潮流時尚今日: 1|主題: 104587

收藏本版

發帖

返回列表

跳至頁

查看: 941 | 回覆: 0

新X想數碼~~激到嘔血!!! [複製鏈接]

MODEL小公主

洋房

積分: 51

1^#

發表於 07-10-17 16:02 |只看該作者 |倒序瀏覽 |打印

最近個細仔差唔多一歲就諗住帶埋佢同個大女一齊去影樓影相留念, 因為之前去過粉嶺既新理想數碼影像中心, 於是就打電話去book, 點知佢話要收訂,我話上次去影都無收訂,要我特登去交訂咁我就唔book啦, 個位小姐話'咁我幫你book咗先啦, 如果老闆一定要交訂我就打俾你啦', 於是我就留咗電話, 約咗時間就收線.
到影相個日都無人打電話俾我, 我就帶理工人, bb車, 老公, 2個小朋友全家總動員去影相, 點知去到就發生以下對話:
我: 我約咗今日一點影相
店員查完一輪: 要晏D喎
我: 要幾耐?
店員: 要3點, 同埋你要落訂先
我: 吓?3點? 我約咗一點架喎, 你有無同我BOOK好時間架?
店員: 因為你無落訂, 所以無約到
我: 無約到點解你唔打俾我? 而家我一家大細嚟哂你先話我無落訂無BOOK到? 你叫你地負責人出嚟
然後就有另一位女人出來, 我唔知佢係乜水, 態度非常串, 問佢係邊位佢又唔肯講, 暫時叫住佢主任先
我: 小姐我BOOK咗時間你唔同我落BOOKING又唔通知我, 有無攪錯呀, 你話唔訂唔可以BOOK既話我地最多唔影姐!
主任: 我知....因為佢話(指店員)你地話如果要落訂就唔影呃嘛 (我未見過有人咁白痴, 當住個客既面咁講, 重認為自己非常有道理)
我老公非常嬲: 你明知我地落訂唔嚟影, 你而家呃我地嚟咗再叫我地落訂, 你現我地呀? 你係咩職位呀?
主任: 我唔而要話你知我係咩職位, 總之而家就係因為你地無落訂, 所以影唔到, 如果要影就要落訂先, 你係度嘈都無用
我老公: 我要見你老闆
主任: 我老闆唔會見你喎
最終我老公醒咗佢幾句粗口之後就唯有拉隊走人, 原本開開心心諗住去影相, 點知攪到一肚氣, 所以去影相記得搵間信譽好既.