如果只係返去讀幼稚園學中文,我勸樓主都係唔好諗,實必你失望,
學一定會學到,但如果返到美國讀小學,唔係有中文讀嘅,
好快小朋友就會唔記得,就算係星期六日送佢去讀中文學校都未必有用,
小朋友平時溝通用英文,呢個先係佢地母語,中文幾努力都有限度,
除非父母自小培養,但難保小朋友有冇興趣。我老闆移民後送個女星期六日去學中文,
而家讀到大學,中文比韓文差,而韓文只係修咗幾年嘅第二言語,
因為佢鍾意韓星追韓劇,所以揀修韓文,兩三年下來,居然好過學咗十幾年嘅中文,
喺屋企老闆同女講國語(老闆母語係國語),有晒語境都唔得,
基本上識講識寫一D識睇簡單,睇父母要求去到邊啦。
花旗太太生活在花旗國,留意時差,你問我未必即時答到。