跳至
[2007年] 救救我呀
   0


大宅

積分: 2614


發表於 07-8-3 14:51 |顯示全部帖子
阿囡厭奶已經兩個月有多,依家餐餐只肯飲3安奶,一日夾埋都唔夠20安,每次都好辛苦咁餵佢飲奶,昨晚終於忍唔住我喊住咁餵阿囡食奶,攪到我老公都唔知點算好,我都覺得自己d情緒好鬼down。
依家阿囡仲學埋份嘔,總之個奶咀一放入口就嘔,未飲都嘔,攪到我都唔知點做好,我已經煲著開奶茶,又"初"肚仔,都唔見有咩好轉。
我已經試咗成個月比阿囡食糊仔,又係次次用條脷頂番晒D糊仔出嚟,好似完全唔識吞嘢食咁,我都唔知可以點做,奶又唔飲,又唔識吞嘢食,都唔知佢想點,我就嚟發癲啦:-( :-( :-(

[ 本文章最後由 yatyat07 於 07-8-3 16:06 編輯 ]


禁止訪問

積分: 20403


發表於 07-8-3 15:26 |顯示全部帖子
提示: 作者被禁止或刪除 內容自動屏蔽


別墅

積分: 795


發表於 07-8-3 15:27 |顯示全部帖子
你唔好咁啦!bb肚仔餓一定會食奶架!你試下少食多餐,3個鐘頭食一餐,睇下佢肯唔肯食.
我個女都好叻扮嘔架,真係唔知點學返尼


子爵府

積分: 11698

2019新春慶豚圓 2019勳章 畀面勳章


發表於 07-8-3 15:42 |顯示全部帖子
你或者可以試下:
1.吳德物次腸痛水
2.煲栗米、紅羅白、馬啼、竹庶水
3.煲米水,可以就咁飲或者開奶都得
4.apple、雪梨水
至於糊仔就又佢先,唔食唔好免強,
我囝囝都未肯食糊仔,但就like飲以上果d,
同飲奶都ok。
慢慢來喇,唔好急,放鬆d,愈急愈躁?
.....上來搵我o地傾下喇......


禁止訪問

積分: 2983

醒目開學勳章


發表於 07-8-3 16:05 |顯示全部帖子
提示: 作者被禁止或刪除 內容自動屏蔽


大宅

積分: 1599


發表於 07-8-3 16:07 |顯示全部帖子
我諗近排天氣熱啊∼俾多D水拒飲啦∼我個仔都係寧愿飲水都唔肯食奶
Welcome To My BB's Blog~My BiRtHdAy Is 27th,FeB.,07


大宅

積分: 2614


發表於 07-8-3 16:26 |顯示全部帖子
謝謝各位媽咪的鼓勵同安慰,我會繼續努力去照顧阿囡。

另外我想問吓,如果煲栗米、紅羅白、馬啼、竹庶水,可唔可以攞嚟開奶呢? 定係就咁當水飲呀??-(


大宅

積分: 2614


發表於 07-8-3 16:27 |顯示全部帖子
原文章由 jozou 於 07-8-3 16:07 發表
我諗近排天氣熱啊∼俾多D水拒飲啦∼我個仔都係寧愿飲水都唔肯食奶

我個囡飲水同飲奶都係一樣...咁衰 ,完全唔肯飲


子爵府

積分: 11698

2019新春慶豚圓 2019勳章 畀面勳章


發表於 07-8-3 16:31 |顯示全部帖子
唔得架、唔得架.....就咁飲咋。
我o岩岩煲好,你住邊架,俾埋你囡囡飲啦。
咁咪唔駛煲囉......嘻嘻
我講真架。
原文章由 yatyat07 於 07-8-3 16:26 發表
謝謝各位媽咪的鼓勵同安慰,我會繼續努力去照顧阿囡。

另外我想問吓,如果煲栗米、紅羅白、馬啼、竹庶水,可唔可以攞嚟開奶呢? 定係就咁當水飲呀??-(


大宅

積分: 2614


發表於 07-8-3 16:43 |顯示全部帖子
原文章由 yanau 於 07-8-3 16:31 發表
唔得架、唔得架.....就咁飲咋。
我o岩岩煲好,你住邊架,俾埋你囡囡飲啦。
咁咪唔駛煲囉......嘻嘻
我講真架。


我住屯門喎,唔使客氣啦,我明日不用返工,我試吓煲啦,我想問一次比幾多bb飲呀? 飲唔晒可唔可以留番第二日飲呀?


子爵府

積分: 11698

2019新春慶豚圓 2019勳章 畀面勳章


發表於 07-8-3 16:58 |顯示全部帖子
咦!我都住屯門架。
哂留得架,bb 要飲新鮮,
我個b 勁 like 一次可以飲4 oz,費事飲太多唔飲奶。
你幾點放工呀!可以來我家拎d 俾 bb 試喎。
原文章由 yatyat07 於 07-8-3 16:43 發表


我住屯門喎,唔使客氣啦,我明日不用返工,我試吓煲啦,我想問一次比幾多bb飲呀? 飲唔晒可唔可以留番第二日飲呀?


洋房

積分: 439


發表於 07-8-3 23:13 |顯示全部帖子
我阿B都厭左奶大半個月,厭得好勁,一掂到個奶嘴就狂cry,搞到我同老公都無曬辦法.最後老公用左一招,就係趁佢訓著左先喂佢飲,如果夠時間喂但佢未訓,就諗辦法局佢訓,總之要訓左先喂,咁佢就會烏下烏下咁飲曬220ml啦.不過唔知係咪個個B都肯訓著飲奶,但我地就萬試萬靈,大家不防試下啦.
My baby's blog Best Regards, Nicola


侯爵府

積分: 20366


發表於 07-8-4 09:49 |顯示全部帖子
係啦...試下多 d 口味...同埋 KEEP 住教佢食糊仔啦... 不過我覺得唔好用黎開奶... 怕 BB 唔肯食返原味既奶麻...

有無買牙仔餅比 bb 呀... 比佢發牙痕果時食... 又可以有 d 野落肚... 都幾好嫁...

再買 d 即係 BB 菜... 雖然唔係新鮮食物, 但起碼多 D 營養...

不過唔好一下止比晒 BB 試呀... 慢慢黎呀...如果唔係腸胃炎仲大鑊~~

同埋... 你都試下換個大1個 SIZE 既奶咀比佢... 可能佢嫌個舊奶咀出奶慢都唔定嫁...

咩都試下啦...

原文章由 yatyat07 於 07-8-3 16:26 發表
謝謝各位媽咪的鼓勵同安慰,我會繼續努力去照顧阿囡。

另外我想問吓,如果煲栗米、紅羅白、馬啼、竹庶水,可唔可以攞嚟開奶呢? 定係就咁當水飲呀??-(


別墅

積分: 630


發表於 07-8-5 00:22 |顯示全部帖子
我個囝初頭都係咁嫁,餐餐3安,多d都唔肯食呀。
餵糊仔又係,有就一啖,無又一啖咁,都幾煩。

後來我媽咪睇見我咁餵,鬧咗我一餐,話我太過小心,muk都唔俾呀囝試,佢米無胃口囉。

於是,呀婆婆就同我地住咗一個星期,就教識呀囝食野啦,方法如下,大家參考參考。

1/. 大人開飯時,抱呀囝埋枱,或者俾佢坐bb車,望到你地開飯。 食飯時不防引下佢,同佢講食mon mon,你無得食,引起佢既興趣。

2/. 因為婆婆朝朝都要飲茶,所以帶埋呀囝去,會叫馬拉羔或者白腸粉俾佢食。 我初頭怕馬拉羔甜,滅好少好少俾呀囝。 呀媽就鬧我:你餵雀呀? 跟住就俾大舊d佢,咁當然唔係好大舊啦,大概0.5x0.5cm啦。 呀囝不知食得幾開心,原來係因為大舊少少,有口感,bb可以係個咀裡面「妹下妹下」咁。 至於白腸粉,呀囝就麻麻地鍾意。 不過有日呀婆婆好攪野,用一枝筷子點好少腸粉豉油俾呀囝嗒下,然後再點一滴落去腸粉到,自此,呀囝就肯食腸粉啦! ((不過我既comment就係間間酒樓既腸粉油份都唔同,所以mami執生,太油就唔好俾呀囝食)

3/. 嘆完茶,婆婆返屋企就煲白粥,將粥水開奶。 d 粥就隔水「中」爛d加落米糊俾佢食。 初初餵時,隻匙「筆」咗d糊仔,就咁放係呀囝個咀度,尤得去係度啜。 幾日之後,就改變方法啦,一更一更咁餵佢食,佢吐出嚟就塞入去。 慢慢就識得自己吞。

後來,婆婆回家去後,我就沿用呢d方法,再改良。
e.g.除咗馬拉羔,都會買下紙包蛋糕 (全部羔都要滅中心既部份比較軟)
d 糊仔(唔要粥)就加半隻蛋黃,呀囝就會搶住食!
有時煲粥,就將白麵包滅開細細舊加埋落d粥到餵,會杰d,呀囝肯食d。

同埋,我最同意婆婆既做法就係:
a/. 固體餐,要定係一個時段,每日如是。
b/. 餵食果個人一定要開心,要做一個開心既食野環境俾bb。 準備開飯時就已經同bb講定食mon mon啦,同佢帶口水肩時,就同佢玩幾下先,餵食時都會肯合作d。 餵既時候做多d聲效,e.g.個咀嗒嗒聲咁,等bb注意你時就餵。 佢每次食咗之後,你就興奮d叫 yummy yummy,bb 見你聲調唔同咗,通常會笑,咁就吞咗落肚啦!

煲多d蘋果水、栗米水俾bb飲,小食可以俾下蛋糕呀、香蕉呀咁等佢習慣有味野,自然就肯食!

以上做法可能係老派一d,不過我個囝就係咁先學識同肯去食。
希望對有需要既mami有幫助啦!


子爵府

積分: 14678


發表於 07-8-7 10:17 |顯示全部帖子
唔好太緊張啦~
小朋友肚餓就自然會食.

我大仔又係長時間厭奶, 攪到 6 個月已經食兩餐粥.
(仲要係健康院姑娘建議 <---- 因為飲得太少奶)

不過~ 到某一日佢就會勁飲架喇~
唔使太擔心.
我呢個 2 月 b, 之前仲試過 12 個鐘先飲 2 安奶.
後來又冇事, 仲勁飲.
不過呢排出牙, 又少返好多 lu.

你喊/ 你鬧, 自己唔開心時 bb 都會feel 到架.

由得佢啦~ :mrgreen:

不過米水/ 竹蔗水開奶都好架~ 清熱嘛~

[ 本文章最後由 yau_grace 於 07-8-7 10:19 編輯 ]


洋房

積分: 39


發表於 07-8-7 22:44 |顯示全部帖子
我的bb就冇唔肯飲奶,但我記得我囡囡細時都有試過唔肯飲奶,原來佢唔中意太甜的奶,後尾轉過另一隻牌子的奶至肯飲,到依家6嵗一直都是唔中意飠甜的野。

跳至