少年成長

跳至

首頁
1

尾頁
   0


複式洋房

積分: 138


發表於 07-10-31 13:05 |顯示全部帖子
BB七個月大,由三個月開始就放係99度湊,我每晚放工都會返去睇佢,不過冇湊走,因為住得唔近,星期六下午才湊返屋企,星期日又湊返去。
佢始終對住99時間多,所以個仔好痴佢,做亞媽的我當然不是味兒,我其實已經盡量抽時間湊返個仔,有時專登放幾日假湊合佢返屋企幾日,佢又未至於對住我會喊,但是總是見到99會開心d,就算每晚我同老公走,同佢講 bye bye,個仔都冇野,但是99開一開門,佢就會以為99去街,個仔就會嘈,99唔抱佢,佢又會喊,但是對住我就冇呢d反應了。

同朋友傾開,佢地都安慰我,bb仲細,佢一定是痴住湊佢個個人,到佢大d,你帶佢飲飲食食,到處玩,佢一定知道邊個係媽咪,佢一定痴你架,到時你反而厭個仔痴住你煩tim”,但是我就好期待這些日子了。

你地有冇過來話比我知事實是不是o甘呢?


男爵府

積分: 5412


發表於 07-10-31 17:33 |顯示全部帖子
我的case 同你差不多, 只是我同99一齊住; 我係返工一族, 每晚也見著小b痴住99的感覺更差, 因地方問題, 小b仲要同99瞓, 你的經歷, 我以前不斷上演, 真的好難受, even 99只是幫我, 沒有人會明白我, 即使我老公及朋友; 所以我一有時間, 即同小b去街, 待小b慣了假日對住媽咪, 4年了, 成績已算不錯 ... 至於"一定會痴番媽咪", 應該視乎你對小b付出多少, 時間重要, 相處的質量更是重要啊 !

[ 本文章最後由 catmiecatmie 於 07-10-31 17:40 編輯 ]


大宅

積分: 1848


發表於 07-10-31 18:03 |顯示全部帖子
大家放心啦, bb始終會有一日痴返父母架.

我囡囡由兩個月時已交比婆婆湊, 一個星期只是weekend湊佢返黎, 初頭未識講野時佢一D都唔跟我, 但到了識講野時, 佢已完完全全知道我地係佢父母, 佢什麼都會問我地, weekend完畢時, 佢仲會話唔想返婆婆到. 試過有一天早上起身, 我見佢悶悶不樂咁, 咪問佢咩事, 結果佢同我講唔想返婆婆到, 我話好啦, 咁明天至返, 跟住佢仲唔出聲, 我問佢做咩, 佢話佢想同我地一齊住, 跟住我咪開解佢, 先好D.


其實, 我何來唔想同佢一齊住, 但好多野都配合唔到, 咪冇計..:-(


大宅

積分: 2603


發表於 07-10-31 18:45 |顯示全部帖子
我覺得, 細路仔由0-10歲呢段時間, 最好都係自己揍番, 幾辛苦都好, 我自己有兩個細路, 返工既時候就早d搭車將仔女放響奶奶度, 放工就即刻上番我奶奶度, 食埋飯就帶番佢地走, 雖然真係真係好辛苦, 但係可以一日一日睇住佢地成長, 夜晚同佢地講故仔, 佢地攬住你既感覺, 真係好sweet, 因為佢地越大, 就唔會做太多親蜜既動作, 有自己既思想, 行為, 有時會覺得自己大個左乜都要自己做, 到時就會覺得自己好似多餘左, 所以生得細路既媽咪, 記得呢段時間真係最寶貴架


珍珠宮

積分: 33212


發表於 07-11-3 18:37 |顯示全部帖子
原文章由 lokarmen 於 07-10-31 13:05 發表
BB七個月大,由三個月開始就放係99度湊,我每晚放工都會返去睇佢,不過冇湊走,因為住得唔近,星期六下午才湊返屋企,星期日又湊返去。
佢始終對住99時間多,所以個仔好痴佢,做亞媽的我當然不是味兒,我其實已經盡量抽時間湊返個仔,有 ...


你問題的答案:
不過.......好戲在後頭呀!
當你bb跟你多d 嗰陣, 你99就會用盡一切方法攞番佢失去的...., 即係bb要乜佢就俾セ呀!你諗定到時点做都得啦!


珍珠宮

積分: 37103


發表於 07-11-4 17:20 |顯示全部帖子
" bb大個,一定會痴番媽咪 ", 未必, 其實真係好 depends 你花多少時間及心機在個B身上。
咁但當然點都比佢細個,未懂事時好, 起碼唔好喊

[ 本文章最後由 hiragana 於 07-11-4 17:21 編輯 ]


大宅

積分: 2265

好媽媽勳章


發表於 07-11-10 11:43 |顯示全部帖子
原文章由 SandraLo 於 07-11-3 18:37 發表


你問題的答案:係
不過.......好戲在後頭呀!
當你bb跟你多d 嗰陣, 你99就會用盡一切方法攞番佢失去的...., 即係bb要乜佢就俾セ呀!你諗定到時点做都得啦! ...



完全同意....
仲要好似個bb係佢生咁..
對我同bb所做嘅嘢(衣.. 食.. 住.. 行..)多多意見
樣樣都好唔滿意我同bb所做/所安排嘅一切
煩.. 到.. 嘔...:evil: :evil: :evil:

[ 本文章最後由 birdbird111 於 07-11-10 11:44 編輯 ]
:-P birdbird :-P


禁止訪問

積分: 800


發表於 07-11-11 00:58 |顯示全部帖子
提示: 作者被禁止或刪除 內容自動屏蔽


大宅

積分: 3610


發表於 07-11-12 16:28 |顯示全部帖子
係架!
我個囡1歲前都係99湊,我唔係個個sat都湊番黎,仲要從來冇係我度過夜,但我自已一湊番,頭1個星期佢真係日日:-( ,特別係訓覺都叫住女麻女麻,但之後已冇事,宜家湊咗3個月多d,已經日日痴住我,真係想佢唔好痴咁多!所以好多人都話呢d就係自已湊既成績喇!放心啦!就算唔係自已湊,大d俾番多d時間bb,同佢玩多d,傾多d計,佢都會跟番媽咪架! 至緊要俾多d時間佢!


大宅

積分: 2240


發表於 07-11-13 09:54 |顯示全部帖子
我諗真係要睇你同 bb 有幾多時間同埋個質素.

我 bb 半歲前係 99 度住 weekend 湊返. 半歲後日間係 99 度每晚我湊返屋企. 一歲後我做左 full time mom 自己湊返.
唔係只係佢跟唔跟你,重有你第時點教佢。好多野,例如脾氣,生活習慣,都係頭果幾年決定哂.

我自己當然覺得係 full time mom 最好. 如果唔係,最少每晚湊返. 我果時都係自己晚上湊返可以晚晚同佢玩一陣再講故事後佢自己訓.


大宅

積分: 1332


發表於 07-11-14 07:14 |顯示全部帖子
我大仔細個果陣都係我媽咪湊,每日我都會去媽咪到同bb玩,但到8個月果陣自己湊返屋企 ,一入到門口就喊點樣哄都唔得,就算而家自己湊都好佢唔係好痴我,喊親都話要搵婆婆。


複式洋房

積分: 195


發表於 07-11-14 13:04 |顯示全部帖子
Me Too



完全同意....
仲要好似個bb係佢生咁..
對我同bb所做嘅嘢(衣.. 食.. 住.. 行..)多多意見
樣樣都好唔滿意我同bb所做/所安排嘅一切
煩.. 到.. 嘔...:evil: :evil: :evil: ... [/quote]


大宅

積分: 1057


發表於 07-12-3 16:08 |顯示全部帖子

回覆 #12 hayden06 的文章

me 3 la !!


大宅

積分: 3781

畀面勳章 BK Milk勳章


發表於 07-12-7 19:46 |顯示全部帖子
唔係一定架!要睇你花多少時間在bb身上!!!



quote]原文章由 lokarmen 於 07-10-31 13:05 發表
BB七個月大,由三個月開始就放係99度湊,我每晚放工都會返去睇佢,不過冇湊走,因為住得唔近,星期六下午才湊返屋企,星期日又湊返去。
佢始終對住99時間多,所以個仔好痴佢,做亞媽的我當然不是味兒,我其實已經盡量抽時間湊返個仔,有 ... [/quote]

首頁
1

尾頁

跳至