少年成長

跳至
   0


伯爵府

積分: 19545


發表於 07-8-3 16:08 |顯示全部帖子
我個仔6歲,今年升小一, 現在番緊預備班. 今日我又好嬲咁鬧咗佢一輪, 又鬧..................
我唔想成日鬧,尤其係每次同佢溫書,做功課時.唔好話佢,我自己都好辛苦(我會俾佢激到:-( ).
佢讀嗰間幼稚園程度深,但一直都跟得上,不過3年都做唔到自動自覺做功課同溫書,就因為 e d 事我會鬧佢.
咁細個就咁,仲有咁漫長嘅日子唔通要鬧到佢中學嗎?(中學佢都唔會彩你啦)唉!
我唔想因為學業破壞到我哋嘅關係,但我一見到佢完全無用心去讀去寫,起初用心平氣和嘅語氣同佢講"嗱,都睇咗咁耐電視, e 家係溫習時間,我哋就要俾心機 la. ............." 但佢仍然在漫遊太空.我就會發作鬧佢.
唔識唔緊要,肯學就得,但佢就係連小小心機去學都唔肯.:-( :-(


伯爵府

積分: 18161

2019新春慶豚圓 好媽媽勳章


發表於 07-8-3 18:10 |顯示全部帖子
其實會唔會係因為仔仔跟唔上課程所以失去左學習興趣呢?因為課程深,所以仔仔覺得無趣,所以不想去做功課。幼稚園的年紀其實比較培養孩子學習動機及興趣。為什麼當時你不讓仔仔轉一間淺小小的學校呢?還有就是,不知你選了一所什麼的小學給仔仔?
其實我仔今年才K1,可能我的意見未必合適。但是我也經常在想:如果第日仔仔學得慢,不是很叻,我會否因此而找一間比較活動的小學呢?
還有就是,如果認為小朋友學習有問題,我會見議比如去做下一些評估,然後因才拖教。
唔好灰心!一齊努力呀!
全世界都在看你家的笑話,騙不過天地,沒不了良心。即管繼續下去,總有一天自己受!


伯爵府

積分: 19545


發表於 07-8-3 18:18 |顯示全部帖子
原文章由 See 於 07-8-3 18:10 發表
其實會唔會係因為仔仔跟唔上課程所以失去左學習興趣呢?因為課程深,所以仔仔覺得無趣,所以不想去做功課。幼稚園的年紀其實比較培養孩子學習動機及興趣。為什麼當時你不讓仔仔轉一間淺小小的學校呢?還有就是, ...


肯定唔係,佢嘅成績一直ok,3年來評估分數都係97-100分.老師亦話佢成績無問題.


水晶宮

積分: 74328


發表於 07-8-3 18:43 |顯示全部帖子
如果佢唔覺得讀書寫字好玩,又點會自動自覺呢?
佢係細路仔之噃!
所以,做媽咪唔係要苦口婆心咁勸佢,而係要將學習變成好好玩既遊戲,或者加d佢想要既獎勵比佢,將學習變成一個得到成就/好結果既過程.
獎勵最好唔好係糖果/玩具之類,最好係另一些遊戲,或佢鍾意既野,例如去公園,去沙灘玩,踏單車呀之類啦.
佢見到你唔開心,佢會更加怕讀書架.


子爵府

積分: 14746


發表於 07-8-3 21:29 |顯示全部帖子
原文章由 ivyko 於 07-8-3 16:08 發表
我個仔6歲,今年升小一, 現在番緊預備班. 今日我又好嬲咁鬧咗佢一輪, 又鬧..................
我唔想成日鬧,尤其係每次同佢溫書,做功課時.唔好話佢,我自己都好辛苦(我會俾佢激到:-( ).
佢讀嗰間幼 ...


個仔至得果6歲, 你就希望佢可以自動自覺去溫書同做功課, 我唔敢話冇人做得到, 如果有果D一定係非凡品. 6 歲小朋友尤其係男仔,專注力唔強係好正常, 因為男仔比較遲熟, 何況溫習同做功課又唔係有趣嘅事,

我個仔就嚟10歲, 到而家都唔會自覺溫習同做功課, 最近呢1年先至唔駛我坐喺佢隔離陪住佢做, 但做完之後都一定要同佢check吓, 有冇做錯同做漏, 我有好多朋友都有相同嘅問題, 不過唔駛擔心, 到左佢地發育年齡,即係大概11歲左右, 呢個情況就會大為改善, 你預左呢幾年都要付出無比嘅耐性同愛心去面對, 鬧只會傷感情, 反而多d鼓勵效果會更好.


伯爵府

積分: 19545


發表於 07-8-3 22:25 |顯示全部帖子
原文章由 panada88 於 07-8-3 21:29 發表


個仔至得果6歲, 你就希望佢可以自動自覺去溫書同做功課, 我唔敢話冇人做得到, 如果有果D一定係非凡品. 6 歲小朋友尤其係男仔,專注力唔強係好正常, 因為男仔比較遲熟, 何況溫習同做功課又唔係有趣嘅事 ...



我都真係好唔掂,eq勁低 ,我會叫自己唔好咁惡,但見佢係到星際漫遊時又會好 .


超級版主

積分: 68189

2019新春慶豚圓 2019勳章 超級版主 BK Milk勳章 15週年勳章


發表於 07-8-4 00:12 |顯示全部帖子
讀課外書,比溫習,做功課更為重要

放鬆些,不要迫得太緊


別墅

積分: 769


發表於 07-8-4 04:06 |顯示全部帖子
My son has the same problem too. He knows how to do the homework by himself but just doesn't want to do. He can spend five hours to do 30-min-homework everyday. :-(
I will him when I am so angry to him but the result is the same, sitting there do nothing.

Hope one day 奇蹟出現. Anyway, it does happen a few times in his life.

[ 本文章最後由 ttmum000 於 07-8-4 04:34 編輯 ]


超級版主

積分: 68189

2019新春慶豚圓 2019勳章 超級版主 BK Milk勳章 15週年勳章


發表於 07-8-4 09:06 |顯示全部帖子
我以前都講過

1.經多次提醒,都唔做功課,可以唔駛理佢,等老師處理

2.查功課有無錯漏,係佢自己做,要家長幫手
做到100分都無意義

香港教育係填鴨式,死背死寫,我見到太細小朋友,

有咁既情況都好心痛


水晶宮

積分: 51607

2019新春慶豚圓


發表於 07-8-4 10:08 |顯示全部帖子
我個仔9月升K3,因為讀全日班,在學校做功課,所以暫時沒有這個問題,由於間幼稚園的程度比較淺,加上功課少,只是做工作紙,我也有擔心個仔明年9月升小一時如何應付繁重的功課,因此我在個仔讀K2下學期時,我給功課他做,開始時很抗拒,現在開始適應,也懂得串字,其實身教很重要,如果我跟老公在書卓上多做溫習,因為我倆仍有進修,個仔就會自動自覺去做練習,基本上他都照我的意思去做,但現在放暑假,我也沒有逼得他太緊,要訓練一個小朋友自動自覺去做功課,是需要慢慢培養他的學習興趣,令他明白work hard & play hard 的道理,因此如果他看電視太久,我會提醒他,他現在也願意看完正在看的電視節目後,自己熄電視及做練習,如果有興趣,我可以將訓練個仔方法同大家分享,但這方法需時比較長,最適合讀幼稚園的小朋友,因為他們仍有時間。

Maria


珍珠宮

積分: 39416


發表於 07-8-4 10:21 |顯示全部帖子
我朋友仔仔小一,教功課又係教到 仔仔又唔自動做功課,等到佢收工番屋企 先做,做完又要睇又要溫書,大家關係差好多......後來佢安排仔仔去功課輔導班做功課,大家關係好好多,mami 番到屋企都可以休息下!!
有需要可以考慮下!!
我把平安留給你們,我將我的平安賜給你們;我所賜給你們的,不像世界所賜的一樣。你心裏不要煩亂,也不要膽怯。(若 14:27)
Happy moments, praise God. Difficult moments, seek God. Quiet moments, worship God. Painful moments, trust God. Every moment, thank God!!!


別墅

積分: 791


發表於 07-8-4 12:00 |顯示全部帖子
Dear Moms,

Glad to know I am not the only one to lose control when
my son doing his homework, it is really a 'EQ' exam for
all of us, sometimes I get so frustrated and think I wl get
cancer if keep on getting mad :tongue:


子爵府

積分: 14746


發表於 07-8-4 19:34 |顯示全部帖子
原文章由 bktcc 於 07-8-4 09:06 發表
我以前都講過

1.經多次提醒,都唔做功課,可以唔駛理佢,等老師處理

2.查功課有無錯漏,係佢自己做,要家長幫手
做到100分都無意義

香港教育係填鴨式,死背死寫,我見到太細小朋友,

有咁既情況都好心痛


我都明白做功課同對功課係小朋友嘅責任, 我個仔每次做完我都會叫佢自己對, 因為如果比我搵到有錯漏就會炳到飛起, 不過有時佢都會失手. (幫佢檢查功課唔等於比答案佢)

至於你話唔做功課可以等老師處理, 其實最後佢地都係將個波交返比家長, 校方會第一時間約見你, 話你知你需要同學校通力合作, 一個老師要對住幾十個學生, 佢可以做嘅野好有限, 某程度上家長都需要同校方配合, 如果你唔理個仔嘅功課而佢嘅自覺性又唔高, 咁同由得佢自生自滅有乜分別, 家長最起碼都要比適當嘅提點同鼓勵,聽到呢D說話我都覺得好冇引


伯爵府

積分: 18251


發表於 07-8-5 01:43 |顯示全部帖子
見你地分享得咁開心等我又搭下咀先

我囡今年6歲9月就上小1啦
佢幼稚園係好谷好多測驗(每星期1次)&考試(1年4次)的,
而佢本身性格都係極度坐唔定又極度心野果種,
佢K3成績係95-100分,
每日放學返到屋企已經6:30,
食完個DINNER已經7點幾,
佢一食完飯就2話不說去練琴約30分鐘,
一練完琴就立即溫書&做補充,
之後就默書,
完成曬上述既野大約9:30,
之後去沖涼,跟住就係自由活動時間,
佢鍾意做咩我都唔會理佢的,
咁佢係呢段時間通常會睇卡通片OR打機間中又會睇下書,
圖書,課本,公仔書,英文字典全部佢都岩的
佢係幼稚園時期係7樣課外活動,
其中有4樣係有功課做的,
佢都可以應付到,
而星期日全日休息,
上述過程佢會自動自覺唔洗我講的,
我亦唔洗迫佢去做既,
聽落係咪好正呢


好啦,講完上述既野之後我就開始講返D有血有淚既野你知啦,
我之前係諗住小朋友咁細個咪由得佢,
等佢開開心心咁返學,
比佢好大既自由度,
點知換來既係K2成績好差,
都算,
最大問題係佢無心向學,
亦無興趣去學習因為老師教曬佢都未識人地就開始教新野,
佢點會追得到!?
我覺得要開始管教佢啦,
的起心肝每晚同佢溫書做練習,
亦要佢晚晚認真咁去練琴,
我開始每晚返到屋企唔睇電視,
一路直至佢完成曬所有野先開電視,
我都已經有1年無睇電視LU,
佢開頭唔慣架又發X汽又唔肯做又哭TIM呀,
但我堅持佢一定要完成曬自己既事先可以玩,
開始既時候教到我好火我都有打佢,
但打得多我發覺係唔WORK既,
之後我就轉用第2個方式,
就係教學於遊戲,
用遊戲方式OR考IQ方式等等去問佢去引起佢既學習興趣,
當佢有興趣去追查既話已經成功左了,
當佢功課OR課外上有唔識盡量唔好話佢,
你應該係〔教〕佢及同小朋友一齊去傾下個問題,
我囡學左2年琴,
第1年佢係唔想學的,
因為佢唔想日日練琴,
我又話佢又迫佢練佢先死死地氣開部琴彈,
亦都無心機彈,
後來我自己討論過自己,
我迫佢去學係無意思的,
所以我又TRY下用第2個方式去引發佢對鋼琴既興趣,
我同佢講:媽媽好想聽係彈琴呀.
慢慢地佢開始肯用個心去彈比我聽
當然我亦有讚佢肯付出努力,做得好好等等,
而佢做得未太好時我會笑住問亞囡:做咩咁唔小心失手呀,
下次小心D啦.
盡量唔好比太多壓力小朋友,
其實我都努力中,有時都失手架,大家努力啦


PS:多讚賞,多支持,多體謜
   

[ 本文章最後由 iloveyoub4 於 07-8-5 02:28 編輯 ]


洋房

積分: 168


發表於 07-8-9 10:20 |顯示全部帖子

他會改好的

好明白媽媽的心情,媽媽總為孩子好的。但如果媽媽反應過大,會嚇倒孩子;媽媽自己也難受。看看這個值不值得參考:

http://hk.news.yahoo.com/060912/12/1sxge.html
作息時間表事半功倍

~~~~~~~~~~~~~~~~~~~~~~~~~~~~~~~~~~~~

Mr & Mrs Blog
http://hk.myblog.yahoo.com/parentblog


伯爵府

積分: 18161

2019新春慶豚圓 好媽媽勳章


發表於 07-8-9 18:07 |顯示全部帖子
真係血淚史
其實,可能每位媽媽都有自己的血淚史:-( 因為我本身唔係一個好心機的人,所以我都有d驚第日唔知點教仔做功課,我要返工又唔係同仔仔住,所以都打算過多幾個月請個補習返來同佢溫下工課。因為我目標係星期六課外活動,學英文,星期日玩咁。我唔想佢放假回家只是讀讀讀。
不過9月先上k1,好多事都是言之過早,只好睇下各位媽媽的指教,希望重中找到幫手。
原文章由 iloveyoub4 於 07-8-5 01:43 發表
見你地分享得咁開心等我又搭下咀先

我囡今年6歲9月就上小1啦
佢幼稚園係好谷好多測驗(每星期1次)&考試(1年4次)的,
而佢本身性格都係極度坐唔定又極度心野果種,
佢K3成績係95-1 ...
全世界都在看你家的笑話,騙不過天地,沒不了良心。即管繼續下去,總有一天自己受!


男爵府

積分: 8504

好媽媽勳章


發表於 07-8-10 21:28 |顯示全部帖子
我仔仔又係6歲升小一, 我用左個好原始又好多人話唔岩既方法, 但係我覺得好有用......就係$$. 我做銀行, 每日俾一蚊, 儲夠50蚊可入銀行(即係我), 用簿仔紀錄, 一個月唔提出黎用就有5蚊息. 佢自己額外洗費(買玩具/扭蛋/彈波)就自己出, 而額外收入來源有做功課快靚正, 英文老師讚, 做左叻既野等等, 獎賞$1-10, 但做錯事就扣錢, 試過一野俾我扣$20. 好似好功利, 但真係發覺佢珍惜左$$, 好多無謂野唔會再買, 做野好主動, 做錯既野好少重覆(可能果次一野扣左$20好肉痛), 而且仲學識入銀行果$50係本金, $5係利息, 遲下諗住教埋佢銀行點計利率.

用岩自己既方法去"對付"自己既小朋友, 先至係ok, 大家努力!

跳至
熱門主題