少年成長

跳至

首頁
12345...9

尾頁
   128


珍珠宮

積分: 32563


發表於 07-8-10 23:38 |顯示全部帖子
本帖最後由 SandraLo 於 13-8-11 16:41 編輯

Part I
在「小朋友發脾氣」的topic裡,很多媽咪都有很類似的問題,例如小朋友發脾氣、掟嘢、大喊大扭、打人、唔肯食飯、唔肯瞓、唔肯行要抱,大小小嘅就懶、唔做功課唔專心、駁咀等等….. 其實呢一切「唔好」嘅行為,都可以用「讚」嚟矯正,現在就想講吓点用「讚」化解一切!

首先,点解要讚?
無論大人同細路,都唔會鍾意被人「鬧」同「話」,「話」得聽,世界和平啦!因此,今時今日,你去「話」人地嘅壞行為,只有好少數人會自我反省去改正,小朋友就更加唔駛諗,媽咪有時覺得勁「鬧」甚至打會有效,其實小朋友細都只係因為怕媽咪嬲而收一收,到大少少, 太多嘢都俾人話,同識講「我夠嬲各」,打駡就冇效了!而較大的小朋友更加會因為被話太多而令他們不停諗啲嘢嚟駁咀同對撐,令媽咪以為係「反叛」!其實佢地係用駁咀「反抗」媽咪「話」佢地,你試吓叫佢打完機去遊樂場再食雪糕,睇吓佢反唔反叛?話唔話唔好?
但讚就個個人都啱聽,你只須用讚嚟話佢知乜嘢係好行為,來代替「罵」或者「話」他一個不當的行為便成了,不要以為簡單便無效…....…
一般媽咪會忽畧咗口頭讚,其實對小朋友嚟講,讚係相當重要,因為你肯定佢,清楚咁話佢知做對咗乜嘢,而你也是因他做了這件事而開心的,他往後做什麼也更有信心,相反,你永遠都淨揀佢唔得、錯、未得嘅嚟「話」佢地,雙方關係變差同大家唔開心之外,重可能影響自信,,因佢唔知亦唔會諗, 自己原來有好多嘢係

點解有啲媽咪覺得難開口去讚,重驚會讚壞
對於媽咪來說,一心諗住小朋友做啱係應該,做錯就「話」,扭計的大小bb,鬧都嚟唔切,重要去「吼」佢冇扭嗰陣讚!有冇搞錯?自己細個時都俾阿媽鬧到飛起離地,鬧十樣裡面,都有幾樣會有影響去改,當然照板碗:阿仔/女做錯就話或鬧或罸甚至打,依家明明係曳,無啦啦重要我讚?呢個心理關口媽咪必須克服,你先會知道「讚」有幾 powerful!或者咁,到你冇晒辦法嗰陣,徹徹底底咁試行一次,你嘗到甜頭,真係得,你先會信十足!
唔好担心以為會讚壞或者令小朋友驕傲,你只係讚佢一個好嘅行為,而唔係讚佢某種能力(例如讀書叻、玩棋叻),唔須要同人比較,所以唔會驕傲,亦唔係認叻,只係代表俾佢知佢係媽咪心目中行為好嘅乖孩子!

點讚?
其實非常簡單:
舉個例,假設你的小朋友會容易動手打人,咁即係,
壞行為 = 打人,相對地,好行為= 沒有打人時
要矯正他打人這個行為,就要在他沒有打人的任何時候, 讚他沒打人。
如果壞行為 = 發脾氣;好的行為= 不發脾氣的時候
要矯正他發脾氣這個行為,就要在他沒有發脾氣的時候讚他。
他在家好端端時(心情靚更好)便可以讚:bb好乖喎,冇發脾氣,冇打人,好好呀,等媽咪錫錫再一齊食雪糕啦! (可以是看TV或講故事,只要他喜歡的,hug一吓亦可) 此類獎賞是用來加强口頭讚, 而唔係交換條件, 唔好响佢扭緊嗰陣話乖就有XX。
注意不可以在他發脾氣時才用這些話試圖安撫,是完全沒有用的,所以 timing 很重要,第一次用的那一天,起碼早午晚讚一次,不能只讚乖,要讓他知道他的好行為是什麽,所以你才讚他乖。


to be continued....


珍珠宮

積分: 32563


發表於 07-8-10 23:40 |顯示全部帖子
本帖最後由 SandraLo 於 13-8-11 22:10 編輯

Part II

應用技巧

(1) 讚要盡情
讚要真心、開心、冇保留同唔可以有條件(condition)或即時翻舊帳,即係可以話:「嗱,乖啦」、「唔打人就乖啦」 (有條件的讚,表示打人就唔乖),或者「咁先至乖架,之前咁咁咁咪唔好囉!」(翻舊帳話佢之前唔啱),咁就唔算係「真」心讚,因為你依然話緊佢!

(2) 認清目標
當你用讚來矯正一個唔好嘅行為時,記住每次讚的目標只可以有一個,例如你想處理「含飯唔吞」問題,讚佢時佢好開心,但突然太開心大叫,你又忍唔住去話佢:「咪嘈啦!」咁就又冇咗嗰個氣氛,佢又跌番落谷底,同冇讚過一樣,亦發揮唔到應有效用;總之,讚的時候,其他嘢最好全部唔好話佢住!舉個例,你讚佢冇掟嘢落地,佢即刻好興奮爬上梳化跳,咁你就唔好話佢跳梳化,可以依然開開心心咁走過去,順勢抱高(舉高)佢,同佢玩兼離開張梳化,總之就唔好响嗰陣話佢,盡量唔好俾唔開心嘅事發生。

(3) 掌握讚的 timing
有啲媽咪會話:佢根本冇乖嘅時候,点讚?時機可以製造,只要係開開心心嘅氣氛便成。舉例:(1) bb吃飯吃幾啖便走開,点讚?可以响佢食咗第一啖就讚,甚至一坐低就讚:bb好乖喎,食飯坐得好好冇走開喎。食多幾啖又再讚。(2) bb响遊樂場見到細過佢嘅就推,出手好快,趕得切讚當然要响佢推之前,為確保一定得到,一到達遊樂場就讚,我教過一個媽咪,佢起初讚唔切,後來索性未去到遊樂場就讚,嚇到佢C6以為佢傻咗......點知,幾次就搞掂咗冇再推人!

善後工作 (Follow up Work)

1/ 用讚改正壞行為,讚緊當時係唔講解其他嘢(例如點解唔好做乜等);咁幾時先至「教」番佢乜嘢係啱,乜嘢係錯?我常說是講故事時間,因為那時氣氛最好,你用故事,如「三隻小豬」嚟教佢唔好懶,又唔係話佢,咁幾好!

2/ 對於處理扭同哭鬧來說,讚之外,重要加 ignore 一齊用,即係要對佢哭鬧冇反應(不可表現嬲,不可罵或話,甚至說話都可免則免)至得,再清楚d,你用讚嚟話佢知「唔扭」係好,但如果佢扭就有嘅 (或者攞到你的情緒反應),咁係點讚都冇用, 因為佢可以一方面得到你嘅讚賞, 另一方面得到佢扭嘅嘢(或你嘅注意),咁佢只會扭得更多更勁!
佢哭、鬧、扭時,除咗絕不可有任何反應外,亦不好罸關他在房中,因為這是嚇不是罸,你見不到他只會更担心他在做些什麽,他若在房中大哭,你放他出來時,他會以為是因為他哭所以放他,反為助長了他下次哭得更持久!

** 後記:有些媽咪問,ignore係咪唔啋個小朋友呢?要唔啋幾耐?其實 ignore只係 ignore 小朋友嘅壞行為,如發脾氣、哭鬧等,而唔係
ignore個人,亦唔係罸,只係佢扭時講解一次就不給反應,不再糾纒,唔好俾佢覺得扭落去會扭得到或有其他好處!


3/ 若他不是扭,而是做錯事如打人、掟嘢等,只須用堅定的語氣告訴他一次他打人和掉嘢不對,然後可以罸他他站或坐 naughty chair,他離開便將他抱回,要注意的是不要當時罵或者「話」,比如同佢講:我話咗你啦.....又俾我罸.......衰唔衰呀等,因為罸站或坐已經係,唔須要再附加啲乜,「話」更加係冇用同傷感情!之後,簡單告訴他多一次他錯什麽,要他 say sorry,然後hug 他一吓表示冇事錫番!,

(只供BK 會員,請勿轉載至其他網站)

[ 本文章最後由 SandraLo 於 08-10-7 16:51 編輯 ]


複式洋房

積分: 211


發表於 07-8-11 00:00 |顯示全部帖子
thank you.......


男爵府

積分: 5013


發表於 07-8-11 10:31 |顯示全部帖子
SandraLo,

將技巧及方法一次過放在這裡. 好清楚呀! 多謝 :lol:


大宅

積分: 2172


發表於 07-8-11 11:50 |顯示全部帖子
好正thank..............


洋房

積分: 154


發表於 07-8-11 13:24 |顯示全部帖子
Thank!!


珍珠宮

積分: 41383

2019新春慶豚圓 2019勳章


發表於 07-8-11 14:40 |顯示全部帖子
hi, sandralo,
我唔係好明第一part--- 讚唔可以有條件. 可否再具體講明白 ??
tks

原文章由 SandraLo 於 07-8-10 23:40 發表
Part II

應用技巧
(1)
讚要盡情 - 讚要真心、開心、冇保留同唔可以有條件(condition)或即時翻舊帳,即係唔可以話:「嗱,咁做就乖啦」、「唔打人就乖啦」 (有條件的讚,表示打人就唔乖),或者「咁先 ...
從天空到大地, 心臟在持續著令人眩暈的擺動, 那是初戀


男爵府

積分: 7188

好媽媽勳章 醒目開學勳章


發表於 07-8-11 15:14 |顯示全部帖子
Thank you for sharing.

原文章由 SandraLo 於 07-8-10 23:38 發表
Part I
在「小朋友發脾氣」的topic裡,很多媽咪都有很類似的問題,例如小朋友發脾氣、掟嘢、大喊大扭、打人、唔肯食飯、唔肯瞓、唔肯行要抱,大小小嘅就懶、唔做功課唔專心、駁咀等等….. 其 ...


珍珠宮

積分: 32563


發表於 07-8-11 19:09 |顯示全部帖子
原文章由 Rita 於 07-8-11 14:40 發表
hi, sandralo,
我唔係好明第一part--- 讚唔可以有條件. 可否再具體講明白 ??
tks


Rita :

試比較下列兩種針對經常倒瀉水的讚法:

1/ 嘩,你揸隻杯揸得好好,好乖喎!
2/ 嗱,你揸咪囉,唔會倒瀉囉!

你覺得小朋友聽到邊款會一定開心?
又冇覺得2/係有d「骨」?


子爵府

積分: 14757


發表於 07-8-12 00:07 |顯示全部帖子
多謝前輩賜教. 我十分認同讚嘅好處, 因為我之前因為個女戒唔到片搞到患上鬱躁症, 鬧咗個女好多次都搞唔掂. 之後用讚同奬終於令佢成功戒片, 大家關係仲好咗好多. 閱畢前輩嘅post, 現有以下疑問想請教:

1) 淨係讚, 小朋友如何得知乜嘢係錯??? 我個女唔鍾意聽故事, 有冇其他辦法?

2) 佢喺出面俾人話嗰陣點處理???

例: 我趕唔切讚個女喺商場拖實我手(即係冇亂跑), 結果佢亂跑俾管理員話. 我惟有教佢講"對唔住". 之後我應該點善後?

3) 個女喺街上大吵大鬧, 我哋通常喺安全情況下由得佢, 當佢發洩情緒便是, 都有喺佢好地地, 笑笑口嗰陣讚佢 "好乖喎, 唔發脾氣, 你睇你笑得幾靚!" 唔知係咪我讚錯咗??? 佢都幾多時會大吵大鬧, 請問可以點改善?

4) 好多時個女大吵大鬧嗰陣, 啲路人會鬧我好唔stop佢, 跟住我個女就會再喊大聲啲, 請問我即場應該點反應? 係咪繼續ignore, 即使商場管理員出面干涉我都ignore (因為個女發脾氣嗰陣蠻力好大, 我一個人好難拖到佢返屋企)?


男爵府

積分: 7205


發表於 07-8-12 03:13 |顯示全部帖子
sandra,

thx for sharing


珍珠宮

積分: 32563


發表於 07-8-12 16:22 |顯示全部帖子
原文章由 YolandaTam 於 07-8-12 00:07 發表
多謝前輩賜教. 我十分認同讚嘅好處, 因為我之前因為個女戒唔到片搞到患上鬱躁症, 鬧咗個女好多次都搞唔掂. 之後用讚同奬終於令佢成功戒片, 大家關係仲好咗好多. 閱畢前輩嘅po ...


Yolanda Tam :

老就係老架啦,不過都唔好叫前輩啦.....:-(
唔介意可否再post多一次上「小朋友脾氣大,可以點教」個topic度問?我响個邊答開,分咗過嚟我驚答唔哂,同嗰處多d 媽咪睇!
Thanks !

[ 本文章最後由 SandraLo 於 07-8-12 22:06 編輯 ]


子爵府

積分: 13158


發表於 07-8-12 16:55 |顯示全部帖子


珍珠宮

積分: 41383

2019新春慶豚圓 2019勳章


發表於 07-8-12 18:23 |顯示全部帖子
明哂 ! thank you !!!:mrgreen:

原文章由 SandraLo 於 07-8-11 19:09 發表


Rita :

試比較下列兩種針對經常倒瀉水的讚法:

1/ 嘩,你揸隻杯揸得好好,好乖喎!
2/ 嗱,你咁揸咪好囉,唔會倒瀉囉!

你覺得小朋友聽到邊款會一定開心?
又冇覺得2 ...
從天空到大地, 心臟在持續著令人眩暈的擺動, 那是初戀


大宅

積分: 1067


發表於 07-8-12 21:36 |顯示全部帖子
SandraLo,

I wanna to give u 10,000 kisses and 10,000 hugs


子爵府

積分: 14757


發表於 07-8-12 22:19 |顯示全部帖子
Sorry, 靚太, 遵命!

原文章由 SandraLo 於 07-8-12 16:22 發表


Yolanda Tam :

老就係老架啦,不過都唔好叫前輩啦.....:-(
唔介意可否再post多一次上「小朋友脾氣大,可以點教」個topic度問?我响個邊答開,分咗過嚟我驚答唔哂,同嗰處多d ...


民房

積分: 29


發表於 07-8-13 08:37 |顯示全部帖子
haha:mrgreen: :mrgreen: :mrgreen: :mrgreen:


男爵府

積分: 7679

2019勳章


發表於 07-8-13 11:13 |顯示全部帖子
Thanks for SandraLo !


大宅

積分: 2008


發表於 07-8-13 23:33 |顯示全部帖子
thx for sharing~


複式洋房

積分: 397


發表於 07-8-14 01:26 |顯示全部帖子
我個女二十個月, 以上問題都日日發生, 發脾氣掉東西, 叫她不採, 不肯坐定食飯....etc, 我會try讚多些, 望可改善. 因我都有些覺得不懂教她.

謝謝分享!!!

首頁
12345...9

尾頁

跳至