吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 少年成長› 沉迷打機

少年成長今日: 4|主題: 15845

收藏本版

發帖

返回列表

跳至頁

樓主: heiB

沉迷打機

[複製鏈接]

1 234 5...6

AJIM

男爵府

積分: 6402

41^#

發表於 14-3-20 17:58 |只看該作者

香香發表於 14-3-20 15:46
係咪要一早就要教喇. 因為我小孩是小五, 是否而家要成日講. 不要打機.

積極d 我諗係要培養一d 佢鍾意而又有滿足感的興趣......
一直唔俾唔俾, 到反叛期就等於按彈弓, 個反彈力愈按愈大

私人傳訊

sambb

男爵府

積分: 9423

42^#

發表於 14-3-21 20:28 |只看該作者

回覆：沉迷打機

剛剛上了一個由香港家庭福利會舉辦的 "家,teen,和諧 "正面管教小組。呢個課程幾好, 又有事例分析。你地可以打去問下,免費的。 3409 5411

如今最大問題就是打機和上網, 之前有位阿仔中4既太太,又係咩都做過, 但佢話最後都係要傾要有協議, 啲仔唔係唔知要讀書, 但控制唔到。唔好打機時同佢傾, 先小人後君子, 成績至少要唔好越來越差, 要交齊功課之類, 始終讀書係佢地責任。社工話要表達自己感受譬如好嬲,好傷心 ,控制自己情緒, 基本上越鬧佢越唔聽, 越唔俾佢地要做, 最緊要有對話, 無溝通真係無計傾。

我個中1, 做完功課就打, 成績可以。我同佢講如果term test出事又要cut時間, 等佢知要好好安排時間。希望得啦, 出年關鍵期, 都擔心。而家攪好個底, 同佢傾下打機, 動漫, 自己唔鐘意都要投其所好, 唔識問下佢俾啲優越感, 贊佢多啲, 俾自信心佢。社工話有得傾先有得管, 大家共勉之。

私人傳訊

~仔仔媽咪~

水晶宮

積分: 51912

43^#

發表於 14-3-22 00:28 |只看該作者

如果講道理唔得,您試下問吓佢,依家佢顧住打機,分散哂個心讀唔好啲書,大家咗憑咩去娛樂?日日為愁冇錢但能力學历只能揾到啲最低人工既散工,佢第時咁樣,仲有錢有時間去玩樂咩?窒多佢一句,嗌佢咪咁蠢,咁揾自己笨啦!

可能我囝天生係裙腳仔又有自閉傾向,所以就算我買咗兩部WII一部PS3俾佢,佢都仍然可以自律地只會响假期至玩,番學日子唔玩,臨統測考試前個幾月已經唔會掂部機甚至唔會上youtube睇片,佢啲反叛期又似乎過咗,我依家完全係同佢溝通到.

其實真係唔好一下子放哂手咩都俾佢接觸,嗰時有好多人見我囝社交障礙,係咁建議我教個囝玩FB玩MSN,但我堅決唔肯,我覺得雖則呢啲野佢一路長大遲早會接觸會識,但唔等於由我呢個阿媽咁主動佢"介紹"佢去玩囉.

有啲野會知好易一發不可收拾(例如網GAME),我就一開始好強硬地唔會俾佢玩,減壓可以睇下電視或落樓下做運動啫!佢係要玩,就同佢講,等佢讀好啲書,讀番叻同醒目個人,自己第時出嚟社會工作,用自己賺番嚟既錢去享樂,咁咪唔駛受制於我囉!依家書都讀唔好,第時有冇老細肯請都成問題,係咪依家玩哂成世人啲Quota佢,廿歲冇書讀之後到死都唔駛旨意俾自己享樂?呢樣一定要同佢講,等佢自己衡量,況且呢啲唔係呃細路,而係事實,您顧住賺錢開飯,仲邊有時間同金錢去幫自己減壓吖.

有時候同隻囝傾野真係有啲似黑社會大家姐講數咁,講野方式真係唔可以咁益智咁小朋友,要切合番佢地十幾歲後生仔女既口吻,否則,佢地只會覺得係您老土食古不化,一粒字都唔會聽入耳,莫講話會唔會去消化去思考.

私人傳訊

AJIM

男爵府

積分: 6402

44^#

發表於 14-3-28 12:12 |只看該作者

~仔仔媽咪~ 發表於 14-3-22 00:28
如果講道理唔得,您試下問吓佢,依家佢顧住打機,分散哂個心讀唔好啲書,大家咗憑咩去娛樂?日日為愁冇錢但能力 ...

同意妳講, 溝通方式真係要因應阿仔的特性而調節, 淨係用自己慣用果套, 多數都唔係最有效果套....

私人傳訊

super_aries

男爵府

積分: 7789

45^#

發表於 14-3-28 13:51 |只看該作者

引用：回覆+heiB+的帖子永遠都係打機先，後做功課

原帖由 hw1115 於 14-03-13 發表
回覆 heiB 的帖子

永遠都係打機先，後做功課，晚晚沒有11時都唔上床。還好早上都肯起床。

I am not alone. 我囝跟你囝一模一樣

還好，早上還肯起床上學:pppp:

私人傳訊

lalulalu

禁止訪問

積分: 2883

46^#

發表於 14-3-28 19:16 |只看該作者

回覆：沉迷打機

提示: 作者被禁止或刪除內容自動屏蔽

私人傳訊

Heathcliff

大宅

積分: 3570

2023年兔年勳章虎到金來勳章

47^#

發表於 14-4-1 18:23 |只看該作者

佢讀書讀成點？既然又冇欠交功課，漏帶體育服等都最多話佢唔小心，老師又話佢冇咩問題，咁似乎暫時打機對佢都冇咩大影響啦。

私人傳訊

moneybenli

別墅

積分: 846

畀面勳章

48^#

發表於 14-4-2 00:33 |只看該作者

中二中三係反叛期
打機係所有學生有既誘惑
同佢制定D plans, 做完野有幾多時間打機

私人傳訊

abarhamsiu

別墅

積分: 523

49^#

發表於 14-4-2 07:11 |只看該作者

一打機講乜都無用！依家D網上遊戲可以同唔同人交流，而遊戲設定方式係令人只要停一日就跟唔上身邊D人既模式。令人唔可以有一日唔打。遊戲一開始會用極速升級，一開始玩到幾十級，所以玩左頭兩日會令人覺得都玩左咁多級無理由唔玩。之後平均一天一兩級。中段每隔幾級會有新武器比你更勁！你打少一日周圍D人都會勁過你！！

其實網上遊戲係故意設定成必定要令人沈迷既模式……一沉迷左你同佢講乜都無用，由其少年容易被控制！呢種設定係好邪惡既商業手法，理得你班o靚仔去死。

不過！！部份人會因為來來去去都係呢種玩法而決定放棄唔再玩，隻隻遊戲都係咁既模式。通當都真係完全無個人興趣、無目標、無理想既年青人先會完全玩到甩唔到身，當然包括成年人都係，做人做到無晒願景！

所以如果唔係太大影響的話，比佢玩下又無防。你個仔又唔係玩通頂果隻，佢會慢慢好既。

ps少年係容易被值入信念的年齡，叫佢唔好打機唔好乜唔好乜，潛意識只會接收你叫佢唔好做既野。因為唔好，唔準等等字係輸入唔到潛意識。所以好多時孩子經常會越叫唔好佢越做。

私人傳訊

wilkar8

複式洋房

積分: 275

50^#

發表於 14-4-19 13:52 |只看該作者

super_aries 發表於 14-3-28 13:51
I am not alone. 我囝跟你囝一模一樣

還好，早上還肯起床上學:pppp:

same same.

但我個仔並不是十一時睡而是更晚!

私人傳訊

cyJO

民房

積分: 4

51^#

發表於 14-4-21 00:19 |只看該作者

各位家長放鬆D啦, 容許我以仔女既角度同你地交流一下..

回想起我成個中小學生涯甚至係呢家都無機不歡, 小學5,6年班果陣, 一大早8點幾起身約班FD打機, 之後12點幾番學... 而中學果陣, 除左課外活動之外, 更加係一放學就番去打機, 打到夜一夜先做功課, 之後到中4,5,6 開始沉迷睇書~_~都係懶理學業, 咁最後緊係衰左啦, 唔知點解DSE中文會唔合格, 就入左IVE, 呢家讀緊寫GAME寫程式

不過其實讀到自己有興趣既野都幾開心:)

我知~ 你地都係擔心仔仔女女好似我咁唔識諗, 又唔讀書唔知想點咁, 又唔諗下自己出路, 其實我中一二果時已經知唔應該唔讀書, 不過果陣就覺得距離中六仲有大把時間, 懶少少都無問題, 之後一路升班, 學業壓力就愈大, 時間都愈黎愈少, 之後先開始打少左機, 轉左做睇小說多...

我明白家長都好擔心小朋友沉迷打機, 唔讀書, 又加深近視, 又夜一夜唔訓, 我諗有部分原因係因為家長們細時果陣既生活都唔係咁既, 所以唔係好理解到究竟仔女咩心態同埋究竟D機有咩好打

我覺得除左樓上有講過好多遊戲都故意設計到令人沉迷, 唔打一次就會落後超多之外, 另一樣推動仔女打機既原因係因為打機真係識到好多朋友仔, 我係女仔黎架, 本身內向, 如果唔係打機, 我真係一個男性朋友都識唔到,另外我仲學識左打字TIM a_a

當身邊好多朋友都玩一個遊戲既時候, 自己唔玩, 就會有好大壓力, 真係比學業有更大既壓力! 因為唔打機, 真係會融入唔到朋友圈子,

點解咁講呢? 因為平時除左留係屋企, 其他時間都係係學校, 而當自己遇到問題時, 第一時間淨係可以搵到朋友幫手, 我知, 你話可以搵老師, 但當我番屋企做功課果陣, 唔識, 真係得同學幫到手, 又或者係功課壓力大, 想搵人傾下, 都係得同學最了解自己, 因為自己總係會覺得家長永遠都唔會企自己果邊, 因為太現實既野真係唔岩聽...

雖然我唔係鼓勵父母比仔女打機打到喪心病狂, 我只不過想家長們可以了解仔女打機既心態, 而唔好用強硬方式迫仔女戒呢樣野,如果同仔女因為呢d事而鬧交, 真係好唔值, 同埋仔女真係會憎你, (因為我一直以黎都覺得父母應該支持我, 但我錯了.... 我曾經藝術堂要畫畫, 又比父母批評畫得醜樣, 我回家上網打機(對我黎講係同朋友交流+娛樂) 又比人鬧... 所以成個中學生涯我父母就好似我仇人一樣)

解決方法我覺得係, 可以既話問下仔女點諗, 亦唔好因為一時意氣而同仔女鬥咀, 因為無論邊一方鬥羸左, 都係會傷到另一訪感情

如果開始有爭執, 就要同仔女鬥高eq, 盡早中止同佢談話, 如果唔係最後大家之間既關係破壞之餘. 仲都傷到大家心...

希望大家理解我既意思啦~

點評

洋蔥頭媽咪唔明中文唔合格可以讀IVE ？唔係至少要 2 咩

發表於 14-4-21 11:29

私人傳訊

ttkh

男爵府

積分: 6878

52^#

發表於 14-4-21 12:23 |只看該作者

各位mami 千萬不要放棄, 更加不要放棄仔女及為了打機而大吵大鬧, 關係一定要好好,控制好自己. 只要關係好, 假以時日, 必定會有改善的, 放棄只會令事情更加不能解決, 共勉之....

私人傳訊

ELJCHL

男爵府

積分: 5008

53^#

發表於 14-4-21 23:25 |只看該作者

引用：我直接取消了上網，初頭也是坐立不安，但人

原帖由 進進媽 於 14-03-15 發表
我直接取消了上網，初頭也是坐立不安，但人就正常很多，溝通多了，安排作息好了，做回正常人，但不知可以拖 ...

好難取消,因為有網上功課要做

I love my dear husband and dear daughter.

私人傳訊

hikozan

別墅

積分: 710

54^#

發表於 14-4-23 00:35 |只看該作者

仔: 唔專心讀書,沉迷打機,唔理會協議和時間表,唔守信用,又不能自控,不悔改不檢討,不甚理會後果,鬧都唔理.......
父母: 多說理,多作鼓勵,若佢做唔到就CUT玩機時間,唔停就無得玩. 但往往最終都係攪到收機,就抄大獲,傷身又傷感情. 做返好令人滿意先可以取回,再作出協議,但故事又再循環...

其實我明白唔可以一刀切,亦有培養佢喜歡的樂器及運動,但還是未能將興趣專注力轉移.相方的協議似乎變成了威迫利誘. 真係唔知仲有咩計可以令佢能夠做到平衡自律.