自由講場

跳至
   0


禁止訪問

積分: 5989


發表於 07-8-3 10:06 |顯示全部帖子
提示: 作者被禁止或刪除 內容自動屏蔽


大宅

積分: 1708


發表於 07-8-3 16:32 |顯示全部帖子
三年前我搭過火車去北京。 車票分三種:

1. 一個包廂兩張床 - 價錢最貴,拍得住飛機價。
2. 一個包廂四張床(兩張上下格)
以上兩種都有門鎖(只可以入面鎖上)。 但是,如果你有三個人,俾三位錢坐四張床包廂而列車又滿座,佢有可能安排一個陌生人跟你同一包廂。 買票之前最好問清楚列車是否爆滿。 如果唔滿佢地唔會安排陌生人同一個包廂。

3. 一個廂六張床(兩張上中下格)
呢種車票最平,不過冇門,六個陌生人迫埋一齊。 另外,每格床位太矮,日間唔可以坐在床上,只可以在狹窄通道上行行企企,好辛苦,所以絕對唔建議你坐呢種。

第一同第二種包廂是在同一卡,第三種又在另一卡。 卡與卡之間可以通。 不過,包廂卡第一間房係車務員,佢地見到非包廂乘客徘徊都會問佢搵邊位。

京九列車經廣東,湖南,湖北,河南再到河北。 如果冇記錯,每個省停一個大站。 停站時,乘客可以下車在月台走走,月台用膠帶攔開,有穿制服的人在月台同路軌兩旁把守,當地人是不可以接近列車。

至於衛生就一般。 床舖冇異味,但唔係雪白,好似大陸二三星酒店級數。 廁所係踎廁,每卡有一格有三個洗手盆,冇浴室,唔可以沖涼。 每個包廂派兩個熱水壺,要自己出去工作間斟水。 餐卡有飯菜賣,衛生可以,味道麻麻,唔奄尖都可以接受。

記住,每張床係好窄,緊緊夠一個大人瞓,有三歲以上小朋友都要預一個床位俾佢。

原文章由 mocha 於 07-8-3 10:06 發表
請問有冇人撘過火車上北京或上海,請問車上的情況可以嗎,會唔會有危險,衛生情況可以嗎?


禁止訪問

積分: 5989


發表於 07-8-4 13:25 |顯示全部帖子
提示: 作者被禁止或刪除 內容自動屏蔽


大宅

積分: 1708


發表於 07-8-5 09:30 |顯示全部帖子
歐洲火車我就未搭過,不過,我估差好遠。 沿途無內地人上車,安全我就覺得冇問題。 時間梗係搭飛機快喇。 我搭嗰陣鐵路未提速,足足搭咗24個鐘,一家三口落車後暈咗半日火車浪。 喺北京出站後亦都冇明確指示,搵的士搭都搞咗一輪。

搭京九線係我夢想,所以我好enjoy。 如果你唔係特別鍾意搭火車,或者帶住幾歲小朋友,我都唔建議你搭。


原文章由 mocha 於 07-8-4 13:25 發表
謝謝你咁詳細的資料,情況好似唔係咁好咁, 床舖同食..我都諗住自己帶, 所以唔係問題. 只係怕同陌生人一同瞓..同安全問題...唔知停d大站,會唔會有人上車呢?

因我以為會同歐洲的火車差唔多,但聽落又好似 ...

[ 本文章最後由 GreyParrot 於 07-8-5 09:39 編輯 ]


跳至
熱門主題