom.com/?10928
教育王國個人空間
私人傳訊

1928mickey


寶石宮

積分: 415537

2018父親節勳章 2018母親節勳章 2018復活節勳章 15週年勳章 親子王國15週年勳章 親子王國15週年勳章 畀面勳章 BK猜猜猜慶中秋 BK Milk勳章 hashtag影視迷勳章 最關心BB問題熱投勳章 美好大世界2017勳章 開心吸收勳章


25#
發表於 07-7-11 16:23 |只看該作者
要配合整埋授乳室比d 媽咪
我見過有媽咪坐在實惠梳化餵人奶
私人傳訊

ha8mo


禁止訪問

積分: 25495


26#
發表於 07-7-11 16:23 |只看該作者
提示: 作者被禁止或刪除 內容自動屏蔽
提示: 作者被禁止或刪除 內容自動屏蔽
私人傳訊

++E


別墅

積分: 691


27#
發表於 07-7-11 16:48 |只看該作者

餵奶粉有錯嗎?

原文章由 silvia_ng 於 07-7-11 16:22 發表
其實餵人奶既唔係聖人, 唔餵既唔係罪人。大家睇開d就得啦。其實個節目都係話d奶粉商吹噓到食左佢隻奶粉有幾好幾好je, 都冇講過話餵奶粉唔好。只不過話唔好盡信佢地所講既野而信佢好過自己既奶je, 因為有d人會真 ...

但係 D 奶粉公司打電話比我既時侯都有叫我餵人奶喎, 佢地都好主張餵人奶, 仲話如果餵唔到先考慮食奶粉:idea:
私人傳訊

mylulu007


伯爵府

積分: 15536


28#
發表於 07-7-11 16:50 |只看該作者
我miss左果集，我囡囡都係食奶粉大。

記得2005年，囡囡未出世，我有位人奶mami朋友，已把餵人奶的用具�知識�秘決一一教晒俾我，當我好有信心要做全人奶mami時，囡囡開刀早左出世（38wk），我已經好努力o係床度都要即刻餵奶，點知.....無奶就係無奶！

o係醫院果4日3夜，我受盡姑娘白眼，我覺得點解人人都餵到，人地bb食完瞓埋，我都仲係努力咁suck bb頭仔落個lin度，姑娘係咁卒的個乳房（無lubicant），我乳房俾佢粗暴對侍，又紅又腫痛到眼淚都標出來，次次餵奶後都忍不住哭。到第2朝清晨6點，我call奶奶妈咪（佢地仲zz緊，好彩不嬲同奶奶好關係）煲晒所有可以開奶的湯水來，我連代茶都無飲，以湯代水，但係都唔覺好左去邊，朋友叫我唔好咁，開刀唔可以飲咁多魚湯，我唔理，因為情緒已經失控，姑娘問要唔要補奶粉俾bb，但又話bb食左奶粉會唔肯埋身（因為仲有2日至出得院），如果唔係缺水，我都唔補。直至出院，我都唔俾bb食奶粉，而因為姑娘話食人奶唔須要俾水bb， 我個囡出院後第3日返得健康院，已經即刻要睇醫生，去番醫院兒童病房，因為體重比出生跌了17％（姑娘說好嚴重了），我才知自己為了餵人奶差d害左bb一世，如果佢因為缺水，永久影響左身體機能，我想我會內疚一生。

之後出院只好硬住頭皮餵奶粉，再pump人奶入樽俾bb食，當中都有埋身餵，但係囡囡真係食唔到，攪到佢無得瞓我又餵到出晒汗（果時係x’mas time）。餵到3個月，真係pump 5次夾埋都當唔到一餐，我迫住放棄。

如果我係呢段時間見到呢條片.....我唔敢想像會有幾down，甚至做出更激行為後累了bb有更大傷害。

後來回醫院見姑娘，果個姑娘後生到不得了，連代茶係乜都唔知，淨係一味叫我飲多d水（連湯都唔好飲，要飲水），o下o下用個"世衛組織報告話....."黎支持佢廢up既野。 我至醒覺，原來呢班人真係只是"打份工"，佢地係唔識為人母親心情，一味只懂將政府想的方針，強加在新生兒母親的身上，佢地根本係機械人，不是用心的，我才是bb的媽媽，沒有人比我更加了解bb。

此後心情才好起來，不覺得食奶粉是不好的事，只要bb快高長大便滿足。

現在我懷著第2胎，我不怕這次也做不成全母乳mama，但如受到不人道�不合理對待，我一定不會再對院方客氣！
私人傳訊

Sindy


珍珠宮

積分: 33486

好媽媽勳章


29#
發表於 07-7-11 16:56 |只看該作者
我生最尾呢個仔之前,有朋友同我講....牛bb飲牛奶, 人(bb)梗係飲人奶啦.....我覺得呢句說話百分之二百正確,仲有....點解d牛有咁多奶呢?係咪加左激素呢?有人話我知,人奶係最易被bb吸收的,即使奶粉中加左DHA/ARA都好,係咪百份百被吸收呢?唔係既話,吸到幾成呢?之前話講到奶粉好似咩都得咁,連唔食飯都ok,係咪過左龍呢?吹噓到奶粉可以有咩神奇功效,醫生都話啦,呢d唔係藥,成效有幾多呢?我都係飲奶粉大,到而家都好似無咩唔妥,以前我個年代,十個有八個都係食奶粉大,都係奶粉有咩唔好都唔講,而家d人就誤以為奶粉好過人奶既大有人在,而且好難改變佢既諗法,如果有人話奶粉係好過人奶,我真係無咩說話好講,但睇落大家都覺得人奶好處多過奶粉,只係自己有不同既問題而餵唔到,咁係咪應該再由得奶粉商係度誤導公眾呢?
私人傳訊

rubytang


子爵府

積分: 12706


30#
發表於 07-7-11 16:57 |只看該作者
原文章由 Teresa 於 07-7-11 16:15 發表
我對個節目冇乜comment, 我都知人奶係好. 不過, 唔係想餵就餵到.

我個仔出生時係緊急開刀, 我仲發燒. 生完之後日幾至上番病房. 當時我根本冇能力餵人奶 (雖然我一心想餵). 姑娘梗係比左奶粉bb食先啦.

...


Teresa,

我同你既情況都係一樣, 我都係開刀生,
跟住又係無奶上到, 我第2日可以落床
就第1時間去學點樣餵人奶, 個傷口痛到不得了,
直情好似俾火燒咁痛, 但我都無理,
因為生之前成日俾d 醫院既姑娘洗腦,
話要餵人奶先至好, 我又第1胎乜都唔知,
就以為人地咁講, 就一定要咁做,
我又硬頸, 堅持一定要餵人奶,
結果住1個星期醫院, 我又無奶俾bb食,
但d姑娘話, 唔緊要架, 初生bb食好少架咋,
你試多d, 佢啜得多, 你就自然會有架啦~

因我同姑娘講左要餵人奶, 咁d 姑娘就唔會幫你補奶粉,
就係咁, 我個仔成日都餓到喊, 仲要喊到成身紫晒果隻,
我媽同姑奶不停咁勸我, 話咁樣會餓親個bb,
跟住返到屋企, 亞bb 仲不停咁日喊夜喊,
我都餵唔到, 都係一滴都無得出,
亞b 咬到我兩邊出晒血, 都係無,
咁我有時惟有用奶粉補俾佢, 因我怕真係會餓死佢~

就算個傷口不停咁痛到死, 後來因為爆線, 又要去e院搞,
我兩個乳房又流晒血, 我日日都飲好多湯水,
包括話咩野木瓜湯, 魚湯一大堆, 都係一滴奶無,
我開始心情好差, 成日喊, 覺得對亞b唔住, 點解無奶去餵佢~
後來, e 生同我講, "依家d 奶粉都係好好架,
你唔好覺得有罪咁, 你都唔想架,
我見你都努力左2個幾月, 但都係無奶既話,
唔好再免強自己啦~"
跟住同佢傾左都成個鐘頭, 個心先至舒服番d,
後來, 我係果日返到屋企就開始俾奶粉佢食,
咁佢就無喊得咁緊要囉~
我姑奶就話我, 一早叫你餵奶粉, 又死都唔肯,
搞到亞b 咁慘~ 果刻, 我又後悔到死, 點解自己咁傻,
有時都要搞清楚, 實踐 與理論其實都有距離架~

到我生細仔時, 我一於有理無理, 叫姑娘俾奶粉,
仲要幫我湊埋, 夜晚我唔再好似之前咁, 夜媽媽都走出去餵,
一於自己訓夠, 休息夠先, 唔係話唔餵佢就唔愛佢,
但唔一定要自己周身骨痛, 又攰又流晒血咁先至叫做愛佢架~
我諗如果亞b 當時知道既話, 佢都唔想媽媽用呢種方法黎愛佢囉~
所以, 我生大仔時既血淚史, 真係講十日十夜都講唔完呀~
私人傳訊

mandy1227


複式洋房

積分: 419


31#
發表於 07-7-11 17:00 |只看該作者
我當初駝住bb時就知道餵人奶嘅好處,已經堅持生bb後一定要餵人奶,但我又無諗到原來餵人奶係需要配合好多嘢,唔係你話餵就一定餵到。記得生bb前係醫院已經同姑娘講bb出世要食人奶,但係因為第一胎關係,未有咁快上奶,始終都係要補奶粉,結果到第四日先谷奶,但係bb啜慣奶咀,已經唔識埋身啜喇,但谷奶又谷得好痛,阿b死都唔肯啜,我就痛住咁喊左兩日,老公已經叫我放棄唔好迫到自己咁辛苦,但我完全無諗過會有乳頭混淆呢個問題,果時真係好唔開心。一到餵奶時間,我就迫阿b埋身啜,佢係不停咁喊,因為肚餓,又唔識啜,經過幾日痛苦嘅折磨後,阿b終於肯啜,但可能佢有過痛苦嘅經歷,佢唔係好肯食奶,次次都係五至十分鐘就放棄,果時我都堅持唔補奶粉,希望佢食全人奶,抵抗力可以強d,佢條生長線仲係不斷咁趺,可能食得少,但我都持續左全人奶兩個月。但係結果又點,又話人奶對身體好,食人奶bb少d病痛,我阿b就係個幾月嘅時候發高燒入左醫院住左五日,就係因為我病,仲要埋身餵佢食人奶,令佢感染到病菌。我果時真係好自責,係我令到阿b要入院,仲要抽左好多血,一日打幾支針,聽到佢爭扎嘅喊聲,令我更加內疚,覺得對佢唔住,果時真係有少少產後抑鬱。就係因為阿b入院,我又要廿四小時陪住佢,無時間泵奶,結果就無奶,要食奶粉,開始時我都仲好自責餵唔到人奶比佢,但係佢而家6個幾月喇,好彩都無病無剩,我先睇開左。但係而家電視又講到食奶粉好似會害左個bb咁,咁遲d如果阿b又有病,咁我係咪又要怪自己無比到最好嘅人奶佢呢?我覺得係有誤導成份。
我覺得餵人奶係有好多好處,但係真係唔好比咁大壓力自己,真係唔係個個都可以餵到人奶,餵唔到咪餵奶粉囉,以前好多人都係食奶粉大,又唔會話真係有好多病痛呀!
私人傳訊

Sindy


珍珠宮

積分: 33486

好媽媽勳章


32#
發表於 07-7-11 17:02 |只看該作者
原文章由 mylulu007 於 07-7-11 16:50 發表
淨係一味叫我飲多d水（連湯都唔好飲，要飲水）


飲水真係得架.....我生第二個時,因為無奶同唔識,所以餵唔成人奶.....但生左第三個時,成日都好口乾,所以飲好多水,誤打誤撞,谷到赤赤痛,唔係無道理架
私人傳訊

kayingivy


伯爵府

積分: 18129

好媽媽勳章 醒目開學勳章


33#
發表於 07-7-11 17:04 |只看該作者
原文章由 mylulu007 於 07-7-11 16:50 發表
我miss左果集，我囡囡都係食奶粉大。

記得2005年，囡囡未出世，我有位人奶mami朋友，已把餵人奶的用具�知識�秘決一一教晒俾我，當我好有信心要做全人奶mami時，囡囡開刀早左出世（38wk），我已經好努力o係 ...

我都有睇，睇完個心都好唔舒服，我都好想餵人奶，個仔初初都肯埋身，但係無奶就無奶，由最初佢飲到好似醉o左咁（只得第一次，o個次之後真係下決心餵人奶），但係我開刀，阿b又係bb房，唔係成日過度去，唯有jar奶，係醫院都好d，但我出院後就無奶，仲要連續兩日返醫院睇仔，到阿仔都出埋院，真係無得出，之前一日都有8安，之後一日都冇2安，餵得半個月，真係好唔開心，我都好想俾人奶，但係無就係無……:-(

私人傳訊

silvia_ng


伯爵府

積分: 15216

畀面勳章


34#
發表於 07-7-11 17:05 |只看該作者
原文章由 ++E 於 07-7-11 16:48 發表

但係 D 奶粉公司打電話比我既時侯都有叫我餵人奶喎, 佢地都好主張餵人奶, 仲話如果餵唔到先考慮食奶粉:idea:


咁佢地d姑娘要咁講架, 我唔知佢同你講0-6既奶粉定係幾大, 因為世衛唔比佢地送0-6奶粉架。
如果6個月以上既奶粉, 咁就可能係姑娘好人事啦。因為廣告d野, 信佢一成, 衰足全程啦。
做呀媽選邊隻奶粉, 都係聽口碑, 睇下邊隻食左會屙屎辛苦/熱氣/臭/油膩/.....明智既都唔會理佢有幾多廣告。
http://www.edu-kingdom.com/?10928
教育王國個人空間
私人傳訊

bbdou


男爵府

積分: 8493


35#
發表於 07-7-11 17:08 |只看該作者
各位奶粉媽咪唔需要咁激氣，我自己係人奶媽媽，曾經有段時期因為某d原因，我個仔都食過兩、三個星期奶粉。因為兩樣都試過，所以都體會到其中的分別。

節目針對的只是奶粉商的宣傳太過火，令到好多人誤會奶粉比人奶仲要好，從而令到香港社會大部份人都視母乳媽媽為異類，係唔正常的。人奶bb身體係唔係好d，唔係淨係睇bb時期，而係係佢成長期間都有好的影響，人奶bb都會病（邊有可能唔病呀），奶粉bb都會病，但病起上來，人奶bb有媽媽俾抗體佢，會快好d，呢個都係事實。

我都明白有d媽媽有種種原因餵唔到母乳而俾bb食奶粉，但諗多少少，如果唔係奶粉商的宣傳令媽媽覺得奶粉同母乳一樣咁好，甚至比母乳還要好，媽媽會唔會咁輕易就放棄餵母乳？如果政府落多d力宣傳母乳對bb同媽媽的好處，等多d人知道母乳其實係有好多奶粉冇的成份，有一d奶粉永遠都冇辦法加到入去的成份，母乳係會跟隨季節同bb的需求而調節最適合的成份，母乳對bb同媽媽長遠的好處，我諗會有部份媽媽會對餵母乳增加多少少堅持，唔會太容易就放棄。試想下好耐之前，未有奶粉、未有煉奶，bb如果唔係有媽媽餵佢食奶，佢就會餓死，做媽媽的會不會好像今天的媽媽一樣那樣容易就放棄？

奶粉bb一樣可以健康成長，精靈活潑，不過我揀左餵母乳，因為我相信母乳比奶粉更適合人類的bb。
私人傳訊

kayingivy


伯爵府

積分: 18129

好媽媽勳章 醒目開學勳章


36#
發表於 07-7-11 17:15 |只看該作者
原文章由 silvia_ng 於 07-7-11 17:05 發表


咁佢地d姑娘要咁講架, 我唔知佢同你講0-6既奶粉定係幾大, 因為世衛唔比佢地送0-6奶粉架。
如果6個月以上既奶粉, 咁就可能係姑娘好人事啦。因為廣告d野, 信佢一成, 衰足全程啦。
做呀媽選邊隻奶粉, 都係聽 ...

唔係o番，我之前收到兩罐1號奶粉喎?-(

私人傳訊

bb2


翡翠宮

積分: 85791


37#
發表於 07-7-11 17:18 |只看該作者
其實聽到人地話可以餵人奶比bb飲我都好羡慕, 我都好想餵人奶比我小朋友, 可惜我都係餵唔到, 曾經好努力咁去試, 但都係失敗…..果時係醫院一聽到姑娘話到餵奶時間就好担心, 又驚無奶, bb又唔肯食……差d搞到抑鬱添…..:(

希望大家明白選擇餵人奶同奶粉都係基於自身及環境的不同因素, 無話邊種選擇先係啱邊種選擇係錯! 我雖然係餵奶粉, 但係我同所有媽咪一樣都希望可以將最好的給我小朋友
私人傳訊

麟媽媽


王國長老

積分: 82372

好媽媽勳章 王國長老


38#
發表於 07-7-11 17:19 |只看該作者
mylulu007,
你間醫院咁支持餵人奶，好過我嗰時了！
我間醫院只準入餵奶房餵人奶，唔係feed on demand，
我開刀佢地已經餵慣左樽… 亞仔埋身根本唔食。
開刀又唔上奶，我一味用熱毛巾擦個胸，
再不停用pump，因為沒有持續吸吮，係唔會上奶的！
我因為成日用濕毛巾，攪到病左仲發燒，
佢地唔比我入餵奶房，我唯有自己入育嬰室pump，
但醫院又唔幫我留奶，D 咁有益既初乳咁又晒左了….
我每晚半夜都堅持落去pump 奶，有個修女見到，
叫我唔好咁喇，坐月咁太辛苦好壞身子，
但當時我唔覺得辛苦，只覺得需要咁做，
無得埋身餵，回左奶咁再無機會了！
最終連我媽咪都鬧我，話我咁樣壞晒身子，老了點算！
我見佢唔支持，我終於哭了…我話我不明白….
我都係食你人奶大的，點解你唔支持我….？
媽咪話因為你係我個女，我肉赤同埋心痛！
咁我話嗰個都係我個仔，為左佢我唯有咁樣做！
最終我又喊，我媽咪又紅晒眼，再無阻我了。
亞仔始終都唔埋身食，我係電pump 奶媽，
維持了3 個月，要返工…加了奶粉，
demand 少，supply 自動變少，5 個月時回奶了。
私人傳訊

shah


伯爵府

積分: 17739

魅力王子


39#
發表於 07-7-11 17:20 |只看該作者
原文章由 ha8mo 於 07-7-11 16:12 發表
記得舊年陪老婆去D產前講座，席間有人問餵人奶好定奶粉好，個醫生開口第一句話：「宜家D宣傳搞到餵唔到人奶係罪過咁！」

我老婆係完全冇奶出到，個仔一滴人奶都冇食過。生完過兩日，老婆外家已經俾D唔知乜鬼 ...


my son is breastfeeding new born to 13months,

so far he really strong and not easy to sick....
私人傳訊

crystal888


男爵府

積分: 9006


40#
發表於 07-7-11 17:24 |只看該作者
我都無睇呢一集呀. 我唔知道內容係咩.

其實到頭來, 有邊個唔係為左個BB好呀, 就係因為為左個BB好, 先會有咁既反應.

首先申報左先, 我係半人奶媽, 因為唔多夠阿仔食, 一路都係人奶, 同奶粉各半左右, 餵到8個幾9個月, 自然咁give up.

首先, 我唔覺餵奶粉, 係問題, 我都餵緊. 不過, 人奶又真係有好多好處. 不過, 舊觀念, 真係好多人覺得人奶唔及奶粉, 所以, 社會上的正確資訊, 適當傳送返出來, 我覺得無咩問題.

講真, 我餵果幾個月, 都成日遭人白眼, 真係有同事(係人阿媽) 問我幾時唔pump 奶. Well, 我心諗, 呢D係我既事, 點解要同你交代呀. 公司, 亦有好多古怪的目光, 大佬, 無返咁上下EQ, 都撐唔住呀. 亦試過, 係街餵, 係餵哺室, 都俾人話我阻住, 搞到佢地無得同BB換片. 我地人奶媽的支援, 真係好唔足夠.

不過, 我亦唔會免強自己, 餵唔到, 都無計, 搵代替品, 唔通餓死阿B咩. 我身邊都有好多人餵唔到, 唔通覺得佢係罪人咩.

我覺得餵到人奶, 某程度上, 我都會覺得幾光榮, 因為係現在的社會, 又要返工, 又要湊仔, 仲要餵到人奶, 真係天時地利人和再加上好耐力.

不過, 餵唔到, 真係唔俾罪, 請非人奶媽媽, 不要怪自己, 我們有代替品, 奶粉, 你們都係為了BB好, 不要俾太大壓力自己呀.
小豬獻醜123

私人傳訊


首頁
12345...13

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見